Read Te Tusi Tapu I Te Gana Tuvalu Lomiga Lua SAKALIA 5 Bible Online

SAKALIA 5 - Te Tusi Tapu I Te Gana Tuvalu Lomiga Lua bible

SAKALIA 5

¹Ne toe kilokilo atu au, kae i te taimi tenei, ko lavea ne au se peluga tusi e eva i te vanimonimo.

²Ne fesili mai te agelu me se a te mea e lavea ne au. Kae tali atu au penei, “Se peluga tusi e lele i te vanimonimo; e iva mita i te loa kae fa mo te āfa mita i te lauefa.”

³Tena ne fai mai ei a ia ki a au penei, “I te peluga tusi tena, e tusi i ei a te malaia tela ka oko ki luga i te fenua katoa. I te feitu e tasi o te peluga tusi e fai mai i ei me i so se tino e kaisoa e ave keatea mai te fenua; kae i te sua feitu e fai mai i ei me i so se tino e tauto kae loi e ave keatea foki.

⁴Muna a te Aliki Tafasili i te Malosi, me ka uga atu ne ia te malaia tenei, kae ka ulu fua ki fale o tino kaisoa mo tino kola e loi i taimi e tau'to ei latou. Ka nofo te malaia tena i olotou fale o fakamasei latou.”

⁵Ne toe fakasae mai te agelu kae fai mai penei, “Kilo ake ou mata! Se mea fakaatea foki tena ko vau!”

⁶Ne fesili atu au penei, “Se a te mea tena?” Ne tali mai a ia penei, “Se kete, tela ko te fakailoga o te agasala[4] o te fenua katoa.”

⁷A te pono o te kete e faite ki polo faka'mafa. Kae kilokilo atu au, te pono ko sisi ake, kae i loto i te kete e sagasaga mai i ei a te fafine!

⁸Muna a te agelu, “A te fafine tenei ko te fakailoga o te masei.” Ne teke atu ne ia a te fafine ki loto i te kete kae pono ifo tena pono.

⁹Ne toe kilo ake au ki luga kae toe matea ne au a fafine e tokolua e eva tonu mai ki a au mo la kapakau malosi pela mo kapakau o te manu ko te matuku. Ne puke ake ne laua te kete, eva atu eiloa mo laua.

¹⁰Ne fesili atu au ki te agelu penei, “E ave ki fea ne laua te kete?”

¹¹Ne tali mai a ia penei, “E ave ki Papelonia, te koga ka faite i ei ne laua se faletapu mo ia. Kafai e oti te faletapu, ko tuku ei i loto a te kete ke tapuaki ki ei a tino.”