Read Ыдыктыг Библия, 2011 Ездра 10 Bible Online

Ездра 10 - Ыдыктыг Библия, 2011 bible

Ездра 10

¹Эзра мөргүп, ол бачытты ажыы-биле миннип, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган.

²Ынчан Иехиилдиң оглу, Эламның үре-салгалының бирээзи Шехания Эзрага: «Бис Бурганывыска шынчы эвес болуп, долгандыр чурттап турар чоннар аразындан даштыкы кадайлар ап алган-дыр бис. Ындыг турбуже, израиль чонда идегел ам-даа бар.

³Ам мээң дээргимниң база Бурганывыстың айтыышкыннарын хүлээп көөр улустуң сүмезин ёзугаар ол кадайларывыстың шуптузун база олардан төрүттүнген ажы-төлдү боттарывыстан чорудуптар бооп, бистиң Бурганывыс-биле керээден чарып аалы. Ыдыктыг хоойлу ёзугаар болур болзун.

⁴Туруп келиңер, бо дээрге силерниң херээңер-дир. Бис силерни деткиир бис, кадыг-быжыг болуп, хөделип кириптиңер!» — дээн.

⁵Эзра туруп келгеш, Бурганның кол бараалгакчылары, левиттер болгаш бүгү израиль чонну олар Шеханияның саналын ёзугаар кылыр бооп даңгыраглаарынче албадапкан. Олар шупту даңгыраан берген.

⁶Эзра Бурганның өргээзиниң мурнундан чорупкаш, Элиашивтиң оглу Иохананның өрээлинге чедип келгеш, аңаа хонуп алган [16]. Ол аңаа аъш-чем-даа чивээн, суг-даа ишпээн, чүге дээрге туттуруушкундан чанып келген улустуң кемниг херээ дээш качыгдап ыглап турган.

⁷Иудея биле Иерусалимге туттуруушкундан ээп келген бүгү улус Иерусалимге чыглыр ужурлуг деп чарлаан.

⁸Бир эвес үш хүн эрткенде, келбейн баар кижи турар болза, дарга, баштыңнарның шиитпирин ёзугаар, ооң бүгү эт-хөреңгизин хавырар, а ол боду туттуруушкундан чанып келген улус аразындан үндүр сывыртадып аар.

⁹Иуда болгаш Вениаминниң аймактарының бүгү чурттакчылары үш хүн дургузунда Иерусалимге чыглып келген. Тос айның чээрбиде бүгү чон Бурганның өргээзиниң мурнунда шөлге ол херек ужун база чаъс ужун сириңейнип олурган.

¹⁰Бурганның бараалгакчызы Эзра туруп келгеш, чонга: «Даштыкы кадайлар ап алгаш, Бурганга шынчы эвес бооп, Израильдиң кем-буруузун көвүдеткен-дир силер.

¹¹Ам силерниң ада-өгбеңерниң Бурганы Дээрги-Чаяакчыны алдаржыдып, Ооң күзел-соруун күүседиңер: кожа чоннардан — даштыкы кадайларыңардан аңгыланып алыңар» — дээн.

¹²Бүгү ниитилел дыңзыдыр харыылаан: «Силернии шын-дыр. Чугаалааныңар ёзугаар кылыр бис.

¹³Ынчалза-даа мында хөй чон бар-дыр, чаъстаан үе-дир, даштыгаа турар аргавыс чогул. Бо херек база ийи-бир хүннүң херээ эвес-тир, чүге дээрге ындыг янзылыг бачыт үүлгеткен улус хөй болгай.

¹⁴Бистиң даргаларывыс бүгү ниитилелди төлээлеп, хөделип кирипсин. Бистиң хоорайларывыста даштыкы кадайлар ап алган бүгү улус боттарының хоорайларының баштыңнары болгаш шииткекчилери-биле кады Иерусалимче доктааткан үеде чедип келзин. Бурганывыстың ол херек дээш бисче кыптыккан килеңи бистен чайлай бергижеге чедир, улус ынчаар кылзын».

¹⁵(Чүгле Асаилдиң оглу Ионафан биле Тикваның оглу Яхзейя база оларны деткээн Мешуллам болгаш левит Шавтай олар ук саналга удурланган.)

¹⁶Туттуруушкундан ээп келген улус-чон санал ёзугаар кылган. Бурганның бараалгакчызы Эзра төрел салгалдар баштыңнарын, оларның төрел бөлүктерин ёзугаар, аттарын адап, томуйлап каан. Он айның бирээде олар бо херекти сайгарары-биле хуралдап олуруп алгаш,

¹⁷бир айның бирээде даштыкы кадайлар-биле өгленчип алган бүгү улуска хамаарыштыр хыналданы кылып дооскан.

¹⁸Бурганның бараалгакчыларының аразында даштыкы кадайлар-биле чурттап турган улус бо-дур. Иоседектиң оглу Иисустуң болгаш ооң ха-дуңмазының үре-салгалындан: Маасея, Элиезер, Иарив болгаш Гедалия.

¹⁹Олар боттарының кадайлары-биле чарлып аарын аазаан. Оон кем-буруузу дээш, кодан малында кошкарны өргүл кылдыр эккеп салган.

²⁰Иммерниң үре-салгалындан: Ананий биле Зевадия.

²¹Харимниң үре-салгалындан: Маасея, Илия, Шемайя, Иехиил болгаш Озия.

²²Пашхурнуң үре-салгалындан: Элиоенай, Маасея, Измаил, Нафанаил, Иегозавад болгаш Элеаса.

²³Левиттерден: Иегозавад, Шимей, Келайя (ооң Клита деп ады база бар турган), Петахия, Иуда болгаш Элиезер.

²⁴Ыраажылардан: Элиашив. Хаалгачылардан: Шаллум, Телем болгаш Урий.

²⁵Өске израильчилерниң аразындан даштыкы кадайлар-биле чурттап турган улус бо-дур. Пароштуң үре-салгалындан: Рамайя, Изия, Малхия, Миямин, Элеазар, Малхия болгаш Ванея.

²⁶Эламның үре-салгалындан: Маттания, Захария, Иехиил, Авдий, Иремот болгаш Илия.

²⁷Заттунуң үре-салгалындан: Элиоенай, Элиашив, Маттания, Иремот, Завад болгаш Азиза.

²⁸Бевайның үре-салгалындан: Иоханан, Анания, Заббай болгаш Афлай.

²⁹Баниниң үре-салгалындан: Мешуллам, Маллух, Адайя, Иашув, Шеал болгаш Иремот.

³⁰Пахат-Моавтың үре-салгалындан: Адна, Хелал, Ванея, Маасея, Маттания, Веселиил, Биннуй болгаш Манассия.

³¹Харимниң үре-салгалындан: Элиезер, Ишшия, Малхия, Шемайя, Симеон,

³²Вениамин, Маллух болгаш Шемария.

³³Хашумнуң үре-салгалындан: Мафнай, Мафафа, Завад, Элифелет, Иеремай, Манассия болгаш Шимей.

³⁴Баниниң үре-салгалындан: Маадай, Амрам, Уел,

³⁵Ванея, Бидья, Келуги,

³⁶Ванья, Меремот, Элиашив,

³⁷Маттания, Мафнай, Иаасай,

³⁸Бани, Биннуй, Шимей,

³⁹Шелемия, Нафан, Адайя,

⁴⁰Махнадбай, Шашай, Шарай,

⁴¹Азариил, Шелемиягу, Шемария,

⁴²Шаллум, Амария болгаш Иосиф.

⁴³Невонуң үре-салгалындан: Иеиел, Маттифия, Завад, Зевина, Иаддай, Иоил болгаш Ванея.

⁴⁴Ол улус шупту даштыкы кадайлар-биле чурттап турган. Оларның кадайларының чамдыызы ашактарынга ажы-төл божуп берген турган [17].