Read Te Tusi Tapu I Te Gana Tuvalu Lomiga Lua TEUTELONOME 25 Bible Online

TEUTELONOME 25 - Te Tusi Tapu I Te Gana Tuvalu Lomiga Lua bible

TEUTELONOME 25

¹“Kafai se tokolua Isalaelu ne olo ki te fono o fakamasino te kinauga a laua, kae iku aka nei, e agasala te sua tino kae sao te sua tino.

²Kafai te tino 'se ne fakasala ke kini, e tau mo te famasino o fai ki ei ke takato fuli tena alo ki lalo ko kini ei. A te aofaki o ana kini e fuafua eiloa ki te mafa o te agasala.

³ A te gataga o kini ki luga e fasefulu; kafai e silia atu ko te tina fakamasiasiga eiloa o ia i mata o tino.

⁴ “Sa saigina a te gutu o te pulumakau i te taimi e lakalaka ei ne ia a saito mo vaega fuaga pena.

⁵ “Kafai se tokolua tautaina e nofo i se laukele e tasi, kae mate te sua tino i a laua, kae seai ne ana tama tagata; ko tena avaga e se tau o avaga ki se tino i tua o te kaiga. Ko te tiute o te taina o te tagata ne mate o avaga ki te fafine tena.

⁶A te tama tagata muamua a laua e lau me ko te tama tagata a ia tela ne mate, ko te mea ke ola eiloa tena gafa i Isalaelu.

⁷ Kae kafai e se fia avaga ki ei te taina o te tagata ne mate, ko fano ei te fafine tena ki mua o takitaki o te fa'kai kae fai ki a latou penei, ‘A te taina o taku avaga e ita ma fai tena tiute; e ita ma fai se tama tagata ma tena taina, ko te mea ke isi sena gafa i Isalaelu.’

⁸Tena la, ko aumai ei a ia ne takitaki o te fa'kai o faipati fakalei ki ei. Kafai e ita eiloa a ia o avaga ki te avaga a tena taina,

⁹ko te mea ka fanatu te avaga a tena taina ki a ia, i mua o takitaki o te fa'kai, tapale ne ia tena taka e tasi, puaki atu ki ana mata, kae fai atu penei, ‘E pena te mea e oko ki te tagata e ita ma fakaola ne ia te gafa o tena taina.’

¹⁰Ka iloa i luga i Isalaelu a te kaiga tena ko te kaiga o te tagata ne tapale keatea te taka o ia.’

¹¹“Kafai e taua se tokolua tagata, kae vau te avaga a te sua tagata o fesoasoani ki tena avaga, o kumi a masaki o te tagata tela e taua mo tena avaga,

¹²puke o kati keatea ona lima, sa fai fakalei ki ei.

¹³ “Sa avegina i loto o otou taga ne fua 'mafa e lua, te fua lasi mo te fua foniki.

¹⁵Fakaaoga a fua tonu, ko te mea ke ola leva koutou i te fenua tenei ne avatu ne te Aliki te otou Atua mo koutou.

¹⁶A te Aliki e se fiafia ki tino faitogafiti.

¹⁷ “E masaua ne koutou te mea a te kau Amaleka ne fai ki a koutou i te taimi ne o'mai ei koutou keatea mai Aikupito?

¹⁸E se mataku latou ki te Atua, tena ne taua atu ei ki a koutou mai te feitu o koutou ki tua, kae tamate ne latou a tino o koutou kola e o'mai mai tua.

¹⁹Tela la, kafai ko maua ne koutou te fenua tela ne avatu ne te Aliki mo koutou, kae ko nofo koutou i ei mo te saogalemu mai otou fili katoa kola i otou tafa, masaua la o tamate katoa a tino Amaleka, ko te mea ke mo a e toe manatua atu latou. Masaua o fai te mea tena, kae sa puli!