Read Te Tusi Tapu I Te Gana Tuvalu Lomiga Lua EPELU 5 Bible Online

EPELU 5 - Te Tusi Tapu I Te Gana Tuvalu Lomiga Lua bible

EPELU 5

¹So se faitaulaga pule e filifilia mai tino, kae tofia foki o tavini atu ki te Atua mō latou. E ofo atu ne ia a meaalofa mo taulaga mō agasala.

²A ia foki se tino e vaivai i feitu e uke, kae e mafai eiloa ne ia o loto alofa ki tino amio va'lea kae fai mea 'se.

³Ona ko ia foki se tino e vaivai, e se 'tau mo ia o ofo atu fua a taulaga e fakamagalo ei agasala a nisi tino, kae e 'tau foki mo ia o ofo atu a taulaga e fakamagalo ei ana agasala.

⁴E seai se tino e filifili ne ia te 'malu ke fai ei a ia mo faitaulaga pule. Ko te kalaga fua a te Atua, e mafai ei ne se tino o fai mo faitaulaga pule, e pela eiloa mo te kalagagina o Alona.

⁵E pena foki eiloa a Keliso, ne seki filifili ne ia te 'malu ke fai ei a ia mo faitaulaga pule. Ka ko te Atua ne fai atu ki a ia penei: “A koe ko taku Tama; I te aso nei ko fai au mo ou Tamana.”

⁶Ne fai mai foki ana isi muna, “E fai koe mo faitaulaga ki te se gata mai, I te fakasologa o te tofi fakafaitaulaga o Mekisateko.”[4]

⁷I te olaga o Iesu i te lalolagi nei, ne 'talo kae fakatagi mo loimata ki te Atua, tela e mafai o fakasao ne ia a ia mai te mate. Ona ko tona loto malalo mo te tuku atu katoatoa, ne lagona ei ne te Atua tona leo.

⁸E ui eiloa i a ia ko te Tama a te Atua, kae ne tauloto ne ia a te olaga fakalogo muna e auala i ona puapuaga.

⁹Ne fai a ia mo mafuaga o te fakaolataga e se gata mai ki tino katoa kola e faka'logo ki a ia, ona ko tena 'lei katoatoa,

¹⁰kae ne folafola ne te Atua ke fai a ia mo faitaulaga pule i te fakasologa o te tofi fakafaitaulaga o Mekisateko.[5]

¹¹E uke a mea e fia fai atu ne matou e uiga ki te mea nei, kae e faigata o fakamatala atu, i te mea ko to tuai otou mafaufau o malamalama.

¹²Ne lava 'lei eiloa a te taimi ne 'tau ei koutou o fai mo faiakoga, kae nei koi ma'nako eiloa koutou ki se tino ke akoako atu ne ia ki a koutou a akoakoga kamata o te muna a te Atua. Ko tona uiga, ko 'tau koutou o 'kai ki meakai ma'keke, kae nei koi ma'nako eiloa koutou o inu susu.

¹³So se tino koi inu susu, koi tamaliki eiloa a ia, e se iloa foki ne ia a te 'lei mo te masei.

¹⁴A meakai makeke e mo tino ma'tua fua, kola ko oti ne akoako ke iloa ne latou o tami ki te kesekesega o te 'lei mo te masei.