Read Te Tusi Tapu I Te Gana Tuvalu Lomiga Lua NUMELA 6 Bible Online

NUMELA 6 - Te Tusi Tapu I Te Gana Tuvalu Lomiga Lua bible

NUMELA 6

¹Ne fakatonu ne te Aliki a Mose

²ke tuku atu a fakatonuga konei ki tino Isalaelu. So se tagata io me se fafine e tauto ke faka Naseli a ia, kae fakatapu a ia mo te Aliki,

³ e tau o se pateletele ki pia mo uaina. E se tau a ia o inu ki so se meainu e faite mai fuagavine; e tapu foki e kai ki fuagavine.

⁴I te taimi e faka Naseli ei a ia, e tapu eiloa a ia e kai ki so se mea e faite ki fuagavine, ke oko eiloa ki fuaga io me ko pakili o fuagavine.

⁵I te taimi e fai ei a ia mo tino Naseli, e tapu e kati tena ulu io me vele. A ia ko nofo i lalo o te feagaiga a ia ne fai i te taimi katoa tela ne fakatapu atu ei a ia mo te Aliki, tela la, e tau eiloa o faka'loa a tena ulu mo tena talafa.

⁶Ko aso katoa e faka'mavae ei koutou keatea ke fakatapu mo te Aliki e se tau loa o fakapilipili ki se foitino mate.

⁷A ona laulu, ko te feagaiga tena o tena fakatapuga ki te Atua, tela la, e se tau mo ia o fakalailai tena foitino o fano o fakapilipili ki tafa o se tino mate, faitalia me ko te foitino mate o tena tamana, me ko tena matua, me ko tena taina io me ko tena tuagaene.

⁸I te taimi e fai ei a ia mo tino Naseli, a ia e o te Aliki.

⁹Kafai ko lailai a te laulu o se Naseli me ne nofo i tafa o te tino ne mate fafuasei, tena, ka nofo fakatali a ia i aso e fitu ko vele ei tena ulu mo tena talafa; tena ko 'ma ei a ia.

¹⁰I te valu o aso, e tau o aumai ne ia se ava tama lupe ki te faitaulaga i te mataloa o te Faleie o te Aliki.

¹¹Ka ofo atu ne te faitaulaga te sua manu mo fai te taulaga mo agasala, ka ko te sua manu mo fai te taulaga sunu, ko te faiga tena o te sauniga o te faka'maga o te tagata tena me ne nofo i tafa o te tino mate. I te aso foki eiloa tena, e tau mo te tagata tena o toe fakatapu tena laulu

¹²kae toetuku atu a ia ke toe fai mo Naseli. A te taimi muamua ne fai ei a ia mo Naseli e se lau, me i tena laulu ne fakalailai. E tau o aumai ne ia se tamā mamoe ko tasi te tausaga ke fai mo taulaga e toe togi ei te agasala.

¹³ Kafai ko katoa te taimi ne faka Naseli ei a ia, ko tau ei o fai ne ia a te sauniga tenei. E tau mo ia o fano ki te mataloa o te Faleie o te Aliki

¹⁴kae tuku atu ki te Aliki e tolu a manu vae fa e seai ne pona: te tamā mamoe tagata ko tasi te tausaga ke fai mo taulaga sunu, te tamā mamoe fafine ko tasi te tausaga mo fai te taulaga mo agasala, mo se mamoe tagata ke fai mo taulaga fakafetai.

¹⁵E tau foki o ofo atu ne ia se kete falaoa e seki palu ki te isi: ko puta falaoa matolu ne palu mo sinu olive mo masi e nani ki sinu olive, kae fakatasi atu ki ei a taulaga saito mo uaina kola e manakogina.

¹⁶Ka tuku atu ne te faitaulaga a mea katoa kona ki te Aliki, kae ofo atu mo te taulaga mo agasala mo te taulaga sunu.

¹⁷Ka ofo atu ne ia a te mamoe tagata ki te Aliki e fai mo taulaga fakafetai, fakatasi atu ki ei mo te kete falaoa; e tau foki o ofo atu ne ia a te taulaga saito mo te taulaga uaina.

¹⁸A te Naseli tena ka vele tena ulu i te mataloa o te Faleie, kae tuku atu ona laulu ki luga i te afi tela e sunu ei te taulaga fakafetai.

¹⁹Tena, kafai ko paku te tuauma o te mamoe tagata, ko tuku atu ne te faitaulaga ki lima o te Naseli, fakatasi mo te puta falaoa e tasi, mo te masi e tasi mai te kete.

²⁰Ka oti ko ofo atu ei ne te faitaulaga ke fai mo meaalofa fakapito ki te Aliki; a mea kona ne taulaga tapu e puke ma te faitaulaga, e fakaopoopo ki te fatafata mo te vae o te mamoe tagata tela ko te tusaga eiloa o te faitaulaga e pela mo te tulafono. Ka oti ko mafai ei ne te Naseli o inu i uaina.

²¹Kona a fakatonuga mo tino Naseli; kae kafai ne tauto te Naseli ke fakasilia tena taulaga i mea kola e manakogina, ko tena uiga e tau eiloa mo ia o fakataunu tena pati ne fai.

²²Ne fakatonu ne te Aliki a Mose

²³ke fai atu ki a Alona mo ana tama tagata ke fakaaoga ne latou a pati konei manafai e fakamanuia ne latou a tino Isalaelu:

²⁴A te Aliki ke fakamanuia atu ki a koutou Kae ke tausi foki ne ia koutou;

²⁵A te Aliki ke alofa atu ki a koutou;

²⁶A te Aliki ke kilo alofa atu ki a koutou kae tuku atu ki a koutou a te filemu.

²⁷Kae ne fai mai a te Aliki penei, “Kafai e taku ne latou toku igoa i taimi e fakamanuia ei ne latou a tino Isalaelu, tena, ka fakamanuia eiloa ne au a latou.”