Read Te Tusi Tapu I Te Gana Tuvalu Lomiga Lua NUMELA 26 Bible Online

NUMELA 26 - Te Tusi Tapu I Te Gana Tuvalu Lomiga Lua bible

NUMELA 26

¹ I te gataga o te mala, ne fai atu ei a te Aliki ki a Mose mo Eleasalo te tama tagata a Alona penei,

²“Lau aka te fenua katoa o Isalaelu i olotou kaiga takitasi, lau a tagata kola ko luasefulu tausaga o fano ki luga, kola ko 'tau o fai mo sotia.”

³A Mose mo Eleasalo ne faka'logo, kae ne fakamaopoopo ne laua a tagata i loto o tausaga kona. Ne fakamaopoopo latou i koga laugatasi o Moapi o fano ki te Vaitafe o te Iolitana mai Ieliko. Konei a tino Isalaelu kola ne aumai i Aikpito:

⁴

⁵Ko te matakaiga o Leupena (Leupena ko te ulumatua a Iakopo): Konei a kaukaiga e aofia i loto i te matakaiga tenei: ko te kaukaiga o Hanoka, te kaukaiga o Palu,

⁶te kaukaiga o Heselona, mo te kaukaiga o Kami.

⁷A te aofaki o tagata ko 'tau o fai mo sotia i kaukaiga katoa konei, e tusa mo te 43,730 tagata.

⁸A te gafa o Palu ko Eliapo

⁹mo ana tama tagata ko Nemuelu, Tatano mo Apilamo. A Tatano mo Apilamo ko laua kola ne fili ne te fenua o Isalaelu; ko laua foki kona ne teke atu ki a Mose mo Alona, kae kau atu ki a Kola mo tena potukau, i te taimi ne teke atu ei latou ki te Aliki.

¹⁰A laua kona ne mate fakatasi mo Kola i te taimi ne matala ei te laukele o folo latou. A tino ne mate fakatasi mo latou i te afi e tusa mo te luaselau limasefulu tagata; ne fai te mea tena mo akoakoga ki te fanauga a Isalaelu.

¹¹A tamaliki tagata a Kola e seki mate i te taimi tena.

¹²Ko te matakaiga o Simeona: e aofia ei a kaukaiga o Nemuelu, lamina, Iakini,

¹³Selau mo Saula.

¹⁴A te aofaki o tagata ko tau o fai mo sotia i kaukaiga katoa konei e tusa mo te luasefulu lua afe, luaselau tagata.

¹⁵Ko te matakaiga o Kato: e aofia ei a kaukaiga o Sefono, Haki, Suni,

¹⁶Osini, Eli,

¹⁷Alota mo Aleli.

¹⁸A te aofaki o tagata ko tau o fai mo sotia i kaukaiga katoa konei e tusa mo te fasefulu afe, limaselau.

¹⁹Ko tama tagata a Iuta: Elu mo Onanu; Elu mo Onanu kola ne mate i te fenua ko Kanana.

²⁰Ko te matakaiga o Iuta: e aofia ei a kaukaiga o Seela, te kaukaiga o Selanaita; mai Pelesa, te kaukaiga o Pelesite; mai Seela, mo te kaukaiga o Selanita.

²¹Te matakaiga o Pelesa ko: Heselona, mo te kaukaiga o Hamula, mo te kaukaiga o Hamulite.

²²A te aofaki o tagata ko tau o fai mo sotia i kaukaiga katoa konei e tusa mo te fitusefulu ono afe, limaselau.

²³Ko te matakaiga o Isakala: e aofia ei a kaukaiga o Toula, o Pua,

²⁴o Iasupa mo te kaukaiga o Similona.

²⁵A te aofaki o tagata ko tau o fai mo sotia i kaukaiga katoa konei e tusa mo te onosefulu fa afe, toluselau tagata.

²⁶Ko te matakaiga o Sepulona: e aofia ei a kaukaiga o Seleti, o Eloni, mo te kaukaiga o Ialeli.

²⁷A te Aofaki o tagata ko tau o fai mo sotia i kaukaiga katoa konei e tusa mo te onosefulu afe, limaselau.

²⁸Ko matakaiga o Iosefa, kola e fakaigoa ki igoa o ana tama tagata ko Manase mo Efalaima.

²⁹Ko te matakaiga o Manase: a Makila, te tama tagata a Manase, ko te tamana o Kileata. Konei a kaukaiga kola e tau te lotou gafa ki a Kileata:

³⁰ko te kaukaiga o Iesela, te kaukaiga o Heleka,

³¹te kaukaiga o Asilielu, te kaukaiga o Sekema,

³²te kaukaiga o Semita, mo te kaukaiga o Hefa.

³³A te tamaliki tagata a Hefa, tela ko Selofeata, e seai ne ana tama tagata, kae ne tama fafine fua. Konei olotou igoa: ko Mahala, ko Noa, ko Hokala, ko Milika mo Tilesa.

³⁴A te aofaki o tagata ko tau o fai mo sotia i kaukaiga katoa konei e tusa mo te limasefulu lua afe, fituselau tagata.

³⁵Ko te matakaiga o Efalaima: e aofia ei a kaukaiga o Sutela, o Pekali, mo te kaukaiga o Tahana.

³⁶A te kaukaiga o Elana e tau tena gafa ki a Sutela.

³⁷A te aofaki o tagata ko tau o fai mo sotia i kaukaiga katoa konei e tusa mo te tolusefulu lua afe, limaselau tagata. Kona a kaukaiga kola e tau te lotou gafa ki a Iosefa.

³⁸Ko te matakaiga o Peniamina: e aofia ei a kaukaiga o Pela, o Asepelo, o Ailamu,

³⁹o Sefufama, mo te kaukaiga o Hufama.

⁴⁰A te kaukaiga o Alata mo te kaukaiga o Naamanu, e tau te la gafa ki a Pela.

⁴¹A te aofaki o tagata ko tau o fai mo sotia i kaukaiga katoa konei e tusa mo te fasefulu lima afe, onoselau tagata.

⁴²Ko te matakaiga o Tanu: e aofia ei te kaukaiga o Husima.

⁴³A tagata ko tau o fai mo sotia i te kaukaiga tena e tusa mo te onosefulu fa afe, faselau tagata.

⁴⁴Te matakaiga o Asela: e aofia ei a kaukaiga o Imina, o Isivi mo te kaukaiga o Pelia.

⁴⁵A te kaukaiga o Hepela mo te kaukaiga o Malakielu e tau o la gafa ki a Pelia.

⁴⁶E isi se tamaliki fafine a Asela e igoa ki a Sela.

⁴⁷A te aofaki o tagata ko tau o fai mo sotia i kaukaiga katoa konei e tusa mo te limasefulu tolu afe, faselau tagata.

⁴⁸Ko te matakaiga o Nafatali: e aofia ei a kaukaiga o Iaseeli, o Kuni,

⁴⁹o Iesela, mo te kaukaiga o Silema.

⁵⁰A te aofaki o tagata ko tau o fai mo sotia i kaukaiga katoa konei, e tusa mo te fasefulu lima afe, faselau tagata.

⁵¹A te aofaki katoa o tagata Isalaelu kola ko tau o fai mo sotia, e tusa mo te onoselau mo te tasi afe, fituselau tolusefulu.

⁵² Muna a te Aliki ki a Mose,

⁵³“Vaevae te laukele i matakaiga takitasi, kae fuafua fakalei ki te tokouke o matakaiga takitasi.

⁵⁴Vaevae te laukele fai a te vili, ko te vaega lasi e ave ki matakaiga tokouke, ka ko te vaega foliki e ave ki matakaiga foliki.”

⁵⁵

⁵⁶

⁵⁷A te matakaiga o Levi e aofia ei a kaukaiga o Kelesona, o Koate mo te kaukaiga o Melali.

⁵⁸A te gafa ki tua ifo o latou e aofia ei a kaukaiga foliki o Lipini, o Hepelona, o Mali, o Musi mo Kola. A Koate ko te tamana o Amalamo,

⁵⁹tela ne avaga ki te tama fafine a Levi e igoa ki a Iokapeta, tela ne fanau i Aikupito. E tokolua tama tagata a Amalamo mo Iokapeta; ko Alona mo Mose, kae tokotasi te tama fafine, ko Miliama.

⁶⁰ E tokofa tama tagata a Alona; ko Natapu, ko Apiu, ko Eleasalo mo Itamala.

⁶¹ A Natapu mo Apiu ne mate i te taimi ne ofo ei ne laua te afi se 'malu ki te Aliki.

⁶²A te aofaki o tagata i te matakaiga o Levi kola ko takitasi masina o fano ki luga e tusa mo te luasefulu tolu afe. A olotou igoa e fakamau fakaatea eiloa mai i igoa o tino Isalaelu katoa, me e seai ne tofi o latou i te vaevaega tela ne fai.

⁶³A igoa o kaukaiga katoa konei, ne fakamau ne Mose mo Eleasalo i te taimi ne lau ei ne laua a tino Isalaelu i te koga laugatasi o Moapi, i tafa o te Vaitafe o te Iolitana kae fakafesagai ki te fa'kai o Ieliko.

⁶⁴E seai eiloa se tino koi toe mai nei, mai i tino kola ne fakamau ne Mose mo Alona i te lauga muamua eiloa o tino Isalaelu, tela ne fai i te Vao o Sinai.

⁶⁵ Ko oti ne faipati te Aliki me ka mate katoa latou i te vao, tena ne mate katoa eiloa latou, na ko Kalepo eiloa, te tama tagata a lefune, mo Iosua te tama tagata a Nuno ne seki mate.