Read Te Tusi Tapu I Te Gana Tuvalu Lomiga Lua TEUTELONOME 14 Bible Online

TEUTELONOME 14 - Te Tusi Tapu I Te Gana Tuvalu Lomiga Lua bible

TEUTELONOME 14

¹ “A koutou ko te fanau a te Aliki te otou Atua. Tela la, kafai e tagi fanoanoa koutou mo se tino mate, se katikati otou foitino io me vele a feitu ki mua o otou ulu, e pela mo amioga a nisi fenua.

² A koutou e o te Aliki; ne filifili ne ia koutou mai i tino katoa konei e nofo i te lalolagi, ke fai mo tino o tena fenua.

³“E tapu koutou e kai ki mea kola ko oti ne fakailoa mai ne te Aliki me e lailai.

⁴Konei a manu vae fa e mafai o kai ne koutou: ko pulumakau, mamoe, kouti,

⁵tia, mamoe vao, kouti vao, io me ko anitilope,

⁶ke oko eiloa ki manu katoa kola e mavae olotou alofivae kae kai fakalua olotou mama.

⁷A manu kola e se mavae olotou alofivae, kae se kai fakalua olotou mama, e se tau o kai. E se tau koutou o kai ki kamela, lapiti mo patia. A manu kona e lailai; e kai fakalua olotou mama, kae e se mavae olotou alofivae.

⁸Sa kai ki puaka me e lailai. E mavae olotou alofivae kae e se kai fakalua olotou mama. Ke mo a eiloa koutou e kai ki manu pena io me patele ki olotou foitino mate.

⁹“E mafai koutou o kai ki so se ika tela e isi ne ana tala mo unafi,

¹⁰kae e tapu koutou e kai ki mea ola o te tai kola e seai ne tala mo unafi, me e lailai.

¹¹“E mafai koutou o kai ki manu eva lei i te kai.

¹²Konei a vaega manu eva e se tau o kai: ko aeto, ko lulu, ko oka, ko falakone; ko pusate, ko valatua, ko kolou; ko ositelite; ko sikala, ko matuku, ko pelikane, ko komolane;[10] ko hupose; mo pea.

¹⁹“A manu foniki kola e isi ne kapakau e lailai; sa kai ki manu pena.

²⁰E isi ne manu pena e ma, e mafai koutou o kai ki ei.

²¹“Sa kai ki manu kola ne mate me ko oko eiloa ki te taimi ko tau o mate ei. E mafai o tuku ne koe ke kai ma tino fakaalofa kona e nofo tasi koutou, io me togi atu ne koe ki tino fakaatea. A koe e a te Aliki tou Atua; a koe se tino o tena fenua. “Sa tunugina se tamā mamoe io me se kouti ki vai u o tena matua.

²² “Tuku fakaatea e tasi vae sefulu mai fuaga o au fatoaga katoa i tausaga takitasi.

²³Ka oti ko fano ei koe ki te koga tela ko oti ne fili ne te Atua ke tapuaki atu i ei a tino ki a ia; i kona ka kai ei ne koe te tasi vae sefulu o au saito, uaina mo sinu olive, mo te uluaki tama a tau pulumakau, pela foki te uluaki tama a tau mamoe. Fai te mea tena ke iloa ne koutou o fakaaloalo sale ki te Aliki i taimi katoa.

²⁴Kafai e faigata o ave ne koe a te tasi vae sefulu o fuaga o au fatoaga katoa ki te koga tapuaki, me ko to mao,

²⁵e mafai fua ne koe o togi atu a te tasi vae sefulu tena ke maua i ei se tupe, ko fano ei koe mo te tupe tena ki te koga tapuaki.

²⁶Togi so se mea e manako koe ki ei i te tupe tena; ne kano o pulumakau, ne kano o mamoe, ne uaina mo ne pia i kona, i mua o te Aliki te otou Atua, e tau koe mo tou kaiga o kai ki mea kona kae fiafia.

²⁷“Sa puli i a koutou a sa Levi kona e nofo i otou fa'kai; e seai ne laukele totino o latou ne tufa.

²⁸I te fakaotiga o te taki tolu o tausaga, aumai e tasi vae sefulu o fuaga o otou fatoaga katoa, kae teu i otou fa'kai.

²⁹A te vaega tena e ave ma te kau sa Levi, me e seai ne mea totino a latou, pela foki a tino fakaatea, mo tamaliki seai ne matua, mo fafine e seai ne avaga kona e nofo i otou fa'kai. E tau mo latou o o'mai o puke ne olotou meakai, ki te uke e manako latou ki ei. Kafai e fai ne koutou te mea tena, kae ka fakamanuia ne te Aliki te otou Atua a koutou i otou galuega katoa e fai.