Read Te Tusi Tapu I Te Gana Tuvalu Lomiga Lua IOSUA 19 Bible Online

IOSUA 19 - Te Tusi Tapu I Te Gana Tuvalu Lomiga Lua bible

IOSUA 19

¹A te lua o vaega ne fai ko te vaega o te matakaiga o Simeona. A te vaega o Simeona e oko atu ki loto i te vaega o Iuta.

² E aofia i kona a fa'kai lasi konei: Pelesepa, Seepa, Molata,

³Hasalasualo, Paala, Esema,

⁴Elitolita, Petueli, Holema,

⁵Sikilaka, Peta Makapota, Hasala Susa,

⁶Peta Lepaota, mo Saluena: e sefulu tolu fa'kai lasi mo fa'kai foliki i olotou tafatafa.

⁷E aofia foki i te vaega tena a te fa'kai o Aino, Limoni, Etela, mo Asani: e faa a fa'kai lasi mo fa'kai foliki i olotou tafatafa.

⁸E aofia i te vaega tena a fa'kai foliki katoa i tafatafa o fa'kai lasi kona, ke oko atu eiloa ki Paala Peolo io me ko Lama i te feitu ki saute. Tena te laukele tela ko te tofi o te matakaiga o Simeona.

⁹E isi ne vaega i te tofi o Iuta ne tuku mō te matakaiga o Simeona, me i te vaega o Iuta ko tō lasi.

¹⁰A te tolu o vaega ne fai ko te vaega o te matakaiga o Sepulona. A te laukele tena ne tuku atu mo latou e oko atu eiloa ki Saliti.

¹¹Mai i kona, ko fanatu ei te tuakoi faka te togala ki Maleale, oko atu foki ki Tapeseti mo te vaitafe foliki i te feitu ki te saegala o Iokeneamo.

¹²A te tuakoi ki te sua feitu o Saliti e fano ki te saegala ki te tuakoi o Tisilota Tapola, ko fanatu ei ki Tapelata o fano pela ki luga i Iafia.

¹³Mai i kona e fanatu eiloa faka te saegala Kata Hefelu, mo Etikasina, ko piko atu ei ki Nea i te auala ki Limoni.

¹⁴I te feitu ki matu, a te tuakoi e fano faka Hanatona, kae gata mai i te vanu o Ifitaele.

¹⁵E aofia i te vaega tena a fa'kai o Katata, Nalala, Similona, Itala, mo Peteleema: e sefululua fa'kai lasi, mo fa'kai foliki i olotou tafatafa.

¹⁶A fa'kai lasi konei mo olotou fa'kai foliki e tu i te laukele tela ne tuku mo te matakaiga o Sepulona.

¹⁷A te fa o 'vaega ne fai ko te vaega mo te matakaiga o Isakala.

¹⁸E aofia i loto i te vaega tena a fa'kai o Ieseleelu, Tesulota, Sunema,

¹⁹Hafalaima, Siono, Analata,

²⁰Lapita, Kisiona, Epesa,

²¹Lemeta, Eganima, Enihata mo Petapasese.

²²A te tuakoi e patele atu foki ki Tapola, Sasuma, mo Peta Semese, kae gata mai i te Iolitana. E aofia i kona a fa'kai lasi e sefulu ono mo fa'kai foliki ei i olotou tafatafa.

²³A fa'kai 'lasi kona mo olotou fa'kai foliki e tu i loto i te laukele tela ne tuku mo te matakaiga o Isakala.

²⁴A te lima o vaega ne fai ko te vaega o te matakaiga o Asela.

²⁵E aofia i te vaega tena a fa'kai o Helekata, Hali, Petena, Akasafo,

²⁶Alamu Meleka, Amata, mo Misala. I te feitu ki te togala, a te tuakoi e patele ki Kalamelu mo Siola Lipinata.

²⁷I te feitu ki te saegala, a te tuakoi e fanatu ki Peta Takono, kae patele atu foki ki Sepulona mo te Vanu o Ifitaele i tena auala ki matu ki Petemeka mo Nielu. Mai kona e fanatu eiloa faka matu ki Kapulo,

²⁸Epelona, Lehopa, Hamona, mo Kana, ke oko atu foki eiloa ki Saitonu.

²⁹Mai kona, ko mafuli atu te tuakoi o fano ki Lama, ke oko atu eiloa ki te fa'kai o Tulo tela e isi ne ana pui; mai i kona ko toe mafuli atu o fano ki Hosa, kae gata mai i te Tai Metitilani. E aofia i kona a fa'kai o Malapa, Akasipa,

³⁰Uma, Afeka, mo Lehopa: e luasefulu lua fa'kai lasi mo fa'kai foliki i olotou tafa.

³¹A fa'kai lasi kona, mo fa'kai foliki i olotou tafatafa e aofia katoa i loto i te laukele tela ne tuku ki te matakaiga o Asela.

³²A te ono o vaega ne fai ko te vaega o te matakaiga o Nafatali.

³³A tena tuakoi e fanatu mai Helefo ki te oka o Sananima, ke oko atu eiloa ki Ataminekepu pela foki ki Iamania, mo Lakuma, kae gata mai i te Iolitana.

³⁴Mai kona ko fanatu ei te tuakoi faka‐te‐togala o fano ki Asanota Tapola; mai kona ko fanatu ki Hukoka, patele atu eiloa ki Sepulona i saute, pela foki ki Asela i te togala, mo te Iolitana[13] i te saegala.

³⁵A fa'kai e isi ne pui o latou i kona ko Setimi, Selo, Hamata, Lakata, Tinelete,

³⁶Atama, Lama, Hasola,

³⁷Ketesa, Etelei, Enasole,

³⁸Ilona, Mikitaleli, Holema, Petanata mo Peta Semese: e sefulu iva fa'kai lasi, mo fa'kai foliki i olotou tafatafa.

³⁹A fa'kai lasi mo fa'kai foliki kona e i loto i te laukele o te matakaiga o Nafatali.

⁴⁰A te fitu o vaega ne fai ko te vaega o te matakaiga o Tanu.

⁴¹E aofia i ei a fa'kai o Sola, Esetaolo, Ilesemese,

⁴²Salapima, Aitialona, Itila,

⁴³Eloni, Timenata, Ekelona,

⁴⁴Eleteke, Kipetoni, Palata,

⁴⁵Ieuta, Penepelaka, Katalimoni,

⁴⁶Metiakono, mo Lakono, pela foki a te laukele i tafatafa o Iopa.

⁴⁷ I te taimi ne toe puke ei a te lotou fenua ne nisi tino, ne olo atu latou ki Laisa o taua atu ki ei. Ne fakatakavale ne latou, tamate katoa a tino i ei, kae puke ne latou mo latou. Tena ne nofo latou i kona, fuli ei ne latou te igoa tena ko Laisa ki a Tanu, te igoa o te tupuga o latou.

⁴⁸A fa'kai lasi mo fa'kai foliki kona e i loto i te vaega o te matakaiga o Tanu.

⁴⁹I te otiga o te vaevaega o te fenua ne tino Isalaelu, tena tuku ei ne latou se vaega mō Iosua, te tama a Nuno.

⁵⁰E pela eiloa mo te fakatonuga a te Aliki, ne tuku atu ei ne latou a te fa'kai tela ne manako mai a ia ki ei: ko Timenata Sela, i te fenua mauga o Efalaima. Tena ne toe faite fakalei ne ia te fa'kai tena, nofo eiloa a ia i kona.

⁵¹A Eleasalo te faitaulaga, Iosua te tama a Nuno, mo takitaki ei o kaiga takitasi i matakaiga o Isalaelu, ne tufatufa ne latou a manafa kona e tusa mo te mea e loto ki ei te Aliki i Sailo, tela e iloa i te faiga o te vili.[14] E pena te vaevaega ne latou a te fenua.