Read Te Tusi Tapu I Te Gana Tuvalu Lomiga Lua TITO 1 Bible Online

TITO 1 - Te Tusi Tapu I Te Gana Tuvalu Lomiga Lua bible

TITO 1

¹Ko au ko Paulo te tavini a te Atua, kae se apositolo foki a Iesu Keliso. Ne kalagagina au kae uga atu o fakasalalau te fakatuanaki o tino filifilia a te Atua mō te lotou iloa tonu o te mea tonu, ko te mea ke amio faka‐Atua.

²A te fakamoemoega ki te ola se gata mai ko leva ne folafola mai ne te Atua tela e se mafai o loi,

³kae ne fakaasi mai ne ia tena muna i te taimi tonu eiloa. Ne tuku mai ki a au mo tona talitonu me fai eiloa ne au a te galuega nei, tenei ko folafola atu ne au i te fakatonuga a te Atua te tou Fakaola.

⁴Ko tusi atu au ki a koe e Tito, ko taku tama tonu i te fakatuanaki e tasi. Ke i a koe te alofa tauanoa mo te filemu mai te Atua te Tamana mo Keliso Iesu te tou Fakaola.

⁵Tena te pogai ne tuku ei koe ne au i Keleta, ko te mea ke fakatonu ne koe a mea se tonu, kae o tofi foki ne toeaina i fa'kai katoa, e pela eiloa mo taku fakatonuga ne fai atu ki a koe.

⁶A te toeaina o te Ekalesia e 'tau o amio 'lei, e 'tau foki mo ia o tokotasi tena avaga,[1] ka ko ana tamaliki e 'tau o talitonu ki te Atua, ke mo a ma taku latou ne tino mataola io me ofa tulafono.

⁷Me i te takitaki, se tavini a te Atua, e se 'tau mo ia o amio masei; e se 'tau foki mo ia o talia so se mea io me ita vave, io me kona, io me fakatupu masei, io me kaimanako.

⁸Kae 'tau o fai ne ia te alofa kaimalie, se tino e fiafia ki te 'lei, e 'tau o maua ne ia a te loto pulea, e fai mea tonu, e maua ne ia te olaga tapu, kae ke lava foki te puipuiga o te olaga 'lei.

⁹E 'tau mo ia o taofi mau ki te muna tonu, ko te mea ke mafai ne ia o akoako atu akoakoga tonu, ke fakatonu ei foki ne ia a akoakoga kola e 'teke ki te mea tonu.

¹⁰Me e tokouke a tino kola e 'teke kae fakaloiloi ne latou nisi i olotou akoakoga 'se, kae sili atu eiloa a latou ne o'mai mai i Iutaia.

¹¹E 'tau mo latou o se faipati, i te mea ko kosu valevale ne latou a kaiga katoa, i te akoako atu ke maua ne olotou mea, kae e seai se lotou saolotoga o akoako atu.

¹²E tokotasi a te pelofeta o latou ne fai mai, “A tino Keleta ne tino 'loi, ne manu ma'sei, ne tino ga'fula kae paie.”

¹³E tonu te molimau tenei. Tela la, ke 'teke malosi atu koutou ki a latou, ko te mea ke mafai latou o olo tonu i te fakatuanaki,

¹⁴ko te mea foki ke se toe taofi mau ki tala 'kai faka Iutaia io me ko te faka'logo ki fakatonuga a tino kola e 'teke ki te mea tonu.

¹⁵E 'ma mea katoa ki a latou kola e loto 'ma; kae e seai se mea e 'ma ki a latou kola e ma'sei kae se talitonu, me i olotou manatu mo mafaufauga ko oti ne fakama'sei.

¹⁶E molimau latou me e iloa ne latou te Atua, kae faka'fiti ki te Atua i olotou faifaiga; e inosia latou, e fakalogoga'ta, e se fetaui foki ki so se galuega 'lei.