Read Te Tusi Tapu I Te Gana Tuvalu Lomiga Lua SAKALIA 4 Bible Online

SAKALIA 4 - Te Tusi Tapu I Te Gana Tuvalu Lomiga Lua bible

SAKALIA 4

¹A te agelu tela ne faipati mai sale ki a au, ne toe vau o fāgu au e pela eiloa me i a au ne moe.

²Muna a ia, “Se a te mea e lavea ne koe?” Ne tali atu au penei, “Se tulaga-moli aulo. I te ulu o te tulaga‐moli tena, e isi se pōla e utu ei te sinu. E fitu a moli i te tulaga moli tena, kae i te moli e tasi e fitu a matāmoli i ei.

³ E lua a lakau ko olive i kaokao o te tulaga‐moli; e tasi i te sua feitu kae tasi i te sua feitu.”

⁴Ne fesili atu au ki te agelu penei, “Tou malu, se a te uiga o mea konei?”

⁵Muna a te agelu penei, “E se iloa ne koe?”[3] Kae tali atu au penei, “Tou malu, e se iloa ne au.”

⁶(10b) Muna a te agelu ki a au, “A moli kola e fitu ko mata kona o te Aliki e fitu, kola e “matea ei te lalolagi katoa.”

⁷(11) Ne toe fesili atu au penei, “Se a, a te uiga o lakau ko olive kola e tu i feitu takitasi o te tulaga-moli?

⁸(12) Kae se a te uiga o kaula olive e lua kola i tafa o te avā paipa aulo kola e sali mai ei te sinu olive?”

⁹(13) Muna a ia, “E seiloa ne koe?” Kae tali atu au penei, “Tou malu, e se iloa ne au.”

¹⁰(14) Tena fai mai ei a ia penei, “A mea kona ko te tokolua tagata kola ko oti ne filifili kae fauu ne te Atua, te Aliki o te lalolagi katoa, ke tavini atu ki a ia.”

¹¹(6) Ne fai mai te agelu, ke taku atu ne au te fekau tenei mai te Aliki ki a Selupapelu: “A koe ka manumalo, e se pogai mai i te malosi o tau kautau, io me ko tou malosi, kae pogai mai i toku agaga.

¹²(7) A mea faiga'ta lasi eiloa pela me ne mauga ka 'galo keatea i ou mua. Ka toe fakatu ne koe te Faletapu, kae i te taimi ka tuku ei ne koe te toe fatu eiloa o ia ki tena tulaga, ka paka'laga a tino penei, ‘Ko gali, ko gali! ”

¹³(8) Tenei te sua fekau ne oko mai ki a au mai i te Aliki.

¹⁴(9) Muna a ia penei, “Ko oti ne fakamoe ne Selupapelu te fakavae o te Faletapu, kae e oti eiloa ne faite ne ia. I te taimi e taunu ei a mea konei, ka iloa ei ne oku tino ia koe ne uga ne au ki a latou.

¹⁵(10a) Ko se fiafia latou me ko tō tuai te fanofanoga o te galuega. Kae ka fiafia latou me ka lavea ne latou a Selupapelu e tumau eiloa tena galue ki te Faletapu.”