Read Te Tusi Tapu I Te Gana Tuvalu Lomiga Lua TEUTELONOME 1 Bible Online

TEUTELONOME 1 - Te Tusi Tapu I Te Gana Tuvalu Lomiga Lua bible

TEUTELONOME 1

¹I te tusi tenei, e tusi ei a pati a Mose kola ne faipati ne ia ki te fanauga a Isalaelu i te taimi koi nofo ei i te vao, i te feitu ki te saegala o te Vaitafe o te Iolitana. A latou ne nofo i te Vanu o Iolitana, pili ki te fa'kai o Sufo, i te va o te fa'kai o Palana mo fa'kai o Tofele, Lapana, Haselota, mo Tisapa.

²E tusa mo te sefulutasi aso manafai e fai malaga ne tino mai i te Mauga o Sinai ki Katesa Panea i te auala i loto i te fenua mauga o Etoma.

³I te po muamua o te sefulutasi o masina, i te fasefulu o tausaga talu mai te taimi ne tiakina ei ne latou Aikupito, ne faipati atu ei ne Mose ki te fenua o Isalaelu a mea katoa ne fakatonu atu ne te Aliki ke faipati ne ia ki a latou.

⁴ A te taimi tena ko te taimi ko oti ei ne fakatakavale ne te Aliki [1] a te Tupu o Amoli ko Sekono, tela e pule i te fa'kai o Hesepono, mo te Tupu o Pasana ko Oko, tela e nofo i te fa'kai o Asatalota mo Etelei.

⁵Ko te taimi tena ne nofo ei a te fenua o Isalaelu i te feitu ki te saegala o te Iolitana, i te koga fenua o Moapi, tela ne kamata ei o akoako ne Mose a tulafono mo akoakoga a te Atua ki te fanauga a Isalaelu.

⁶Muna a Mose, “I te taimi ne nofo ei tatou i te Mauga o Sinai, ne faipati mai ei a te Aliki te tou Atua ki a tatou penei, ‘Ko to leva te otou nofoga i te mauga tenei.

⁷Tala otou fale, kae na gasue o olo atu ki te fenua maugā o Amoli mo kogā koga katoa i tafa, pela mo te Vanu o Iolitana, ki fenua ma'luga mo fenua malalo, ki kogā laukele ki saute, pela foki ki te tafatai o te Tai Metitilani. Olo ki te fenua o Kanana, ke oko atu ki Mauga o Lepanona, ke oko atu foki eiloa ki te Vaitafe o te Eufilate.

⁸A te fenua katoa tenei ne tauto ne au ke tuku ki otou tupuga ko Apelaamo, Isaako mo Iakopo, pela foki ki tino i olotou gafa. Olo o nofo i ei.’ ”

⁹Muna a Mose ki tino Isalaelu, “I te taimi ne nofo ei tatou i te Mauga o Sinai, ne faipati atu ei au ki a koutou ‘me i te galuega tenei ki te 'takiga o koutou ko oko eiloa i te 'mafa ki a au. E se mafai ne au o fai tokotasi.

¹⁰A koutou ne fakatokouke ne te Aliki te otou Atua, ke pela mo fetu i te lagi.

¹¹Ke atili fakatokouke aka eiloa ne te Aliki te Atua o otou tupuga a koutou mo otou fanau, kae fakamanuia atu koutou e pela eiloa mo tena tautoga.

¹²E mafai pefea ne au tokotasi o fakamasino otou kinauga e fai sale?

¹³Fili mai ne tino poto kae atamai i te galuega, kae ka fakasopo ne au latou ke fai mo takitaki o koutou.’

¹⁴Ne loto koutou i taku faipatiga tena ne fai,

¹⁵tena ne puke mai ne au a takitaki poto kae atamai mai otou matakaiga kae fakasopo ne au ke fai mo takitaki o koutou. E isi ne nisi o latou e takitaki i taki toko afe tino, nisi i taki toko selau, nisi i taki limasefulu, ka ko nisi i taki sefulu. Ne fili foki ne au a nisi ofisa o fai a nisi galuega, mai matakaiga kesekese.

¹⁶“I te taimi tena, ne fakatonu ne au latou ke ‘fakalogologo faka'lei i kinauga a tino o Isalaelu kola e avatu ki a latou. A tino kola e o'mai ke faka'tonu a mea e se malie ei latou, ke fakamasino fakalei ne koutou, faitalia me ne tino Isalaelu io me ne tino fakaalofa e nofo tasi koutou.

¹⁷Sa fapito ki se tino i otou fakamasinoga; fakamasino a tino katoa ke pau, faitalia me ko oi a ia. Sa mataku ki so se tino, me i ikuga e fai ne koutou ko ikuga kona mai i te Atua. Kafai e isi ne kinauga ko tai faigata ki a koutou, ko aumai la ei ke fai atu ne au se ikuga.’

¹⁸Ko te taimi foki tena ne tuku atu ne au a fakatonuga o mea e tau o fai ne koutou.

¹⁹“Tatou ne tau'tali eiloa i te fakatonuga a te Aliki te tou Atua ki a tatou. Ne tiakina ne tatou te Mauga o Sinai kae ma'laga atu i loto i te vao lauefa kae fakamataku i te tou auala ki te fenua mauga o Amoli. I te taimi ne oko atu ei tatou ki Katesa Panea,

²⁰ne fai atu ei au penei, ‘A koutou nei ko oko mai ki te fenua maugā o Amoli, tela ne tuku mai ne te Aliki te tou Atua, te Atua o tou tupuga mo tatou. Kiloke, tena i otou mua. Olo o nofo i ei e pela eiloa mo tena fakatonuga. Sa fakatuai io me mataku foki.

²¹

²²“Ka ko koutou ne o'mai ki a au o fai mai penei, ‘Ke uga mua ne tatou ne tino ke onoono faka'lei ki te fenua, ke mafai ne latou o fakailoa mai ki a tatou te auala sili e tau o olo tatou i ei, ke iloa foki ne tatou a fa'kai i te fenua tena me ne fa'kai pefea.’

²³“Se faiga lei te faiga tena, tela la, ne fili ne au e tinogafulu mo te tokolua tagata, e taki tokotasi mai matakaiga takitasi.

²⁴Ne olo atu latou ki te fenua maugā tena, ke oko atu eiloa ki te Vanu o Esekolo.

²⁵Ne foki mai latou mo fuaga lakau ne maua ne latou i kona, kae fakailoa mai ne latou me i te fenua tena ne aumai ne te Aliki te tou Atua mo tatou, se fenua laukele ola.

²⁶ “Ka ko koutou ne teke ki te fakatonuga a te Aliki te otou Atua, o se fia olo atu ki loto i te fenua tena.

²⁷Ne muimui koutou penei: ‘A te Aliki e se fiafia ki a tatou. Ne aumai ne ia tatou keatea mai Aikupito ke fai mo pagota a tino Amoli konei, ko tatou ke tamate ne latou.

²⁸Se a te fekau e olo ei tatou ki te fenua tena? Matou e ma'taku. A tagata ne uga ne matou, ne fai mai i tagata i te fenua tena e lasi atu kae mafi atu i a tatou, kae e nofo i fa'kai kola e oko olotou olo ki te lagi. Ne matea foki ne latou a tagata mafi i kona.’

²⁹“Ka ko au ne fai atu penei, ‘Sa ma'taku i tino kona.

³⁰A te Aliki te otou Atua ka takitaki ne ia koutou, kae ka tau mo koutou, e pela mo te laveaga ne koutou tena mea ne fai i Aikupito,

³¹ pela foki i te vao. Ne matea ne koutou te aumaiga ne ia koutou ki te koga tenei mo te manuia, e pela me se tamana e ave ne ia sena tama tagata.’

³² Kae e ui eiloa i aku pati, e se talitonu eiloa koutou ki te Aliki,

³³tela e fano sale i otou mua o fakasino a koga e tau o ma'nava koutou i ei. A ia e fano i otou mua i te po e foliga ki te pou afi, kae i te ao e foliga ki te pou kaumana.

³⁴ “Ne lagona ne te Aliki te otou muimui, tela ne kaitaua ei a ia, kae fai aka penei,

³⁵‘E seai se tino i te kautama masei tenei e ulu atu ki loto i te fenua ne tauto ne au ki otou tupuga.

³⁶Ko Kalepo fua te tama a lefune e oko ki te fenua tena. A ia ne fakamaoni mai ki a au, tela la, ka tuku ne au ki a ia mo tena gafa a te fenua ne kilokilo a ia ki ei.’

³⁷A te Aliki ko ita mai foki ki a au ne fai ne koutou. Muna a ia, ‘Mose, a koe e se ulu foki ki te fenua o Kanana.

³⁸Kae fakamalosi atu ki a Iosua te tama a Nuno, tou fesoasoani. Ko ia ka taki ne ia Isalaelu ki loto i Kanana.’

³⁹“Tena, ne toe fai mai te Aliki ki a tatou penei, ‘A otou tamaliki fo'liki kola e seki iloa te lei mo te masei, ka ulu atu ki loto i te fenua o Kanana ko tamaliki kona kola ne fai koutou pela me e puke fakapagota ne otou fili; ka tuku ne au te fenua ki a latou kae ka nofo tumau i ei.

⁴⁰Ka ko koutou, na mafuli nei o toe foki atu ki te vao, i te auala ki te Mataosoga o Akapa.’

⁴¹“Ne tali koutou penei, ‘Mose, matou ko agasala ki te Aliki, kae nei ka olo atu eiloa matou o faitaua ki omotou fili e pela mo te fakatonuga a te Aliki te motou Atua.’ Tena ne fakatoka ei koutou o taua, mo otou mafaufauga me se mea faigofie o puke te fenua maugā tena.

⁴²“Ka ko te Aliki ne fai mai ki a au penei, ‘Fai atu ki a latou ke sa olo o taua, me i au e se fakatasi atu ki a latou. Kafai e olo eiloa latou, ko latou ka fakatakavale ne olotou fili.’

⁴³Ne fai atu ne au a muna a te Aliki, kae e se fia fakalogo eiloa koutou ki ei. Ne teke ne koutou tena fakatonuga ona ko te otou fakamatamata, tena ne olo eiloa koutou o faitaua i te fenua maugā.

⁴⁴Tena, ne o'mai a te kau Amoli e pela me ne muimuiga lagofufu i te uke o taua ki a koutou. Ne afuli ne latou koutou ke oko ki te fa'kai o Holema, tena ne fakatakavale ei ne latou koutou i kona, i te fenua mauga o Etoma.

⁴⁵Tena ne tagi atu ei koutou ki te Aliki mo se fesoasoani, kae e se fakalogo mai eiloa a ia ki a koutou.

⁴⁶“Tena, ne tai leva eiloa te nofoga a tatou i Katesa, oti i ei,