Read Te Tusi Tapu I Te Gana Tuvalu Lomiga Lua LOMA 10 Bible Online

LOMA 10 - Te Tusi Tapu I Te Gana Tuvalu Lomiga Lua bible

LOMA 10

¹Taina, tenei te mea e loto au ki ei, kae 'talo foki au ki te Atua mo latou, ko te mea ke fakaolagina latou.

²Kae molimau foki au ki a latou me lasi te lotou toaga ki te Atua, ka ko te mea e seai eiloa se mainaga i a latou.

³Ona ko te lotou valea i te amiotonu tela ne aumai mai te Atua, ne taumafai foki latou ke tu te lotou mea tonu, tela la, ko se tuku atu ei latou katoatoa ki te amiotonu a te Atua.

⁴Me i a Keliso ko te fakaikuga o te Tulafono, ko te mea ke takuamiotonugina katoa latou kola ne fakatuanaki.

⁵Ne tusi ne Mose me i te tino e fai ne ia a te amiotonu tela e fakavae i te Tulafono, ka ola eiloa a ia i ei.

⁶Kae fai mai a te amiotonu tela e fakavae i te fakatuanaki: Sa faipati ake i tou loto penei, “Ko oi ka fanake ki te lagi?” Ko tena uiga, o aveifo Keliso ki lalo.

⁷Io me “Ko oi ka fanaifo ki lalo ki Mone?” Ko tena uiga, o avake Keliso mai te mate.

⁸Kae ne a ana muna? A te muna tena eiloa i ou tafa, e i luga i ou laugatu mo tou loto, ko tena uiga, ko te muna o te fakatuanaki tela e lauga atu ne matou,

⁹i te mea kafai e folafola atu ne koe i ou laugatu a Iesu ko te Aliki, kae talitonu foki koe i tou loto, me i te Atua ne ana fakatugina a ia mai tino 'mate, ka fakaolagina koe.

¹⁰Me e talitonu a te tino i tona loto, tela la, ko takuamiotonugina a ia, kae kafai e molimau foki ona laugatu, e fakaolagina a ia.

¹¹Muna a te Tusi: “E seai se tino e talitonu ki a ia e fakamasiasigina.”

¹²I te mea e seai eiloa se kesekesega i te va o tino Iutaia mo fenua fakaatea; me ko te Aliki eiloa e tokotasi, ko te Aliki o tino katoa, kae 'ligi atu foki a tena fakamanuiaga ki luga i a latou kola e kalaga atu ki a ia.

¹³Muna a te Tusi, “Ko tino katoa kola e kalaga atu ki te igoa o te Aliki, ka fakaolagina latou.”

¹⁴Kae ka pefea o kalaga atu a tino ki a ia, manafai e seki talitonu latou ki a ia? Kae ka pefea foki o talitonu latou ki a ia, manafai e seki fakalogo eiloa latou ki a ia? Kae ka pefea foki la o lagona ne latou manafai e seai se failauga?

¹⁵Kae ka mafai pefea ne tino o folafola atu, seiloga ko uga atu latou? E pela mo muna ne tusi, ko seai la se gali pela o vae o tino kola e folafola atu te tala 'lei.”

¹⁶Kae ne seki talia katoa ne latou a te Tala 'Lei, e pela mo muna a Isaia: “Te Aliki, ko oi ne talitonu ki te muna tela ne lagona ne ia mai i a matou?”

¹⁷Tela la, a te fakatuanaki e maua mai i te lagona, ka ko te mea ne lagona, ne maua mai i te talaiga a Keliso.

¹⁸Kae fesili atu au: e tonu me seki lagona ne latou? Ne lagona ne latou; e pela mo muna a te Tusi: “Ko oko atu olotou leo ki te lalolagi katoa, mo olotou pati foki, Ko oko atu ki kapakapalagi.”

¹⁹Kae ka toe fesili atu au: ne se iloa ne tino Isalaelu? Ne muamua eiloa a Mose o fai mai: “Kai fai ne au koutou ke kaisanosano ki tino kola e se se fenua tonu, Pela foki mo te fenua o tino valea ke faka'itaita ei ne au koutou.”

²⁰Ka ko Isaia ne faipati mo te se mataku penei: “Au ne maua ne tino kola e seki salasala mai ki a au, Ne fakaasi atu foki au ki tino kola e seki fesili e uiga ki a au.”

²¹Kae ne muna mai penei ki a Isalaelu, “I aso katoa, e fola faeloa ne au oku lima alofa ki tino fakalogoga'ta kae 'teke ki fakatonuga.”