Read Te Tusi Tapu I Te Gana Tuvalu Lomiga Lua SAKALIA 12 Bible Online

SAKALIA 12 - Te Tusi Tapu I Te Gana Tuvalu Lomiga Lua bible

SAKALIA 12

¹Tenei te fekau e uiga ki Isalaelu mai te Aliki, te Aliki tela ne fola ne ia te lagi, faite ne ia te lalolagi kae tuku ne ia te ola ki tino. Muna a ia,

²“Ka fai ne au a Ielusalema e pela me se ipu uaina; a malo i ana tafa ka inu ki ei kae takase'se e pela me ne tino ko'na. Kae kafai ko o'mai o siko a Ielusalema, ka fai foki pena a fa'kai katoa o Iuta.

³Kae kafai ko oko mai te taimi tena, ka fai ne au a Ielusalema e pela me se fatu mafa, so se malo tela e taumafai ke sau ne ia, ka pakia. A malo katoa o te lalolagi ka kau fakatasi o faitaua ki ei.

⁴I te taimi tena, ka fai ne au olotou solofanua ke ma'taku, mo tino kola e sopo i ei ke tele fakavale'vale. Ka tausi faka'lei ne au a tino o Iuta, kae ka fai ne au a solofanua a olotou fili ke kivi.

⁵Tena, ka fai ake ei a kaukaiga o Iuta i a latou eiloa penei, ‘A te Aliki te Atua Tafasili i te Malosi, e tuku ne ia te malosi ki ona tino kola e nofo i Ielusalema.’

⁶“I te taimi tena, ka fai ne au a kaukaiga o Iuta e pela me se afi i se vao io me i se fatoaga saito kola ko lei i te kati; me ka fakamasei ne latou a malo katoa i olotou feitu. Ka ko tino o Ielusalema ka nofo mo te saogalemu i te fa'kai.

⁷“A au, te Aliki, ka tuku muamua atu ne au te manumalo ki kautau a Iuta, ko te mea ke se silia atu te tauā o Ielusalema mo tino o te gafa o Tavita i nisi fa'kai o Iuta.

⁸I te taimi tena, a te Aliki ka puipui ne ia a latou kola e nofo i Ielusalema; ka ke oko foki eiloa ki tino tafasili i te vaivai i a latou, ka ma'losi e pela eiloa mo Tavita. A tino mai te gafa o Tavita ka takitaki i a latou e pela mo te agelu a te Aliki, pela eiloa mo te Atua.

⁹I te taimi tena, ka fakamasei ne au so se malo tela e taumafai o faitaua ki Ielusalema.

¹⁰ “Ka faka'fonu ne au a tino o te gafa o Tavita mo nisi tino aka foki o Ielusalema ki te agaga o te alofa mo te agaga o te 'talo. Ka kilo olotou mata ki te tino tela ne velo ne latou ke mate, kae ka tagi fanoanoa latou i tena mate, e pela me ne tino e tagi fanoanoa ki te mate o te lotou tama tokotasi. Ka 'tagi latou mo te fanoanoa lasi e pela me ne tino ko mate olotou tama toekimua.

¹¹I te taimi tena, a te tagi fanoanoa i Ielusalema ka lasi pela mo te tagi fanoanoa ki te mate o Hatatalimoni[13] i te kogā laukele o Mekito.

¹²A kaiga takitasi i te fenua ka tagi fanoa'noa i a latou eiloa: ko te kāiga ne tupu mai i a Tavita, te kaiga ne tupu mai i a Natano, ko te kaiga ne tupu mai i a Levi, ko te kaiga ne tupu mai i a Simei, mo nisi kaiga katoa ake foki. A kaiga takitasi ka tagi fanoanoa i a latou eiloa; a tagata mo fafine i kaiga takitasi e se tagi fanoanoa fakatasi. E tagi fakatasi tagata, e tagi fakatasi foki fafine.