Read Te Tusi Tapu I Te Gana Tuvalu Lomiga Lua NUMELA 5 Bible Online

NUMELA 5 - Te Tusi Tapu I Te Gana Tuvalu Lomiga Lua bible

NUMELA 5

¹Muna a te Aliki ki a Mose,

²“Fakatonu atu ki tino Isalaelu ke ave keatea mai loto i te fa'kai a tino kola e maua ne te lepela, mo tino kola e isi se sua e vau mai loto i olotou foitino, pela foki mo tino ne pa'tele ki foitino o tino mate.

³Ave katoa a tino lailai konei keatea mai te fa'kai, ke mo a e fakalailai ne latou te koga e nofo fakatasi ei au mo oku tino.”

⁴Tena, ne fai eiloa ne tino Isalaelu a te fakatonuga tena.

⁵ Ne tuku mai ne te Aliki ki a Mose

⁶a fakatonuga konei mo tino Isalaelu. Kafai se tino ko se fakamaoni ki te Aliki kae fai ne ia se mea 'se ki te sua tino,

⁷e tau mo ia o fakaasi tena agasala, kae togi katoa ne ia te aofaki, e tusa mo tena mea 'se ne fai ki te tagata ne 'se a ia ki ei, fakaopoopo ki ei mo te luasefulu pasene.

⁸Kae kafai ko oti ne mate te tagata tela ne fai te 'se ki ei, kae e seai se kaiga pili o ia ke togi ki ei te togi o te agasala, ko tena uiga, ko tau o tuku atu ki te Aliki kae puke ma te faitaulaga. A te aofaki tena e fakaopoopo ki te mamoe tagata tela e masani o fakaaoga i te sauniga o te faka'maga o te tagata agasala.

⁹A lafoga e aumai ne tino Isalaelu ki te Aliki e puke ma te faitaulaga tela ne avatu ki ei a mea kona.

¹⁰A faitaulaga taki tokotasi e puke eiloa ne latou ma latou a taulaga kola e avatu ki a latou.

¹¹Ne fakatonu mai te Aliki ki a Mose,

¹²ke tuku atu a fakatonuga konei ki tino Isalaelu: Kafai se tagata e masalosalo i tena avaga ko se fakamaoni atu ki a ia,

¹³me ko oti ne moe fakatauavaga mo te sua tino, kae e se mautinoa tonu ne ia, me e seai se molimau; io me kafai foki te tagata tena e masalosalo i tena avaga, kae tela la, e seai eiloa se agasala a tena avaga ne fai,

¹⁴kafai e oko te loto masalosalo ki ia, tela ko masalosalo ei a ia ki tena avaga, ko tena uiga ko fakamasei ne ia tena avaga, io me kafai e vau te loto masalosalo ki a ia, kae ko masalosalo a ia ki tena avaga, kae tela la e 'ma faeloa tena avaga;

¹⁵ko tau ei o ave ne ia te fafine ki te faitaulaga. E tau o aumai ne te tagata tenei e tasi te kilokalame o falaoa ne faite mai kalite, kae e se tau o ligi ne ia ne sinu olive ki ei io me ne mea faka'manogi, me i te mea tenei se taulaga mai te tagata masalosalo e fai ei ke sae mai te mea tonu.

¹⁶Ka aumai ne te faitaulaga a te fafine o fakatu i mua o te fata-fai-taulaga.

¹⁷Ka ligi ne te faitaulaga ne mu vai tapu ki loto i se pola fatu kae tuku atu ne ia ki loto i ei ne one mai te fola o te Faleie o te Aliki, ke fakakona ei te vai.

¹⁸Ka oti, ko tala ei ne ia a laulu o te fafine kae tuku atu ki ona lima a te taulaga falaoa. Ka ko te faitaulaga e puke i ona lima a te pola tela e fonu i te vai kona, tela e aumai ne ia te malaia.

¹⁹Tena, ka fai ei ne te faitaulaga a te fafine ke talia ne ia a te tautoga tela ka faipati mai ne te faitaulaga: “Kafai e seki mulilua koe, ko tena uiga ka se oko atu ki a koe a te mala tenei e aumai ne te vai tenei.

²⁰Kae kafai ne mulilua eiloa koe,

²¹ko te Aliki ke fai ne ia tou igoa mo mala i tou fenua. A te Aliki ke fakamalaia ne ia ou koga tapu ke kutu ki lalo, ka ko tou tinae ke fete ki luga.

²²A te vai tenei ke ulu ki loto i tou tinae kae fai ne ia ke fete, mo ou koga tapu foki ke kutu.” A te tali a te fafine e fai penei, “Ko talia ne au; ke fai eiloa pena ne te Aliki.”

²³Tena, ka tusi ki lalo ne te faitaulaga a pati fakamalaia kona, ko ufi ei ne ia o mulu keatea i loto i te pola tela e tuku ei a te vai kona.

²⁴Kae koi tuai o fainu ne te faitaulaga a te fafine ki te vai kona, tela ka fakamae ne ia te fafine manafai ne agasala,

²⁵e tau mua o puke mai ne ia a te taulaga falaoa mai i lima o te fafine, o fakatapu ki te Aliki i luga i te fata-fai-taulaga.

²⁶Ka oti ko aku fakafonu ne ia a tena lima i te taulaga tena, ko sunu ei i luga i te fata-fai-taulaga, e fai mo sui o te taulaga katoa. Ka oti, ko fainu ei ne ia a te fafine ki te vai tena.

²⁷Kafai ne mulilua a te fafine tena, tena tinae ka fete mo ana koga tapu ka kutu ki lalo. A tena igoa ka fai mo igoa malaia i tena fenua.

²⁸Kae kafai e seki agasala a ia, ka seai eiloa se mea e tupu ki a ia; kae ka fanafanau eiloa a ia.

²⁹Tenei te tulafono e uiga ki sala o te masalosalo, kafai se fafine avaga tela e nofo i lalo o te pulega a tena avaga, ko mulilua mo te sua tagata a ia ko agasala.

³⁰Io, manafai te agaga o te masalosalo ko oko ki te tagata tena tela ko masalosalo ki tena avaga; tena la ko ave ei ne ia a tena avaga i mua o te Aliki, ka ko te faitaulaga ka fai ne ia a te sauniga tena.

³¹A te tagata avaga tena e seai sena 'se i te agasala, ka ko te fafine, kafai ne agasala, ka maua eiloa ne ia a te ikuga o tena agasala.