Read Te Tusi Tapu I Te Gana Tuvalu Lomiga Lua IOSUA 12 Bible Online

IOSUA 12 - Te Tusi Tapu I Te Gana Tuvalu Lomiga Lua bible

IOSUA 12

¹ A te fenua i te feitu, ki te saegala o te Iolitana, mai i te Vanu o Alinona, o fanaka ke oko ki te Vanu o Iolitana, kae oko atu foki eiloa ki te Mauga o Helemoni i matu, ko leva ne puke ne tino Isalaelu. E tokolua tupu ne fakatakavale ne latou.

²Ko Sekono, te tupu o Amoli tela e nofo i Hesepono. A tena malo e aofia ei te afā o Kileata: mai Aloela i kautafa o te Vanu o Alinona, mo te fa'kai i te[6] kogaloto o te Vanu tena, ke oko ki te vaitafe o Iapoka, te tuakoi o Amoni;

³e aofia foki i ei a te Vanu o Iolitana, mai te vai o Kalilaia o fano ki saute ki te fa'kai o Peta Iesimota i te feitu ki te saegala o te Tai Mate, o fanatu eiloa ki te tafito o te Mauga o Peseka.

⁴A te sua Tupu ko Oko o Pasana, tela ko te toe tino e tokotasi i tino Lefaima; kae e nofo i te fa'kai o Aselota mo Etelei.

⁵A tena malo e aofia ei te Mauga o Helemoni, Saleka, mo Pasana katoa, ke oko eiloa ki te gataga o Kesula mo Maaka, pela foki te sua afā o Kileata, ke oko atu foki ki te kogā fenua o Sekono, te Tupu o Hesepono.

⁶ A tupu kona ne fakatakavale ne Mose mo tino Isalaelu. Ne tuku ne Mose te fenua tena ke fai mo tofi o te matakaiga o Leupena mo Kato, mo te afā o te matakaiga o Manase.

⁷A Iosua mo te kau Isalaelu ne fakatakavale ne latou a tupu katoa i te feitu ki te togala o te Iolitana, mai Paalakato i te Vanu o Lepanona, ke oko ki te Mauga o Halaka i saute, i tafa o Etoma. Ne vaevae ne Iosua te fenua katoa tena i matakaiga o Isalaelu kae tuku atu ne ia ke fai mo tofi tumau o latou.

⁸A te vaega tena e aofia ei te fenua maugā, ko fa'kai i lalo o mauga i te togala, te Vanu o Iolitana mo tafito mauga i ei, ko fa'kai i masifoga o mauga i te saegala, mo te fenua vela i saute. A te fenua ko te fenua o tino Heti, tino Amoli, tino Kanana, tino Pelise, tino Hivi mo tino Iepuse.

⁹A tino Isalaelu ne fakatakavale ne latou a tupu o fa'kai konei: Ieliko, Ai i tafa o Peteli,

¹⁰Ielusalema, Hepelona,

¹¹Ialamuta, Lakisa,

¹²Ekelona, Kesela,

¹³Tipeli, Ketela,

¹⁴Holema, Alata,

¹⁵Lipina, Atulama,

¹⁶Maketa, Peteli,

¹⁷Tapua, Hefa,

¹⁸Afeka, Lasalona,

¹⁹Matoni, Hasola,

²⁰Similono Melono, Akasafo,

²¹Tanaka, Mekito,

²²Ketesa, Iokeneamo i Kalamelu,

²³[7] Toa i te matafaga, Koima i Kalilaia,

²⁴mo Tilesa. E tusa mo te tolusefulu tasi te aofaki o tupu.