Read Te Tusi Tapu I Te Gana Tuvalu Lomiga Lua NUMELA 12 Bible Online

NUMELA 12 - Te Tusi Tapu I Te Gana Tuvalu Lomiga Lua bible

NUMELA 12

¹A Mose ne avaga ki se fafine Kusi,[5] tela la, a Miliama mo Alona e se fiafia ki ei.

²Muna a laua penei, “Kae a, ko Mose fua nei ne faipati sale ki ei a te Aliki?[6] Mose? E faipati sale mai foki ki[7] E faipati mai sale foki ki a taua.” Ne lagona ne te Aliki a la pati kona ne fai.

³A Mose se tagata loto malalo; ko te toe tagata loto malalo eiloa i te lalolagi.

⁴Tena, ko te Aliki eiloa ko faipati atu ki a Mose, Alona mo Miliama penei, “Au e manako ke o'mai koutou tokotolu ki toku Faleie. Ne olo atu latou,

⁵kae fanaifo mo te Aliki i te pou kaumana, tu i mua o te mataloa o te Faleie, kae kalaga atu penei “Alona! Miliama!” Ne 'tu atu ki mua a laua kona,

⁶kae fai mai a te Aliki penei, “Faka'logo mai ki aku pati konei ka fai atu. Kafai e isi ne pelofeta i a koutou,[8] au e fakaasi ki a latou i fakaasiga kae faipati ki a latou i moemiti.

⁷ Kae e kese eiloa manafai e faipati au ki taku tavini ko Mose, me ko oti ne fakasopo ne au a ia ke pule i te fanauga katoa o Isalaelu.[9]

⁸Tela la, au e faipati ki a ia e pela eiloa me se tokolua e sautala, e fakamalamalama eiloa ne au ki a ia a mea e manako au ke fai, kae e se faipati au i feitu funa. Ko oti foki ne matea ne ia toku ata! E se tau mo koulua o fakamasei taku tavini ko Mose.”

⁹Ne kaitaua te Aliki ki a laua, tena la, i te taimi ne fulitua atu ei a ia o fano,

¹⁰mo te kaumana foki ko gasue o fano keatea mai te Faleie o te Aliki, tena ko te pakili eiloa o Miliama ko fonu i te lepela, kae kena eiloa e pela mo se kiona. I te mateaga ne Alona i a Miliama ko fonu i te lepela,

¹¹ne fai atu ei a ia ki a Mose penei, “Fakamolemole tou malu, sa fakapuapuagagina maua ki te fakasalaga tenei, e tusa mo te agasala valea a maua tena ne fai.

¹²Sa faigina a ia ke pela me se mea ne fanau mai e mate mo tena foitino ko pala feitu tasi.”

¹³Tena ne kalaga ei a Mose ki te Aliki penei, “Te Atua, faka'lei aka te masaki o Miliama!”

¹⁴ Ne tali mai te Aliki, “Moi ne puaki ona mata ne tena tamana, e tusa mo te fitu o aso e nofo ei a ia mo te masiasi. Tela la, e tau o tasi te vaiaso e sai ei a ia i tua o te fa'kai, ka oti ko toe fakafoki mai ei a ia.”

¹⁵Ne sai eiloa a Miliama i tua o te fa'kai i aso e fitu, tena, seki ga'sue eiloa a tino o ma'laga ki se isi koga, ke oko eiloa ki te taimi ne toe fakafoki mai ei a ia.

¹⁶I kona foki eiloa, ne tiakina ne latou te koga e igoa ko Haselota, kae toe faka'tu olotou faleie i te vao o Palana.