Read Te Tusi Tapu I Te Gana Tuvalu Lomiga Lua TEUTELONOME 19 Bible Online

TEUTELONOME 19 - Te Tusi Tapu I Te Gana Tuvalu Lomiga Lua bible

TEUTELONOME 19

¹ “Kafai ko oti ne ta fakapalele ne te Aliki te otou Atua a tino kona e o latou te fenua tena ko avatu mo koutou, kae kafai ko maua ne koutou olotou fa'kai mo olotou fale, kae ko nofo foki koutou i ei,

²e tau o vae ne koutou ki fa'kai e tolu a te fenua tela ko oti ne tuku atu ne te Aliki te o tou Atua ke fai mo koutou.

³E tau o fuafua ne koutou a te vasia o fa'kai ko vaevae ei ne koutou ki fa'kai e tolu a te fenua tela ne tuku atu ne te Aliki te otou Atua ke fai mo koutou, me kafai e isi se tino ne tatino, e mafai fua o sola ki se fa'kai o fa'kai kona.

⁴Kafai se tino ne tamate ne ia sua tino, kae se ko tena loto ke tamate, e mafai o sola ki se fa'kai o fa'kai kona ke sao a ia.

⁵Kafai ne olo se tokolua tagata o kati lakau i te vao, kae fanatu sua tino o kati te lakau ki lalo ki tena taku, ko te mata eiloa o te taku ko lele, poko i te sua tino, mate eiloa; e tau mo te tino tena e ola o tele ki se fa'kai o fa'kai kona e tolu, ke sao a ia.

⁶Moi ne tasi te fa'kai, e penei e tai mao eiloa, kae e fui oko foki ki ei a te tino tena, e se taumate e iku o po atu ne se kaiga o te tagata ne mate, ko tamate ei a ia, kae tela la, a ia e se 'se, me e seki fai ne ia mo tena loto. A te tagata tela ne mate, ne mate i se feitu pasala, ka ko ia e seki fai fili foki ki ei.

⁷Tena te mea e fakatonu atu ei au ke vae fakaatea ne fa'kai e tolu.

⁸“Kafai ko fakalasi ne te Aliki te otou Atua a te fenua, e pela mo ana muna ki otou tupuga, kae avatu a te fenua katoa tela ne tauto a ia ke avatu mo koutou,

⁹ka toe filifili aka ne koutou ne fa'kai e toe tolu. Ka avatu ne ia a te fenua tenei, manafai e fakalogo koutou ki mea katoa konei e fakatonu atu ne au i te aso nei, manafai foki e alofa koutou ki te Aliki te otou Atua kae tausi ki ana akoakoga.

¹⁰Ke fai ne koutou te mea tena, ko te mea ke mo a e mate tauanoa fua ei a tino e seai ne agasala, kae ke mo a foki koutou e agasala i te tamate ne koutou a tino pena i te fenua tenei ne avatu ne te Aliki mo koutou.

¹¹“Kafai se tino ne tamate ne ia tena fili mo tena loto eiloa o tamate, kae tele ki se fa'kai i fa'kai kona ke sao a ia,

¹²e tau a ia o puke mai ne takitaki o tena fa'kai o tuku atu ki te kaiga o te tagata ne mate, ko te mea ke tamate foki a ia e taui ei tena mea ne fai.

¹³Ke mo a e alofa koutou ki a ia, ko te mea ke ave keatea a tino tatino pena mai Isalaelu, ke fanofano lei te olaga o koutou.

¹⁴ “Sa siki ne koe a te tuakoi o te tino tela e tuakoi mo koe, tela ne fakamoe i aso mua eiloa, i te fenua ne aumai ne te Aliki te otou Atua mo koutou.

¹⁵ “A te molimau e tokotasi e se lava o fakase ne ia te tino; e tau o tokolua io me e tokouke atu a molimau, ko mafai ei o fakase te tino agasala.

¹⁶Kafai se tino e taumafai o fakamasei te sua tino, o ave ne ia ki te fono i se agasala se tonu,

¹⁷e tau mo te tokolua kona o olo ki te koga tapuaki, ki te Aliki, kae ka fakamasino ne faitaulaga mo famasino kola e tu i te aso tena.

¹⁸Ka sukesuke fakalei eiloa ne famasino a te mea tena; kae kafai e maua atu i te tagata tela e fakaloiloi fua mo tena mau e uiga ki tena taina Isalaelu,

¹⁹ko tena uiga ka fakasala a ia i te fakasalaga tela ne tau o ave ki te tagata tela ne moli ne ia, moi ne fai pela e tonu tena molimau. Ko te faiga tena e ave keatea ei te amioga masei tena.

²⁰Ka logo a tino katoa i te mea ne tupu, tena ka mataku ei latou, ko se toe ai ei se tino e fai ne ia se amioga masei pena.

²¹ I vaega amioga pena, ke mo a eiloa koutou e alofa ki tino pena; a te fakasalaga ko te ola ki te ola, te mata ki te mata, te nifo ki te nifo, te lima ki te lima, mo te vae ki te vae.