Read Te Tusi Tapu I Te Gana Tuvalu Lomiga Lua SAPAKUKA 3 Bible Online

SAPAKUKA 3 - Te Tusi Tapu I Te Gana Tuvalu Lomiga Lua bible

SAPAKUKA 3

¹Mea nei ko te talo a te pelofeta ko Sapakuka:

²Te Aliki, au ko oti ne logo i te mea ne fai ne koe, Tela ko fonu ei au i te mataku. Toe fai aka i aso nei, a mea fakaofoofogia kola ne fai sale ne koe i aso mua. Alofa mai ki a matou, tiga foki eiloa e kaitaua koe.

³Te Atua ko toe foki mai mai Etoma; Te Atua tapu ko toe foki mai mai mauga o Palana. Ko ūfi te lagi i tena mainaga gali; Ka ko te lalolagi ko fonu i ona vikiga.

⁴E vau a ia mo te mainaga o te uila; Tela e la'pa mai i tena lima, Te koga tena e funa ei tona 'mana.

⁵E uga ne ia te famai i ona mua; Kae fakatonu ne ia te mate ke tautali atu i a ia.

⁶E galulu te lalolagi manafai e tu a ia, E pole'pole a malo manafai e kilo atu a ia. A mauga taumua ko maofa valevale; Ko galo ki lalo a mauga malosi, Ko mauga kona kola ne sasale sale ei a ia i aso mua.

⁷E lavea ne au a tino o Kusani ko ma'taku Ka ko tino o Mitiana ko pole'pole.

⁸Te Aliki, a koe e ita ona ko vaitafe? E kaitaua koe ona ko te tai? E sopo koe i luga i kaumana; A kaumana o te afā ko tau kaliota, Tela ko aumai ne koe te manumalo ki ou tino.

⁹E fakatokatoka koe o fakaaoga tau kausana, O fakatoka o sana au matasana. E vaelua ne koe a te lalolagi ki te uila.

¹⁰E polepole a mauga mafai e lavea ne latou a koe; A vai e ma'ligi ifo mai luga i te vanimonimo. A vai i lalo ifo o te lalolagi e gulu, Ka ko olotou galu ko maluga faka eiloa.

¹¹Ko se gasue te la mo te masina i te lapaga o au matasana Ma'kini mo te malapuga o tau tao malapulapu.

¹²E malaga koe i loto i te lalolagi mo te kaitaua; I tou kaitaua e lakalaka ei ne koe a malo.

¹³E fano koe o fakasao ou tino, O fakasao tau tupu filifilia. Ne ta ne koe te takitaki o tino amio masei, Kae fulu faka'ma foki a tena kau.

¹⁴Ne pakia masei te pule o tena kautau i au matasana, I te taimi ne o'mai ei latou e pela me se afā o fakamasei matou, Kae mata kaitaua e pela me ne tino e fakasaua muni ki tino ma'tiva.

¹⁵Ne lakalaka ne au solofanua a te tai Tela ko sou ei te tai.

¹⁶E lagona ne au a mea katoa konei, tela ko polepole ei au; Oku laugutu ko pole'pole eiloa i te mataku. Toku foitino ko fano o faka'mate, Ka ko oku vae ko se maua o 'tu.[4] Ka fakatalitali eiloa au mo te filemu ki te taimi Tela ka fakasala ei ne te Atua a tino kola e o'mai o faitaua ki a matou.

¹⁷E ui eiloa e seai ne fua i luga o mati Kae seai foki ne fuataga i luga o vine, E ui eiloa e se fua lei a olive Ka ko seai foki ne fuaga e maua mai saito, E ui eiloa e mate katoa a mamoe Ka ko 'ma kalekale a sai pulumakau, kae seai eiloa se pulumakau iei;

¹⁸E fiafia faeloa au i te Aliki te Atua ko toku fakaola.

¹⁹ E aumai ne te Aliki ki au te malosi. E fai ne ia au ke makini pela me se tia, Kae tausi faka'lei ne ia au i luga o mauga.