Read Te Tusi Tapu I Te Gana Tuvalu Lomiga Lua 1 IOANE 1 Bible Online

1 IOANE 1 - Te Tusi Tapu I Te Gana Tuvalu Lomiga Lua bible

1 IOANE 1

¹Ko tusi atu matou ki a koutou e uiga ki te Muna o te ola, tela ko leva ne iai mai te kamataga: ko oti ne lagona ne matou, ko oti foki ne 'kilo omotou mata ki ei. E tonu, ko oti ne matea ne matou, ko oti foki ne pukepuke ki ei omotou lima.

²Ka fakaasi mai te ola, matea ei ne matou; tela la, ne faipati matou ki ei kae taku atu foki ki a koutou a te ola se gata mai, tela ne iai mo te Tamana, kae ne fakaasi mai ke iloa ne matou.

³Ko mea ko oti ne matea kae lagona ne matou, konei ko taku atu foki ne matou ki a koutou, ko te mea ke kau fakatasi koutou mo matou i te mafutaga mo te Tamana, pela foki mo tena Tama ko Iesu Keliso.

⁴Ko tusi atu ne matou a te mea nei, ko te mea[1] ke katoatoa te tou fiafia.

⁵Tenei te fekau ko oti ne lagona ne matou mai tena Tama, ka ko folafola atu foki ki a koutou: a te Atua ko te mainaga, kae e seai eiloa se pouliga i a ia.

⁶Tela la, kafai e fai ake tatou pela me mafuta tatou mo ia, ka ko tatou koi ola eiloa i te pouliga, ko tona uiga ko 'loi tatou i o'tou muna mo otou faiga.

⁷Kae kafai e ola tatou i te mainaga, e pela eiloa mo ia e nofo i te mainaga, ko tona uiga e fakatau mafuta fakatasi tatou, ka ko te toto o Iesu tena Tama, e faka'ma ne ia tatou mai i o'tou agasala katoa.

⁸Kafai e fai ake tatou pela me e seai ne o'tou agasala, ko fakase tatou ne tatou eiloa, e seai foki se mea tonu i loto i a tatou.

⁹Kae kafai e takutonu atu otou agasala ki te Atua, e fakamaoni a ia mo te amiotonu o fakamagalo ne ia otou agasala, kae faka'ma foki ne ia tatou mai i o'tou mea 'se katoa.

¹⁰Kafai e fai ake tatou pela i a tatou e seki agasala, ko taku faka'se ne tatou a te Atua, e se nofo foki tena muna i loto i a tatou.