Read Te Tusi Tapu I Te Gana Tuvalu Lomiga Lua MATAIO 17 Bible Online

MATAIO 17 - Te Tusi Tapu I Te Gana Tuvalu Lomiga Lua bible

MATAIO 17

¹E tusa mo te ono o aso ko teka, ne olo ei a Iesu mo Petelu mo te tokolua tautaina ko Iakopo mo loane ki te mauga maluga, ka ko latou ake eiloa.

²Ne ma'fuli foliga o Iesu i olotou mua, ka ko ona mata ko malapulapu mai e pela mo te la; ona gatu foki ko 'kena pakipaki eiloa e pela mo se mainaga.

³Ne lavea atu foki ne latou a Mose mo Elia e fai'pati mo Iesu.

⁴Tela, fai mai ei a Petelu ki a Iesu, “Te Aliki, e 'lei me ko i konei tatou; kafai e loto koe ki ei, e faite ne au ne fale e tolu, e tasi mō koe, e tasi mō Mose, kae tasi mō Elia.”

⁵ Ka koi faipati a ia, fanake ei te kaumana 'kena i luga o latou. Kae ne vau te leo mai te kaumana penei, “Ko taku Tama fagasele tenei, tela e fiafia au ki ei, ke faka'logo koutou ki a ia!”

⁶I te lagonaga ne soko te leo, ne to'tuli kae pu'nou ki te laukele, me ko oko eiloa i te lotou ma'taku.

⁷Tela, fanatu ei a Iesu kae fakapatele atu ki a latou, ana muna, “Tu ki luga kae sa ma'taku!”

⁸E 'kilo ake nei olotou mata, ko se matea atu ne latou se tino kae na ko Iesu eiloa.

⁹Tela, olo ifo ei latou ki lalo mai te mauga, kae ne fakatonu atu a Iesu ki a latou: “Mo a e taku atu ne koutou ki se tino a te mea ne lavea ne koutou, ke oko ki toku toetu mai ko te Tama a te Tagata mai te mate.”

¹⁰ Ne fesili mai ona soko ki a ia, olotou muna: “Ai a e taofi ei a faiakoga o te Tulafono, me e 'tau o vau muamua a Elia?”

¹¹Ne tali atu a Iesu ki a latou, “E mua eiloa o vau a Elia o toe fakatonu a mea katoa.

¹² Kae fai atu au ki a koutou i a Elia ko oti ne vau, kae e se iloa ne latou. Ne fai foki ne latou ki a ia a mea se 'lei kola ne loto latou ki ei. E pena foki te Tama a te Tagata, ka faka'fita ne latou.”

¹³Tela, maina ei ona soko i tena faipatiga e fakasino ki a Ioane te Papatiso.

¹⁴I te 'fokimaiga a latou ki te vaitino, ne vau te tagata e tokotasi, kae totuli i mua o Iesu,

¹⁵ana muna: “Te Aliki, a koe ke alofa mai ki taku tamaliki tagata! E maua ne te pole, e valea foki tena ulu. E siga saale foki ki te afi mo te vai.

¹⁶Ne aumai ne au a ia ki ou soko, kae ne seki mafai ne latou o fai ke 'lei tena masaki.”

¹⁷Ne tali atu a Iesu, “Ko seai la se kautama se tali'tonu mo te fai mea 'se penei! Ko leva ne fakatasi tatou, kae seki iloa eiloa ne koutou? E a, e kufaki eiloa au penei ki otou faiga? Aumai a te tamaliki ki konei.”

¹⁸Ne fakatonu malosi atu ne Iesu te temoni, tela, fano ei ki tua te temoni mai te tamaliki. I kona foki eiloa, 'lei ei mo te tamaliki.

¹⁹Ne o'mai a soko o Iesu ki a ia, ko latou ake eiloa, fesili atu ei penei: “Ai a ne se mafai ei ne matou o afuli a te temoni ki tua?”

²⁰ Ne tali atu a Iesu, “A te pogai, ko te se lava o te otou fakatuanaki. Ke masaua ne koutou te manatu tenei: kafai e pau te lasi o te otou fakatuanaki mo te fuaga o te sinapi, e mafai ne koutou o muna atu ki te mauga tenei, ‘Masiki mai konei ki ko’, ko te mea eiloa ko masiki. Me mafai ne koutou o fai so se mea i te fakatuanaki.

²¹Me ko te 'talo fua mo te fakalikiliki mō tapuakiga, e mafai ei o fai a vaega mea pena.”

²²I te maopoopoga katoa o soko o Iesu i Kalilaia, ne fai atu a Iesu ki a latou, “A te Tama a te Tagata ka tuku atu ki te pule a tino.

²³E tamate ne latou a ia, kae i te tolu o aso e toetu mai te mate.”Ne fanoa'noa lasi ona soko i te lotou lagonaga te pati tenei.

²⁴ I te okoatuga a Iesu mo ona soko ki Kapanaumi, ne olo a tino ao lafoga o te Fale Tapu ki a Petelu kae fesili atu, “E a, e 'togi ne te otou Faiakoga tena lafoga ki te Fale Tapu?”

²⁵Muna a Petelu, “E 'togi.” I te vauga a Petelu ki te fale, ne tomua atu a Iesu o faipati atu ki a ia, ana muna: “Simona, se a tou manatu? Ko oi tino e 'togi a tiute mo lafoga ki tupu o te lalolagi nei? Ko tino tonu o te fenua, me ko fakaalofa kola e 'nofo i te fenua?”

²⁶Muna a Petelu, “Ko tino fakaalofa.” Muna a Iesu ki a ia, “Ko 'lei, ko tena uiga ko se lafo a tino tonu o te fenua.

²⁷A tatou e se ma'nako ke fai fili mai a tino ki a tatou. Fano ki te namo o pei tau kafilo ki lalo; ko te ika muamua e maua ne koe, puke o fakamaga tena gutu, kae e maua ne koe i ei se tupe siliva, e lava 'lei eiloa mo fai te ta lafoga ki te Fale Tapu. Kafai ko maua ne koe te tupe, ko fano ei koe o 'togi o ta lafoga.”