Read Te Tusi Tapu I Te Gana Tuvalu Lomiga Lua IONA 4 Bible Online

IONA 4 - Te Tusi Tapu I Te Gana Tuvalu Lomiga Lua bible

IONA 4

¹Ne seki fiafia a Iona ki te faiga tenei a te Atua, tena ne ita ei a ia.

² Ne 'talo a ia ki te Aliki penei, “Te Aliki, e 'tonu eiloa aku pati ka koi tuai o tiaki ne au toku fenua, me ka se fakasala ne koe a Nineva. Tena te mea ne tele ei au ki Sepania! Ne iloa ne au i a koe se Atua alofa kae alofa 'nau, e kufaki, e kaimalie, kae toka faeloa i taimi katoa o fuli tou mafaufau kae e se masani o fakasala tino.

³ Nei la, te Aliki, tuku mai au ke mate. E sili au ma mate i lo toku ola.”

⁴Ne tali mai te Aliki penei, “I tau fakatau e tonu tou ita?”

⁵Ne fano a Iona ki te feitu ki te saegala o te fa'kai kae nofo ki lalo. Ne fai ne ia sena fakamalumalu kae nofo i ei, kae fakatalitali me se a te mea ka tupu ki Nineva.

⁶Ne fakaola ne te Aliki te Atua a te lakau mo fakamalumalu Iona, ko te mea ke malu 'lei. Ko oko eiloa te fiafia o Iona ki te lakau.

⁷Kae i te vaveao o te sua aso, ne vau a te anufe o kai a te lakau mai te fakatonuga a te Atua, tela ne mate ei te lakau.

⁸Ko tai leva te fanakega o te la, kae fakaagi mai ne te Atua te matagi 'vela mai i te saegala, ka ko tai matapo a Iona i te vela o te la ki tena ulu. Tena ne fia mate ei a ia. Ana muna:[5] “E lei atu manafai e mate au i lo toku ola.”

⁹Ka ko te Atua ne fai mai ki a ia, “Se a tau fekau e ita ei koe ki te lakau?” Kae ne tali atu a Iona, “E 'tau eiloa toku ita i feitu katoa, e mate eiloa au i toku ita!”

¹⁰Kae ne fai mai te Aliki ki a ia, “A te lakau nei ne ola ake fua i te po e tasi kae galo i te sua po; seki ai ne au mea ne fai ki ei; seki fakaola foki ne koe — kae sona fanoanoa fua koe ona ko te lakau!

¹¹Kae e se alofa pefea au ki Nineva te fa'kai lasi, tela e silia atu i te selau luasefulu afe tamaliki loto 'ma i ei pena foki a manu!”