Read Te Tusi Tapu I Te Gana Tuvalu Lomiga Lua NUMELA 11 Bible Online

NUMELA 11 - Te Tusi Tapu I Te Gana Tuvalu Lomiga Lua bible

NUMELA 11

¹Ne kamata a tino Isalaelu o mui'mui ki te Aliki e tusa mo fakalavelave kola e oko sale ki a latou; ne lagona ne te Aliki te lotou muimui tela ne kaitaua ei kae aumai ne ia a te afi ki luga i a latou. Ne 'ka te afi tena i loto i te lotou fa'kai, tela ne fakamasei ei te feitu e tasi o te fa'kai.

²Ne ka'laga atu a tino Isalaelu ki a Mose mo se fesoasoani, tela ne talo atu ei a Mose ki te Aliki, ko te afi eiloa ko mate.

³Tena, ne fakaigoa ei a te koga tena ko Tapela,[3] me i te koga tena ne aumai ei ne te Aliki a te afi ki luga i tino Isalaelu.

⁴E isi ne tino fakaalofa e olo tasi mo tino Isalaelu, ka ko latou eiloa ko fia 'kai malosi ki kano manu. Tena la, a tino Isalaelu ko tagi foki ke kai latou i kano manu. Muna a latou penei, “A matou ko fiakai ki kano manu!

⁵I te motou nofoga i Aikupito e kai ma'kona faeloa matou i ika, kae e se togi. E masaua ne koutou a kukamupa, mo meleni mo liki mo aniani mo kaliki kola e kai sale tatou i ei?

⁶Kae nei la, ko seai se motou ma'losi. Ko seai eiloa ne meakai, ko te manai faeloa tenei i aso katoa!”

⁷ A manai e pela me ne fuaga foniki, e lanu kena — sega.

⁸ E 'to fakatasi mo te 'sau i te po i loto i te koga e nofo ei a tino Isalaelu. I te taeao ko tino ka olo o tae ko tuki ei ke liu falaoa. Ka oti ko tunu ei, ko faite ei ki ei ne falaoa fakapapa. E tai fano pela me se falaoa ne tao ki te sinu olive.

¹⁰Ne lagona ne Mose a te mui'mui o te fenua i te taimi e tu'tu mai ei i mataloa o olotou Faleie. Ko oko eiloa i te fanoanoa o Mose i te Aliki e kaitaua ki a latou,

¹¹tela ne fai atu ei a ia ki te Aliki penei, “Ai a ko se fai faka'lei ei ne koe a au? Ai a ko se fiafia mai ei koe ki a au? Ai a ne fakaeke mai ei ne koe te tofi tenei ko te takitakiga o tino katoa konei?

¹²E seki faite ne au a latou, e se ko au te pogai ne ola mai ei latou ki te lalolagi! Ai a e manako ei koe ke fai au e pela me se neesi, o amo latou i oku lima e pela me ne pepe ke oko eiloa ki te fenua ne tauto ei koe ke tuku ki olotou tupuga?

¹³E maua ne au i fea ne kano manu mo fagai a tino katoa konei? E se ma'lie, kae ka'laga faeloa ke kai latou i ne kano manu.

¹⁴E se mafai ne au tokotasi o tausi a tino katoa konei me ko to faigata ki a au!

¹⁵Kafai tena tau faiga ki a au, fakamolemole tamate mai au, ko te mea ke se toe fita a au i au faiga fakama'taku.”

¹⁶Muna a te Aliki ki a Mose, “Fakamaopoopo mai e tino fitu a takitaki o tino Isalaelu, kae aumai ki a au, i toku Faleie, kae fai ki ei ke tu i ou tafa.

¹⁷Ka fanaifo au ke fai'pati taua i kona, kae ka tapale mai ne au mai i a koe se vaega o te 'mana tela ne avatu ne au ki a koe, o tufatufa i a latou. Tena la, ka fesoasoani atu a latou ki a koe i te tausiga o tino katoa konei, kae ka se toe fai tokotasi ne koe te galuega.

¹⁸Fai atu ki tino Isalaelu penei, ‘Faka'ma otou foitino mo te aso taeao; ka maua ne otou kano manu mo otou kai. Ko oti ne lagona ne te Aliki o otou pati e fai pela i a koutou e fia'kai kano manu, kae fai foki koutou pela me e sili atu te lei o te otou nofoga i Aikupito. Nei ka avatu ne te Aliki ne kano manu ke kai koutou ki ei.

¹⁹A koutou ka kai ki kano manu, e se fai pela i te aso fua e tasi, io me i aso e lua, io me i aso e lima, io me i aso e sefulu io me i aso e luasefulu;

²⁰ko te masina katoa eiloa e kai ei koutou i kano manu ko te mea ke sali mai i otou pu taliga, ke se toe manako koutou ki ei. Ka tupu te mea tena me ko oti ne teke ne koutou a te Aliki tenei e fakatasi mo koutou, kae ne kalaga foki koutou ki a ia mo te se malie i a koutou ne aumai keatea mo Aikupito.’ ”

²¹Muna a Mose ki te Aliki, “E ono selau afe a tino konei e tausi ne au, kae fai mai koe me ka fagai ne koe latou ki kano manu i se masina e tasi?

²²E mata e lava ne pulumakau mo mamoe ke kai latou ke ma'lie i ei? E mata e ma'kona latou i ika katoa o te tai?”

²³Ne tali mai te Aliki, “I tau fakatau, e isi se gataga o te malosi o toku mana?” “Ka matea ne koe me e taunu a te mea ne faipati atu ei au, me ikai!”

²⁴Tena ne ulu atu ei a Mose ki tua, kae fai atu ki tino Isalaelu a muna a te Aliki ne fai atu ki a ia. Ne fakamaopoopo ne Mose te tino fitu takitaki kae tuku fakatamilo ne ia latou i te faleie o te Aliki.

²⁵Tena, ne fanaifo ei a te Aliki i te kaumana o faipati ki a Mose. Ne tapale ne te Aliki a te vaega o te mana tela ne tuku ne ia ki a Mose o faulu ki loto i te tino fitu takitaki. I te uluatuga o te agaga ki loto i takitaki kona, ko te mea eiloa ko ka'laga ki luga e pela me ne pelofeta, kae e se leva foki.

²⁶E tokolua takitaki mai i te tino fitu takitaki kona, ko Eletata mo Metata, ne seki olo ki te Faleie o te Aliki, kae ne nofo eiloa i loto i te fa'kai. Ne oko mai te agaga o te Aliki ki luga i a laua i loto i te fa'kai, tela ne kalaga foki ei laua e pela me ne pelofeta.

²⁷E isi se tamataene ne tele o fakailoa ki a Mose a mea a Eletata mo Metata ne fai.

²⁸A Iosua, te tama tagata a Nuno, tela e fesoasoani sale ki a Mose i aso koi tamataene ei a ia, ne fai atu ki a Mose penei, “Tou Malu, 'vao atu ke fakagata te la mea tena e fai!”

²⁹Muna a Mose, “A koe na e ita i a koe e kau i a au? A te mea e manako au ki ei, ko te Aliki ke tuku mai tena agaga ki te fenua o te Atua kae fai latou ke kalaga katoa e pela me ne pelofeta!”

³⁰Tena, ne foki atu ei a Mose mo te tino fitu takitaki ki te fa'kai.

³¹Tena, ne fakaagi mai ei ne te Aliki a te matagi tela ne aumai ei a manu eva ko salu mai te tai, kae ne eva mai ki te fenua e se silia mo te mita te maluga. Ne tu valevale a manu eva kona i loto i te koga e nofo ei te kau Isalaelu, pela foki i tua o te fa'kai, i feitu katoa,[4] seiloa me e fia kilomita te mao o te tulakiga mai i te fa'kai o fanatu eiloa ki tua.

³²Tela la, a te galuega a tino i te aso katoa tena, mo te po katoa pela foki te sua aso katoa, ko te pōga o salu; e seai se tino e mai lalo o te afe kilokalame te mafa o ana manu ne maua. Ne tauaki ne latou a manu eva kona i tua o te fa'kai.

³³Tena la, koi uke eiloa olotou kano manu mo olotou kai ka ko te Aliki ko kaitaua ki tena fenua, tela ne aumai ei ne ia te famai ki a latou.

³⁴A te koga tena e fakaigoa ko “Tanuga o Tino Mate Sogea,” me i kona ne tanu ei a tino kola ne ma'nako malosi o kai i kano manu.

³⁵Tena, ne ma'laga atu ei a te fanauga a Isalaelu mai te koga tena ki Haselota, tela ne toe fakama'nava ei latou i ei.