Read Te Tusi Tapu I Te Gana Tuvalu Lomiga Lua MIKA 5 Bible Online

MIKA 5 - Te Tusi Tapu I Te Gana Tuvalu Lomiga Lua bible

MIKA 5

¹Tino o Ielusalema, fakatoka otou kautau! Tatou ko nikoi ne o'tou fili! Ko faitaua latou ki te pule o Isalaelu!

² Muna a te Aliki, “Peteleema Efalata, a koe se fa'kai e tasi mai fa'kai foliki eiloa o Iuta, kae ka avaka ne au mai i a koe se pule mo Isalaelu, ko tena gafa e vau mai aso mua eiloa.”

³A te Aliki ka tiakina ne ia ona tino ki olotou fili, ke oko eiloa ki te taimi tela e fanau mai ei te tama tagata a te fafine tela e 'tau o fanau. I te taimi tena, ko tino o tena fenua kola ne olo i te tafeaga ka toe fetaui mo olotou tino.

⁴Kafai e vau a ia, ka pule ne ia ona tino ki te malosi mo te malu o te Aliki te Atua. Ona tino ka nofo mo te saogalemu, me i te lalolagi katoa ka talia ne latou tena malu,

⁵kae ka aumai foki ne ia a te filemu. Kafai ko faitaua mai Asulia ki a matou, kae ko 'sao mai ki loto i omotou 'pui, ka tuku atu omotou takitaki malosi eiloa ke tau mo latou.

⁶ Ka fakatakavale ne latou Asulia, kae ka fakasao ne latou matou i te taimi e faitaua mai ei a tino Asulia ki te motou fenua.

⁷A tino Isalaelu kola koi ola ka fai pela me se 'sau fou tela ne aumai ne te Aliki ki malo e uke. E pela me ne motiga ua ki lakau koi ola ake. Ka fakalagolago latou ki te Atua, kae se ki tino.

⁸A latou kola e 'toe i nisi malo ka pela me se leona e salasala ki meakai i se vao io me i se koga e ola ei a mouku lauusiusi; e ulu a ia ki loto i te lafu mamoe, kae saesae valevale ne ia, kae ka seai se fakamoemoega mo se fakaolataga.

⁹Ka fakatakavale ne Isalaelu ona fili kae fakamasei valevale ne ia latou.

¹⁰Muna a te Aliki, “I te taimi tena, ka ave keatea ne au a otou solofanua, kae fakamasei valevale ne au a otou kaliota.

¹¹Ka fakamasei ne au a fa'kai i te otou fenua, kae ofa ki lalo otou pui.

¹²Ka 'solo faka'ma ne au a mea fakataulaitu a koutou, kae ka se toe ai ne otou tino fakamatala mea e tupu i aso fakamuli.

¹³Ka ofa ne au otou tupua mo otou pou fatu; ko se toe mafai ei ne koutou o tapuaki ki mea ne faite ne koutou.

¹⁴Ka ofa ne au ki lalo a fakatusa o te atua fafine ko Asaila i te otou fenua, kae fakamasei otou fa'kai.

¹⁵Kae i toku kaitaua lasi, ka 'ta ne au a malo kola e seki faka'logo mai ki a au.”