Read Ыдыктыг Библия, 2011 Иов 22 Bible Online

Иов 22 - Ыдыктыг Библия, 2011 bible

Иов 22

¹Теман чурттуг Элифаз мынча деп харыылаан:

²«Бурганга кижиниң ажыы бар бе? Эң угаанныг кижи безин Аңаа кандыг дузалыгыл? [37]

³Сээң чөптүг-шынныг чорууңдан Бурганга кандыг өөрүшкү турарыл? Оруктарың кем-буруу чогу Аңаа ажыктыг бе?

⁴Бурган сени Оон коргарың дээш чемелээр бе, сээң-биле ол дээш чаргылдажыр бе?

⁵Ындыг эвес! Сээң бузут-багың аажок улуг-дур, кемниг херектериң төнчү чогу ол-дур.

⁶Ха-дуңмаңдан долааны хереглевейн-даа тургаш, негеп, улустуң эң сөөлгү хевин уштуп ап турдуң;

⁷кагып-суксаан кижиге суг ижиртпедиң, аштаан кижиге аъш-чем бээринден ойталадың.

⁸Черни күш-шыдалдыг кижи ээлеп алган-дыр! Ында хүндүткелдиг кижи чурттап турар-дыр! [38]

⁹Дулгуяк херээженнерни хол куруг чорудуп, өскүстерни дарлап турдуң.

¹⁰Ынчангаш Бурган сени долгандыр какпа-дузак салып каан, хенертен келген коргуушкун сени девидеткен;

¹¹карактарың караңгы дуглап, элбек суглар сени хөме апкан.

¹²Бурган бедик дээрде чурттап турар эвес бе? Сылдыстарже көрүп көр, оларның бедиин!

¹³А сен: „Бурган чүнү билирил? Дүмбей өттүр Ол улусту шиидип шыдаар бе?

¹⁴Булуттар Ону чажырып алган, Ол бисти көрбейн, чүгле дээрниң дээвиирин кырлап чоруп турар-дыр“ — дээр-дир сен.

¹⁵Таанда-ла сен бузуттуг-бак улустуң изеп кааны эрте-бурунгу орукту истевишаан сен бе?

¹⁶Олар өйү келбээнде узуткаттырып алган, оларны шапкын агым аппарган болгай.

¹⁷Олар Бурганга: „Ыңай бар! Бурган бисти канчаптарыл? [39]“ — деп турган.

¹⁸А Бурган оларның бажыңнарын эт-хөреңги-биле долдуруп турган. Бузуттугларның бодалдары менден ырап чорзун!

¹⁹Чөптүг-шынныг улус оларның буураанын көргеш, өөрүүр, кем-буруу чок кижи оларны кыжырып:

²⁰„Бистиң дайзыннарывыс кырдырып алды. От оларның эт-хөреңгизин артынчы чокка чипти!“ — дижир.

²¹Бурган-биле эптежип ал — тайбыңчыыр сен, ачы-буян сеңээ ынчан чедип кээр.

²²Ооң аксындан үнген сургаалды хүлээп ал, Ооң сөстерин чүрээңге кадагала.

²³Күчүлүг Бурганче эглип келзиңзе, чедиишкинниг болур сен; чүгле аалыңдан бузут-бакты үндүр сывырывыт,

²⁴алдынны довурак деп сана, Офирниң арыг алдынын хем сайы деп сана;

²⁵Күчүлүг Бурган сээң алдының апарзын, Ол сеңээ кылаңнааш мөңгүн апарзын —

²⁶ынчан Күчүлүг Бурганга хамааржырың дээш таалал алыр сен, Ооң мурнунга арыг арын-нүүрлүг туруп шыдаар сен;

²⁷Сээң мөргүлүңнү Ол дыңнап каар, а сен даңгырактарың күүседир сен;

²⁸канчалдыр бодап алган сен, ынчалдыр боттаныр, сээң орууңга чырык чырып кээр.

²⁹Базындырган кижи турар болза, „Көдүрүп көрем!“ дээриңге, куду көрдүрген улусту Ол камгалаар.

³⁰Буруулуг кижини безин Бурган камгалаар, чүге дээрге сээң холуң арыг апарган-дыр».