Read Te Tusi Tapu I Te Gana Tuvalu Lomiga Lua 1 TESALONIA 1 Bible Online

1 TESALONIA 1 - Te Tusi Tapu I Te Gana Tuvalu Lomiga Lua bible

1 TESALONIA 1

¹Mai i a Paulo, Sila mo Timoteo - Ki tino o te Ekalesia i Tesalonia, kola ne tino o te Atua te Tamana mo te Aliki ko Iesu Keliso: Ke i a koutou a te alofa tauanoa mo te filemu.

²E fakafetai faeloa matou ki te Atua mo koutou katoa, kae e manatua faeloa koutou ne matou i omotou talosaga.

³Me masaua faeloa ne matou i mua o te Atua te tou Tamana i te fakagalue ne koutou te otou fakatuanaki, mo te otou alofa i te fai ne ia ke ga'lue malosi koutou, mo te mautakitaki foki o te otou fakamoemoe ki te tou Aliki ko Iesu Keliso.

⁴E iloa ne matou e taina, i te Atua e alofa ki a koutou, ka ko oti foki ne filifili ne ia koutou ke fai mō ia.

⁵Me i te avatuga ne matou a te Tala 'Lei ki a koutou, ne seki avatu fua ne matou na ko muna, kae ne avatu i te mana mo te Agaga Tapu, mo te loto talitonu fakamaoni ki tena tonu katoatoa. E iloa ne koutou omotou faiga, i aso ne fakatasi ei tatou, a omotou faiga kona mō te 'lei o koutou.

⁶Ne fakaakoako mai koutou ki omotou faiga e pela foki a faiga a te Aliki; kae e ui eiloa i te puapuagatia masei o koutou, kae ne maua eiloa ne koutou a te talaiga mo te fiafia lasi tela ne alatu mai i te Agaga Tapu.

⁷Nei la, ko fai koutou mo fakaakoakoga ki tino talitonu katoa i Maketonia mo Eleni.

⁸Me i te talaiga e uiga ki te Aliki ne takutaku atu i otou gutu, e se mō Maketonia fua mo Eleni, kae nei ko salalau valevale a te tala e uiga ki te otou fakatuanaki ki te Atua. Tela la, e seai ake foki se isi pati a matou e toe fai atu.

⁹A tino konei ko fai'pati fua ki te otou alofa ki a matou i te motou oloatuga ki a koutou, mo te otou 'fuliga keatea mai tapuakiga ki tupua ki te tapuakiga ki te Atua, o tavini atu ki te Atua ola kae tonu,

¹⁰kae fakatalitali ki tena Tama e vau mai te lagi, ko Iesu tena, tela ne fakatu ne ia mai te mate, ko ia foki tena e fakasao ne ia tatou mai te fakasalaga a te Atua tela ka oko mai.