Read Ыдыктыг Библия, 2011 Иов 17 Bible Online

Иов 17 - Ыдыктыг Библия, 2011 bible

Иов 17

¹«Мээң тыныжым үстүр четкен, назыным төнер деп барган, чевег мени манап чыдар.

²Долгандыр — чүгле кочуургактар, оларның дорамчылалындан карактарым шимдинмес-тир.

³Бурганым, меңээ Бодуң болчуп көрем — мен дээш оон өске кым дагдынарыл?

⁴Бо улустуң чүрээн чүве билип албас кылып каан-дыр сен, ынчангаш оларга ажып тиилээр арга бербес сен.

⁵Бодунуң ажык-кончаазы дээш эжин садыптарынга белен кижиниң [26] ажы-төлүнүң карактары имистелип өжер.

⁶Бурган мени өскелерге кочу-шоот, улуска арнынче дүкпүртүр кижи кылып кагды.

⁷Качыгдалдан карактарым шоозу өжүп калган, мага-бодум хөлеге дег апарган.

⁸Чөптүг улус ол бүгүнү көргеш, аңгадаар, буруу чоктар Бургандан ойталааннарга хорадаар.

⁹Чөптүг-шынныг кижи оруундан өскээр барбас, холдары арыг кижи улам-на быжыгар.

¹⁰Силер шупту бээр келиңер, араңардан мерген угаан тыппас-тыр мен!

¹¹Мээң чуртталгам эрте берген, идегелим буурап калган, чүрээмниң күзелдери өлүг.

¹²Бо улус дүннү „хүн-дүр“ деп мегелеп: „Чырык чоокта-дыр“ — деп тур, а долгандыр — дүмбей.

¹³Идегээр мен бе, мээң бажыңым өлүглер оранында-дыр, дөжээмни дүмбей караңгыда чадып аар мен;

¹⁴чевегге: „Ачам сен“, курттарга: „Авам сен, угбам сен“ — дээр мен.

¹⁵Идегелим черле бар бе? Мээң идегээн чүүлүмнү кым көрүп шыдаарыл?

¹⁶Ол өлүглер оранының хаалгазынче бада бээр, Мээң-биле кады черге чыдып аар».