Read Te Tusi Tapu I Te Gana Tuvalu Lomiga Lua FAKAASIGA 6 Bible Online

FAKAASIGA 6 - Te Tusi Tapu I Te Gana Tuvalu Lomiga Lua bible

FAKAASIGA 6

¹Ne matea atu ne au a te Tama Mamoe ko Iesu ko 'tala ne ia a 'saiga muamua o fakamailoga e fitu; kae lagona atu foki ne au a te leo o te sua manu, e faipati i te leo pagulu, e pela eiloa mo se pa o te fa'tili: “Vau!”

²Kilo atu au matea ei ne au te solofanua kena. E isi se kausana mo te matasana a te tino tela e sopo i luga, ne tuku atu foki ki a ia a te foualiki. Ne fanatu a ia o tau e pela mo se tino e manumalo sale i taua.

³Ne 'tala ne te Tama Mamoe a te lua o fakamailoga; lagona ei foki ne au a te leo o te lua o manu e faipati penei: “Vau!”

⁴Ne vau ki tua a te sua solofanua, se solofanua kula. Ne tuku atu ki te tino e sopo i ei a te mana ke aumai ne ia a te taua ki te lalolagi, ko te mea ke fakatau'ta tino i a latou eiloa; ne tuku atu foki ki a ia te pelu lasi.

⁵Ne 'tala foki ne te Tama Mamoe a te tolu o fakamailoga; lagona atu foki a te leo o te tolu o manu e faipati penei: “Vau!” Ne kilo atu au, matea ei ne au te solofanua uli. A te tino e sopo i ei e puke i tena lima a te fua fakatautau.

⁶Lagona ei ne au a te mea e pela mo se leo e vau mai i manu e fa, e fai ake penei: “A te 'togi o te kuata pauna saito ko te 'togi tena o te tino galue i te aso. A te 'togi foki o te tolu kuata pauna kalite, ko te 'togi foki o te tino galue i te aso. E seai ne sinu olive mo uaina, tela la, e se mafai o 'togi atu!”

⁷Ne 'tala foki ne te Tama Mamoe a te fa o fakamailoga; lagona ei ne au a te fa o mea ola e fai ake penei: “Vau!”

⁸Ne kilo atu au, matea ei ne au te solofanua e lanu kenakena. A te igoa o te tino e sopo i ei ko te Mate, mo te Seoli[2] te koga o tino 'mate e tautali pili eiloa i ona tua. Ne tuku atu a te kuata o te lalolagi ke pule ne laua, ka ta ne laua ki te pelu, ki oge, ki famai, pela foki ki manu fekai o te lalolagi.

⁹Ne 'tala ne te Tama Mamoe a te lima o fakamailoga; matea ei ne au mai lalo o te fata faitaulaga a agaga o latou kola ne tamate, i te folafola atu ne latou te Muna a te Atua, kae ne fakamaoni foki ki te lotou molimau atu.

¹⁰Ne ka'laga mo te leo 'lasi penei: “Te Aliki tela e o ia te Malosi Katoatoa, e tapu kae tonu katoatoa! Ko afea, e fakamasino ei ne koe a tino o te lalolagi, kae fakasala latou ona ko te olotou tamatega i a matou?”

¹¹Ne tuku atu ki a latou ke tofu te tino mo te gatu kena; ne fai atu foki ki a latou ke tai malo'lo ake malie, ke oko ki te taimi e katoa ei te aofaki o olotou taina kelisiano kola ka tamate e pela mo latou.

¹²Ne matea foki ne au a te Tama Mamoe ko 'tala te ono o fakamailoga. Ne poko te mafuie fakamataku, pouli ei mo te la, e pela mo se laugatu uli, ka ko te masina ko kula e pela mo se toto;

¹³a fetu ne tatela ifo ki te lalolagi, e pela eiloa mo fuaga mati 'moto ko tatela ifo mai i te lakau manafai e agi ne se matagi malosi.

¹⁴A te lagi ko galo, e pela mo se pelugā tusi ko fetufetu, a mauga mo fenua ko fakama'siki katoa mai i koga ne 'tu i ei.

¹⁵Tela la, ko tupu o te lalolagi, ko pule mo takitaki o kautau, ko tino maumea mo tino sili, mo nisi tino ake, ne tino pologa mo tino saoloto, ko faka'lafi katoa a latou i ana o kaupapa i lalo o mauga.

¹⁶Ne ka'laga atu latou ki mauga mo kaupapa: “Ma'toli mai ki luga o matou, ke 'muni matou mai i mata o ia tela e nofo i te nofogaaliki, pela foki mo te kaitaua o te Tama Mamoe!

¹⁷Me ko oko mai nei a te aso lasi o te lotou fakasalaga, kae seai se tino e mafai ne ia o 'teke atu.”