Read Te Tusi Tapu I Te Gana Tuvalu Lomiga Lua LUKA 3 Bible Online

LUKA 3 - Te Tusi Tapu I Te Gana Tuvalu Lomiga Lua bible

LUKA 3

¹I te sefulu lima o tausaga o te pulega a Tipelio Kaisala, a Ponitio Pilato ko te kovana o Iutaia, a Helota ko te pule o Kalilaia, mo tena taina ko Filipo ko te pule o Itulea mo Telekoniti, mo Lusanio ko te pule o Apilene;

²ka ko Anasa mo Kaiafa ne faitaulaga sili. Ko te vaitaimi tonu eiloa tena, ne oko mai ei a te muna a te Atua ki a Ioane te tama a Sakalia, tela e nofo i te vao.

³Ne fano sale a ia i koga katoa o te vaitafe ko te Iolitana, o takutaku atu te papatisoga o te salamo ki agasala mo te fakamagaloga o agasala.

⁴ E pela mo te mea ne tusi ne te pelofeta ko Isaia i tena tusi: “E isi se tino e kalaga sale i te vao: 'Ke fakatoka te alatu mo te Aliki, Ke fai se alatu tonu mo ona sasale!

⁵Ko koga 'poko katoa e 'tau o fakagatasitasi, Ko tafua'aga mo mauga katoa e 'tau ke tofa ki lalo; Ko alatu piko'piko e 'tau o fakatonutonu, Mo alatu pona'pona foki e 'tau o fakamaniania;

⁶Ko lavea ei ne tino katoa te fakaolataga a te Atua!”’

⁷ Ne gasolo mai a tino ki a Ioane ke papatiso latou, kae ne fai atu: “A koutou ne tama a gata. Ko oi ne muna atu ki a koutou, me e mafai ne koutou o 'sao mai i te kaitaua o te Atua tela ka oko mai?

⁸ E 'tau mo koutou o fakaasi mai ne fakailoga, ke iloa ei me ko salamo koutou ki te agasala. Kae sa fai ake pela koutou, ‘A Apelaamo ko te motou tupuna.’ Au e fai atu me mafai ne te Atua o fakafua ake ne fanau a Apelaamo i fatu konei!

⁹Ko toka nei te takū mo tua ki lalo a lakau mai i olotou tafito; ko lakau kola e se fua 'lei, ka tua ki lalo kae pei katoa ki te afi.”

¹⁰Ne fesili mai tino ki a ia, “Se a la te mea e 'tau o fai ne matou?”

¹¹Ne tali atu a ia, “Ko te tino tela e lua ona tilima, e 'tau o tuku e tasi ki te tino tela e seai sona tilima, ka ko koe tela e isi ne au meakai e 'tau o tufa atu.”

¹² E isi ne tino ao lafoga ne o'mai ke papatiso latou, kae ne fesili atu ki a ia, “Te faiakoga, se a te mea e 'tau o fai ne matou?”

¹³Ana muna ki a latou, “Sa ao ne koutou ne lafoga ke silia atu i te mea e tusi i te tulafono.”

¹⁴E isi foki ne sotia ne fesili atu ki a ia, “Ka ko matou? Se a te motou mea e 'tau o fai?” Ne fai atu ki a latou, “Sa toe puke malo ne koutou ne tupe mai so se tino, io me sona fakasala fakaloiloi; ke loto ma'lie eiloa koutou ki otou 'togi.”

¹⁵Ko 'nofo katoa tino o fakatalitali, kae ne mafaufau latou i olotou loto me ko Ioane nei ko te Keliso.

¹⁶Ne tali atu a Ioane ki a latou katoa, “Ko papatiso ne au a koutou ki te vai, kae ka vau a ia tela e sili atu i a au, e se 'tau mo au o 'tala ona taka. Ka papatiso ne ia koutou ki te Agaga Tapu mo te afi.

¹⁷E i ona lima te teu kaiga e 'vae ei kaiga mo saito, e faka'ma ei saito, kae fakaputu ei fuaga saito o 'kave ki loto i tena fale saito; kae 'sunu ne ia kaiga saito ki te afi e se mafai o mate!”

¹⁸Ne fakamalosi atu ne Ioane a loto o tino i ala kesekese, i te taimi ne folafola atu ei ne ia te Tala 'Lei ki a latou.

¹⁹Ne faipati malosi Ioane o 'teke te Kovana ko Helota, i te mea ko avaga mo Helotia, te avaga a tena taina ko Filipo, kae uke foki ana isi mea ma'sei ne fai.

²⁰A Helota foki ne fai ne ia te mea tafasili i te masei, i te peiga ne ia a Ioane ki loto i te fale puipui.

²¹I te otiga ne papatiso a tino katoa, ko te mea eiloa ko papatiso Iesu. Ka koi 'talo a ia, ne matala te lagi,

²² kae ne fanaifo te Agaga Tapu ki luga i a ia, e fuaitino mai e pela mo se lupe. Ne oko mai te leo mai te lagi penei, “Ko koe eiloa taku tina Tama fagasele. Ko oko eiloa i toku fiafia ki a koe.”

²³Ne kamata te galuega a Iesu, kati ko tolu sefulu ona tausaga; ne manatu a tino me ko ia ko te tama a Iosefa, te tama a Heli,

²⁴te tama a Matata, te tama a Levi, te tama a Meleki, te tama a Ianai, te tama a Iosefa,

²⁵te tama a Matatia, te tama a Amosa, te tama a Nauma, te tama a Eseli, te tama a Nakai,

²⁶te tama a Maato, te tama a Matatia, te tama a Semeina, te tama a Ioseka, te tama a Iota,

²⁷te tama a Ioanani, te tama a Lesa, te tama a Selupapelu, te tama a Salatielu, te tama a Nelei,

²⁸te tama a Meleki, te tama a Atei, te tama a Kosamo, te tama a Elematama, te tama a Elu,

²⁹te tama a Iosua, te tama a Elisala, te tama a Ielimo, te tama a Matata, te tama a Levi,

³⁰te tama a Simeona, te tama a Iuta, te tama a Iosefa, te tama a Ionamo, te tama a Eliakimo,

³¹te tama a Melea, te tama a Mena, te tama a Matata, te tama a Natano, te tama a Tavita,

³²te tama a Iese, te tama a Opeta, te tama a Poasa, te tama a Salemona, te tama a Nasona,

³³te tama a Aminatapu, te tama a Alama, te tama a Ani, te tama a Eselona, te tama a Falesa, te tama a Iuta,

³⁴te tama a Iakopo, te tama a Isaako, te tama a Apelaamo, te tama a Tala, te tama a Nakoli,

³⁵te tama a Seluka, te tama a Leu, te tama a Peleko, te tama a Epelu, te tama a Selau,

³⁶te tama a Kainano, te tama a Afasata, te tama a Semu, te tama a Noa, te tama a Lameko,

³⁷te tama a Metusela, te tama a Enoka, te tama a Ialeto, te tama a Malaelu, te tama a Kainano,

³⁸te tama a Enosa, te tama a Setu, te tama a Atamu, te tama a te Atua.