Read Te Tusi Tapu I Te Gana Tuvalu Lomiga Lua IOSUA 24 Bible Online

IOSUA 24 - Te Tusi Tapu I Te Gana Tuvalu Lomiga Lua bible

IOSUA 24

¹Ne fakamaopoopo ne Iosua a matakaiga katoa o Isalaelu i Sekema. Ne kalaga atu a ia ki toeaina, takitaki, famasino, mo ofisa o te fenua ke olo atu ki mua o te Atua.

² Muna a Iosua ki tino Isalaelu, “Konei a muna a te Aliki te Atua o Isalaelu: ‘I aso mua eiloa, a otou tupuga ne nofo i te sua feitu o te vaitafe o Eufilate kae e tapuaki ki atua fakaatea. E tokotasi mai i a latou e igoa ki a Tala, ko te tamana o Apelaamo mo Nakoli.

³ Ne puke ne au a Apelaamo te otou tupuga, o taki a ia i loto i te fenua katoa o Kanana. Ne tuku ne au ki a ia a fanau e tokouke. Ne tuku ne au ki a ia a Isaako,

⁴ ka ko Isaako ne tuku ne au ki ei a Iakopo mo Esau. Ne tuku ne au ki a Esau a te fenua maugā o Etoma, ka ko Iakopo te otou tupuga mo ana tamaliki ne olo ki Aikupito.

⁵ Fakamuli ifo, ne uga ne au a Mose mo Alona, kae ne aumai ne au a puapuaga e uke ki luga i Aikupito. Ka ko koutou ne taki mai ne au keatea mai Aikupito;

⁶ ne aumai ne au otou tupuga mai Aikupito, kae ne tau'tali mai a tagata Aikupito i olotou kaliota mo potukau tau o afuli koutou. Kae i te okoga o olotou tupuga ki te Tai Kula,

⁷ne tagi mai ki a au mō se fesoasoani, tena ne fakapouli ei ne au te va o latou mo tino Aikupito. Ne fai ne au te tai ke lofia a tino Aikupito, tena ne malemu ei. E iloa ne koutou te mea ne fai ne au ki tino Aikupito. “A koutou ne nofo i te vao i tausaga e uke.

⁸ Tena, aumai ei ne au koutou ki te fenua o tino Amoli, kola e nofo i te feitu ki te saegala o te Iolitana. Ne taua atu ki a koutou, kae ne tuku atu ne au te manumalo ki a koutou. Ne puke ne koutou te lotou fenua, kae ne ta fakapalele ne au latou i te taimi ne olo atu ei koutou ki mua.

⁹ Ne toe taua atu ki a koutou a te tupu o Moapi ko Palako, te tama a Sipola. Ne uga tena fekau ki a Palaamo te tama tagata a Peolo ke fakamalaia ne ia koutou.

¹⁰Ka ko au ne seki saga ki a Palaamo, tena ne fakamanuia ei ne ia koutou, tena ne fakasao ei ne au koutou mai i a Palako.

¹¹ Ne ulu atu koutou i loto i te Iolitana, oko atu ei ki Ieliko. Ne taua atu ki a koutou a tagata o Ieliko, e pela mo tino Amoli, tino Pelise, tino Kanana, tino Heti, tino Kilikase, tino Hivi mo tino Iepusa. Kae ne tuku atu ne au ki a koutou te manumalo i a latou katoa.

¹² I te taimi ne olo atu ei koutou ki mua, ne fai ne au latou ke tele valevale i te mataku ko te mea ke afuli keatea a tupu o Amoli kola e tokolua. Se ko otou pelu mo matasana ne ala ei te takavale o tino kona.

¹³ Ne tuku atu ne au ki a koutou a laukele kola e seki fakagalue eiloa, mo fa'kai lasi e seki faite ne koutou. Nei, koutou ko nofo i te fenua tena, o kai i fuagavine mai vine e seki toki ne koutou, mo fuaga olive mai i olive e seki toki ne koutou.”

¹⁴Ne faipati atu eiloa Iosua, muna a ia, “Nei la, masaua o fakaava ki te Aliki kae tavini atu ki a ia mo te fakamaoni. Ave keatea a atua kola e masani o tapuaki ki ei otou tupuga i Mesopotamia pela foki i Aikupito, kae tavini atu ki te Aliki.

¹⁵Kafai e se fia tavini koutou ki a ia, filifili i te aso nei, me ko oi e fia tavini koutou ki ei, ko atua ne tapuaki sale ki ei otou tupuga i Mesopotamia io me ko atua o tino Amoli, tenei e nofo koutou i te lotou fenua. Ka ko au mo toku kaiga, e tavini eiloa matou ki te Aliki.”

¹⁶Ne tali atu a tino Isalaelu penei, “E se mafai lele eiloa ne matou o tiakina te Aliki o tapuaki atu ki nisi atua!

¹⁷Ko te Aliki te motou Atua ne aumai ne ia omotou tamana mo matou mai te fakapologaaga i Aikupito, kae ne matea foki ne matou a vavega ne fai ne ia. Ne tausi fakalei ne ia matou i taimi ne ulu sale atu ei matou i loto i malo katoa kola ne ui atu matou i loto i olotou fenua.

¹⁸I te taimi ne o'mai ei matou ki loto i te fenua tenei, ne afuli ne te Aliki a tino Amoli katoa konei e nofo i konei. Tela la, a matou e tavini foki ki te Aliki; a ia ko te motou Atua.”

¹⁹Muna a Iosua ki te fenua, “E se mafai ne koutou o tavini atu ki te Aliki. A ia se Atua e tapu, kae ka se fakamagalo ne ia otou agasala. E se talia ne ia ke isi aka foki se isi atua e tapuaki koutou ki ei,

²⁰kae kafai ko fulitua koutou ki a ia o tapuaki atu ki nisi atua, ko koutou ka fakasala ne ia. Ka 'ta fakapalele ne ia koutou, e ui eiloa ne atafai sale atu ki a koutou i taimi mua.”

²¹Muna a tino Isalaelu ki a Iosua, “Ikai! A matou e tavini eiloa ki te Aliki.”

²²Muna a Iosua ki a latou, “A koutou ko molimau ki a koutou eiloa, me ko oti ne fili ne koutou a te Aliki ke tavini koutou ki a ia.” Muna a latou, “Ao, matou ko molimau.”

²³Tena ne fai atu ei a ia penei, “Na pei la keatea a atua fakaatea kona i a koutou kae fakailoa atu ki te Aliki te Atua o Isalaelu i a koutou e tavini atu ki a ia.”

²⁴Muna a te fenua ki a Iosua, “Ka tavini matou ki te Aliki te motou Atua. Ka fakalogo eiloa matou ki ana fakatonuga.”

²⁵Tena ne fai ei ne Iosua te feagaiga mō [17] te fenua i te aso tena, tuku atu foki ei ne ia i kona, i Sekema, a tulafono mo fakatonuga ke tau'tali latou i ei.

²⁶Ne tusi ne Iosua a fakatonuga kona i te tusi o te Tulafono a te Atua. Tena ne puke aka ei ne ia te fatu lasi o fakatu i lalo o te lakau ko te oka, i tafa o te Faleie o te Aliki.

²⁷Muna a ia ki tino o Isalaelu katoa, “A te fatu tenei ka fai mo molimau. Ko oti ne lagona ne ia a muna katoa a te Aliki kola ko oti ne faipati mai ki a tatou. Tela la, ka fai te fatu tenei mo molimau, kae ka fakamasaua atu foki ki a koutou ke mo a e toe teke atu koutou ki te otou Atua.”

²⁸Tena ne uga atu ei ne Iosua a tino Isalaelu ke foki atu ki olotou laufenua, tena ne foki atu ei latou katoa ki olotou koga fenua.

²⁹I te otiga o mea kona, ko te tavini eiloa a te Aliki, ko Iosua, te tama a Nuno, ko mate; ka ko tusa ei mo te selau sefulu ona tausaga.

³⁰ Ne tanu ne latou a ia i luga eiloa i tena laukele i Timenata Sela i te fenua mauga o Efalaima, i te feitu ki matu o te mauga o Kaasa.

³¹I taimi ne ola ei a Iosua, a tino Isalaelu ne tavini eiloa ki te Aliki. I te mateatuga o Iosua, ne tumau eiloa te fakalogo o tino Isalaelu ki te Aliki i aso koi ola ei a takitaki kola ne kilo fakalei ki mea ne fai ne te Aliki mo tino Isalaelu.

³² A te foitino o Iosefa, tela ne aumai ne tino Isalaelu mai Aikupito, ne tanu i Sekema, i te laukele tela ne togi ne Iakopo mai tama tagata a Hamola, te tamana o Sekema, ki te selau tupe siliva. A te laukele tena e o tino i te gafa o Iosefa.

³³A Eleasalo te tama tagata a Alona ne mate kae ne tanu i Kipea, se fa'kai foliki i te fenua mauga o Efalaima, tela ne tuku ki tena tama tagata ko Fineaso.