Read Te Tusi Tapu I Te Gana Tuvalu Lomiga Lua IOSUA 16 Bible Online

IOSUA 16 - Te Tusi Tapu I Te Gana Tuvalu Lomiga Lua bible

IOSUA 16

¹A te tuakoi ki saute o te vaega ne tuku mo te gafa o Iosefa e kamata mai i te Iolitana i tafa o Ieliko, i te feitu ki te saegala o vaipuna o Ieliko, ko fano ei ki loto i te vao. E fanatu mai Ieliko ko fano ei ki luga i te fenua maugā ke oko eiloa ki Peteli.

²Mai Peteli ko fano pela ki Lusa, o fanatu eiloa ki Atalota Ata, te koga e nofo ei a tino Alaki.

³Tena ko fano ei faka te togala ki te koga o tino Iafeleti, ke oko eiloa ki te laukele i te feitu ki lalo o Peta Holono. Mai i kona ko fano eiloa pela ki Kesela, kae gata mai i te Tai Metitilani.

⁴Tena te tofi o te gafa o Iosefa, kola ko matakaiga o Efalaima mo Manase ki te Togala.

⁵Tenei te vaega o te matakaiga o Efalaima: a te tuakoi o latou e kamata mai i Atalota Ata, i te feitu ki te saegala o te feitu ki luga o Peta Holono,

⁶kae mai i kona o fano ki te Tai Metitilani. A Mikimetata e tu i te feitu ki matu o latou. Mai te saegala o te koga tena, ko piko atu ei te tuakoi o latou ki Tanata Sailo o fanatu eiloa ki te feitu ki te saegala o Ianoa.

⁷Mai Ianoa, ko fanaifo ei ki Atalota mo Naala, ke oko eiloa ki Ieliko, kae gata mai i te Iolitana.

⁸E fanatu eiloa te tuakoi tena ki te togala mai Tapua ki te vaitafe foliki o Kana kae gata mai te Tai Metitilani. Tena te laukele ne tuku mo te matakaiga o Efalaima,

⁹fakatasi mo nisi fa'kai foliki kola e tu i loto i te tuakoi o Manase, kae ne tuku mo tino Efalaima.

¹⁰ Kae ne seki afuli keatea ne latou a tino Kanana kola e nofo i Kesela, tela la, ne nofo tasi eiloa latou ke oko mai ki aso nei. Ka ko latou ne fakapologa ne tino Efalaima.