Read Te Tusi Tapu I Te Gana Tuvalu Lomiga Lua 2 IOANE 1 Bible Online

2 IOANE 1 - Te Tusi Tapu I Te Gana Tuvalu Lomiga Lua bible

2 IOANE 1

¹Mai te Toeaina. Ko tusi atu au ki te Fafine Filifilia mo ana tama,[1] tela e alofa tonu au ki ei. E se ko au fua, kae pela foki a latou katoa kola e iloa ne latou a te mea tonu, ko a'lofa atu ki a koe,

²me e mautakitaki eiloa i a tatou a te mea tonu, kae ka tumau i a tatou ke oko ki te se gata mai.

³Ke tuku mai ki a tatou ne te Atua te Tamana mo Iesu Keliso, tela ko te Tama a te Tamana a te alofa tauanoa, te alofa 'nau, mo te filemu; ke fai ma tatou i te agaga o te mea tonu mo te alofa.

⁴Ko oko eiloa i toku fiafia me ko iloa ne au, me e isi eiloa ne otou tamaliki e ola i te mea tonu, e pela eiloa mo te fakatonu mai o te Tamana ki a tatou.

⁵Tela la, ko fai atu au penei e te Fafine Filifilia: ke fakatau a'lofa tatou. E se se fakatonuga fou tenei ko tusi atu ne au ki a koe; se fakatonuga eiloa ko leva ne iai mo tatou mai i te kamataga.

⁶A te alofa tenei, ko tona uiga ko te tautali ki fakatonuga a te Atua. Tenei te fakatonuga ne tuku atu ki a koutou mai i te kamataga, e 'tau koutou o ola katoa i te alofa.

⁷E tokouke a tino fakaloiloi tino ko oti ne olo atu ki te lalolagi, ko tino kola e se folafola atu ne latou i a Iesu Keliso ne fai mo tino ola kae mate. A te vaega tino pena se tino fakaloiloi tino, a ia foki se Fili o Keliso.

⁸Tela la, ke fakaeteete koutou, ko te mea ke mo a ma galo a te mea ne ga'lue koutou[2] ki ei, ka ke maua ne koutou a te taui katoatoa.

⁹So se tino e se tumau i akoakoga a Keliso, kae se fano tonu i ei, e se maua ne ia te Atua. So se tino e tumau i akoakoga a Keliso, e i a ia te Tamana mo te Tama.

¹⁰Tela la, kafai e isi se tino e vau ki a koutou, kae e se aumai ne ia te akoakoga tenei, ke se talia ne koutou a ia i otou fale; sa fakamanuia atu foki ki a ia penei, “Ke i a koe te filemu.”

¹¹So se tino o koutou e fakamanuia atu ki a ia, ka fai mo ona taugasoa i faiga o mea masei e fai ne ia.

¹²E uke a mea konei e fia taku atu ne au ki a koutou, kae e se 'tau mo au o tusi atu i se pepa mo se vaitusi; ka ko au e fakamoemoe o asiasi atu ke fai'pati faka'lei tatou ki ei, ko te mea ke katoatoa te fiafia o tatou.

¹³Ko alofa atu a tama a tou Taina Filifilia[3] ki a koe.