Read Te Tusi Tapu I Te Gana Tuvalu Lomiga Lua IOSUA 15 Bible Online

IOSUA 15 - Te Tusi Tapu I Te Gana Tuvalu Lomiga Lua bible

IOSUA 15

¹Tenei te vaega o te fenua ne tuku mō te matakaiga o Iuta: a te vaega tenei o Iuta e kamata mai i te mata ki saute o te Vao o Sina, i te tuakoi o Etoma.

²A te tuakoi tenei ki saute, e vau mai i te mata ki saute o te Tai Mate,

³o fano faka saute mai i te Auala i va o mauga o Akalapima, ke oko ki Sina. E fanatu eiloa ki te feitu ki saute o Katesa Paenea, fakatafa i Heselona, ko fanake ei ki Atala, o fanatu faka Kalaka,

⁴ke oko atu eiloa ki Asamona, ko tautali ei i te vaitafe foniki i luga i te tuakoi o Aikupito ki te Tai Metitilani, tena e gata ei te tuakoi tena. Tena te tuakoi ki saute o Iuta.

⁵A te tuakoi ki te saegala ko te Tai Mate, mai i te mata ki lalo ke oko ki te mata ki luga, tela e tafe mai i ei te Iolitana. A te tuakoi ki matu e kamata i kona,

⁶ko fanake ei ki Peta Hokala, ko fano ei ki matu o te taulu mauga tela e tu i luga o te Vanu o Iolitana. Tena ko fanake ei ki te Fatu o Pohana, Pohana ko te tama a Leupena,

⁷mai i te Vanu o Fakalavelave o fano ki Tipeli, tena ko fano ei faka matu ki Kilikala, tela e fakasaga ki te Auala o Atumima i va o mauga i te feitu ki saute o te vanu. Mai kona ko fano ei ki vaipuna o Enesemese, o fano eiloa ki Enelokelo,

⁸o fanake i loto i te Vanu o Hinomo i te feitu ki saute o te mauga foliki tela ne tu ei te fa'kai o tino Iepuse tela ko Ielusalema. Mai i kona ko fano ei ki luga i te ulu o te mauga foliki, i te feitu ki te togala o te Vanu o Hinomo, i te mata ki matu o te Vanu o Lefaima.

⁹Mai i kona ko fano pela ki Vaipuna o Nefatoa o fano ki fa'kai pili ki te Mauga o Efelona. Mai kona ko fano pela ki Paalā io me ko Kiliata Iealima,

¹⁰mai kona ko takapili ei ki te feitu ki te togala o Paalā o fano ki te fenua mauga o Seila, o fano i te feitu ki matu o te Mauga o Iealima io me ko Tasalona, ko fano ei ki lalo i Peta Semese, o fanatu eiloa fakatafa i Timenata.

¹¹Mai i kona ko fanatu eiloa ki te mauga foliki i te feitu ki matu o Ekelona, ko fano ei faka Sikelona, fakatafa atu i te Mauga o Paala, ko fano ei ki Iamania, kae gata mai i te Tai Metitilani,

¹²tela ko te tuakoi ki te togala. I loto o tuakoi kona, e nofo ei a te matakaiga o Iuta.

¹³ E pela eiloa mo te fakatonuga a te Aliki ki a Iosua, ne avatu eiloa te vaega o Kalepo te tama a Iefune, mai i te vaega o Iuta. Ne tuku atu ki a ia te fa'kai o Hepelona, tela ko te fa'kai o Alapa, te tamana o Anaki.

¹⁴Ne afuli malo ne Kalepo a tino Anaki mai te fa'kai tena — ko kaukaiga o Sesai, Aimanu, mo Talamai.

¹⁵Mai i kona ne fanatu a ia o taua ki tino kola e nofo i Tipeli. A te igoa mua o te fa'kai tena ko Kiliata Sefelo.

¹⁶Muna a Kalepo, “A te tino e maua ne ia o fakatakavale a Kiliata Sefelo e avaga mo taku tama fafine ko Akesa.”

¹⁷Ko Otinielu, te tama a Kenasa te taina o Kalepo, ne puke ne ia te fa'kai tena, tena ne tuku atu ei ne Kalepo tena tama fafine ko Akesa ke avaga mo ia.

¹⁸I te aso o te fakaipoipoga, ne fai atu a Otinielu[9] ki a Akesa ke fano o fai ki tena tamana ke avatu se laukele mo laua. Tena ne fanatu a Akesa ki tena tamana i tena asini, kae fesili mai mo Kalepo me se a te mea e manako a ia ki ei.

¹⁹Ne tali atu a Akesa penei, “Au e manako ki ne vaipuna. A te laukele tenei ne aumai ne koe ki a au e tu i te fenua vela.” Tena ne tuku atu ei ne Kalepo ma ia a te vaipuna tafa ki luga mo te vaipuna tafa ki lalo.

²⁰Tenei te vaega o te matakaiga o Iuta.

²¹A olotou fa'kai tafa eiloa ki saute, kola e pili ki te tuakoi o Etoma, ko Kapaseele, Eta, Iakuli,

²²Kina, Timona, Atata,

²³Ketesa, Hasola, Itanani,

²⁴Sifo, Telema, Pealota,

²⁵Hasola Hatata, Kaliota Heselona io me ko Hasola,

²⁶Amama, Sema, Molata,

²⁷Hasala Kata, Hasemoni, Petepelete,

²⁸Hasalasualo, Pelesepa, Pisiotia,

²⁹Paala, Ima, Esema,

³⁰Elitolita, Kesila, Holema,

³¹Sikilaka, Matamana, Sanisana,

³²Lepaota, Seleimi, Aino, mo Limoni: e tusa mo te luasefulu iva fa'kai lasi, pela foki a fa'kai foliki i olotou tafatafa.

³³A fa'kai i lalo o mauga ko Esetaolo, Sola, Asena,

³⁴Sanoa, Eganima, Tupua, Enamo,

³⁵Ialamuta, Atulama, Soko, Aseka,

³⁶Salaima, Atitaima, Ketela, mo Ketelotaima. E sefulu fa'kai lasi mo fa'kai foliki ei i tafatafa o latou.

³⁷E aofia foki i kona a fa'kai o Senanu, Hatasa, Mikitalakata,

³⁸Tileana, Mesepa, Iokoteli,

³⁹Lakisa, Posikata, Ekelona,

⁴⁰Kapono, Lamamu, Kitelisi,

⁴¹Ketelota, Peta Takono, Naama, mo Maketa: e sefulu ono fa'kai lasi mo fa'kai foliki ei i olotou tafatafa.

⁴²E aofia foki i kona a fa'kai o Lipina, Etela, Asani,

⁴³Ifita, Asena, Nesipa,

⁴⁴Keila, Akasipa, mo Malesa: e iva fa'kai lasi mo fa'kai foliki ei i olotou tafatafa.

⁴⁵E aofia foki a Ekelona mo ona fa'kai foliki,

⁴⁶mo fa'kai lasi mo fa'kai foliki katoa kola i tafa o Asetota, mai Ekelona ki te Tai Metitilani.

⁴⁷E aofia foki a Asetota mo Kasa, mo olotou fa'kai foliki, ke oko eiloa ki te vaipuna i te tuakoi o Aikupito, mo te matafaga o te Tai Metitilani.

⁴⁸A fa'kai i te fenua mauga e aofia i te vaega o Iuta ko Samila, Iatila, Soko,

⁴⁹Tana, Kiliata Sefelo io me ko Tipeli,

⁵⁰Anapa, Esitemoa, Anima,

⁵¹Kosena, Holono, mo Kilo: e sefulu tasi fa'kai lasi mo fa'kai foliki i olotou tafatafa.

⁵²E aofia foki a Alapi, Tuma, Esana,

⁵³Ianima, Peta Tupua, Afeka,

⁵⁴Humata, Hepelona, mo Siole: e iva fa'kai lasi mo fa'kai foliki i olotou tafatafa.

⁵⁵E aofia foki a Maono, Kalamelu, Sifo, Iutā,

⁵⁶Ieseleelu, Iokoteamo, Sanoa,

⁵⁷Kaino, Kipea, mo Timenata: e sefulu fa'kai lasi mo fa'kai foliki i olotou tafatafa.

⁵⁸E aofia foki i ei Halulo, Petesula, Ketoa,

⁵⁹Malata, Petanoa, mo Eletekono: e ono fa'kai lasi mo fa'kai foliki i olotou tafatafa.

⁶⁰E aofia foki a Kiliata Paala io me ko Kileata Iealima, mo Lāpa: e lua fa'kai lasi mo fa'kai foliki i o la tafatafa.

⁶¹A fa'kai i te vao ko Peta Alapa, Mitini, Sekaka,

⁶²Nipisana, te fa'kai o Masima, mo Eneketi: e ono fa'kai lasi mo fa'kai foliki i olotou tafatafa.

⁶³ Ne seki mafai ne tino o Iuta o afuli keatea a tino Iepuse kola e nofo i Ielusalema. A tino Iepuse e nofo eiloa i kona fakatasi mo tino Iuta.