Read Te Tusi Tapu I Te Gana Tuvalu Lomiga Lua GALUEGA 12 Bible Online

GALUEGA 12 - Te Tusi Tapu I Te Gana Tuvalu Lomiga Lua bible

GALUEGA 12

¹Ko oko nei ki te taimi a te tupu ko Helota[14] o fakasaua ki nisi tino o te Ekalesia i vaitaimi konei.

²Ne tamate ne ia a Iakopo te taina o Ioane ki te pelu.

³I te iloaga ne ia me fia'fia a tino Iutaia ki tena mea ne fai, tela, puke ei foki ne ia a Petelu o fakapagota. Ko te taimi tonu eiloa tenei o te 'Kaiga o Falaoa se Faka'fete.

⁴I te otiga ne puke fakapagota a Petelu, ne pei ki te fale puipui, kae tuku atu ei ke leoleo ne kau leoleo e fa, e taki tokofa leoleo i te kau. Ne mafaufau a Helota o tuku atu ne ia ki tino Iutaia, manafai e oti a te Paseka.

⁵Tela, ne tuku eiloa a Petelu i te fale puipui, kae ne 'talo fakatauanau a tino o te Ekalesia ki te Atua mō ia.

⁶I te po eiloa tela ne mafaufau ei Helota o tuku atu a Petelu ki tino i te aso ma taeao, ne moe Petelu i te va o leoleo e tokolua. Ne pikifao ki seni e lua, kae isi foki ne leoleo e tiute i te mataloa.

⁷Ne tu fakavave mai a te agelu a te Aliki i kona, maina ei mo te potu katoa. Ne puke atu te agelu ki tona tuauma, kae 'fagu atu ke ala, ana muna, “Tu fakavave ki luga.” I kona foki eiloa, 'to ei keatea a seni mai ona lima.

⁸Tela, toe faipati atu te agelu ki a ia, “Sai ke mau tou kafanoa, pela foki mo ou taka.” Ne fai eiloa pena ne Petelu, kae toe faipati atu foki a te agelu ki a ia, “Pulupulu tou gatu, kae vau ke olo taua.”

⁹Tautali atu ei a ia i te agelu, o olo ki tua mai te fale puipui. Kae se iloa ne ia me tonu eiloa a te mea ko oti ne fai ne te agelu. E leake eiloa i tena mea ne matea se fakaasiga.

¹⁰Ko teka ki o la tua a te vaega o leoleo muamua, pela foki te lua, oko mai ei laua ki te mataloa fiti fakapalele, tela e 'soko ki te fa'kai. Ne matala atu eiloa ki a laua a te mataloa, ulu atu ei laua ki tua. Sasale atu ei laua i te auala, tuku fakavave ei a Petelu ne te agelu i kona, kae fano.

¹¹Fakamuli ifo, maina 'lei ei a Petelu ki te mea ne tupu ki a ia, ana muna: “Ko iloa tonu ne au me tonu eiloa a te mea nei! Ne uga mai ne te Aliki tena agelu, o fakasao mai au i te pule a Helota, mo mea katoa ko oti ne fuafua ne tino Iutaia o fai ki a au.”

¹²I te iloaga ne ia me tonu a te mea nei, fano ei ki te fale o Malia te matua o Ioane, tela e igoa foki ki a Maleko, kae e tokouke a tino e maopoopo i ei e 'talo.

¹³Ne tukituki atu a Petelu i te mataloa i tua, vau ei a te tavini tamafine e igoa ki a Lote o asi te mataloa.

¹⁴Ne lagona ne ia me ko te leo o Petelu, ne oko ifo ei ki tena loto te fiafia lasi. Ko se 'tala ne ia te mataloa, ka ko toe tele ki loto i te fale, taku atu ei ne ia ki a latou i a Petelu tela e tu mai tua o te fale.

¹⁵Ne muna atu latou ki a ia, “A koe e fakavalevale.” Kae ne kinau atu eiloa me tonu a ia. Tela, tali atu ei latou ki a ia, “Kati ko tona agelu.”

¹⁶Ka ko Petelu i te taimi tena, ko 'soko faeloa a te tukituki i te mataloa, kae i te lotou 'talaga i te mataloa, matea atu ei ne latou a ia; ko oko eiloa i te lotou ofo.

¹⁷Ne fakatu atu tona lima ki a latou ke se ua, tela, fakamatala atu ei ne ia a te aumaiga o ia ki tua ne te Aliki, mai te fale puipui. Ne fai atu a ia ki a latou, “Ko fakailoa atu la ne koutou a te mea nei ki a Iakopo, pela foki mo nisi taina ake.” I te otiga o ana pati kona, ko te mea eiloa ko fano ki te sua koga.

¹⁸I te taeaoakega, ko 'numi valevale a mafaufau o leoleo o te fale puipui, me se a te mea ko tupu ki a Petelu.

¹⁹Ne fai te fakatonuga a Helota ke 'sala ake Petelu, kae ne seki maua eiloa ne latou. Ne sukesuke foki ne ia a leoleo o te fale puipui, me ai a ne sao ei a Petelu. Ne fai atu foki tena fakatonuga ke ave katoa a leoleo kona o tamate. Mai tua ifo o te mea tena ne tupu, tuku ei ne Helota a Iutaia, kae fano o nofo i Kaisaleia i ne mo aso.

²⁰Ko oko eiloa i te kaitaua o Helota ki tino o Tulo mo Saitonu. Ne o'mai fakatasi a tino kona ki a Helota. Ne kau atu ki te lotou feitu a te tino pule o te fale o te tupu e igoa ki a Palasitone, tela olo atu ei latou o fakamolemole ki a Helota ke maua se filemu, i te mea i olotou fenua e maua mai olotou meakai mai te fenua o te tupu.

²¹I te aso ne fuafuagina ne Helota e fakatasi ei a ia mo tino kona, ne pei ki ona gatu tupu, kae sagasaga ki tona nofogaaliki, lauga atu ei a ia ki a latou.

²²Ne 'kalaga a tino kae fai olotou pati penei, “E se se tino tenei e faipati, kae se atua!”

²³I kona foki eiloa tamate ei a Helota ne te agelu a te Aliki, i te mea e se ava a ia ki te Atua. Ne kai a ia ne anufe, mate atu eiloa.

²⁴Ko gasolo eiloa o olaola ake a te muna a te Atua kae salalau atu.

²⁵I te otiga faka'lei o te galuega a Panapa mo Saulo, 'foki ei ki[15] Ielusalema. Ne ave ne laua a Ioane tela e igoa foki ki a Maleko, ke olo tasi latou.