Read Ыдыктыг Библия, 2011 Иов 37 Bible Online

Иов 37 - Ыдыктыг Библия, 2011 bible

Иов 37

¹«Ол бүгүден мээң чүрээм согуу тиккиңейнип, хөректен ушта халый бер чазып тур.

²Дыңнаңар, Ооң аажок дыңзыг үнүн дыңнаңар, Ооң аксындан диңмирээшкиннер киңгиреп тур!

³Бүгү дээр адаанда Ол чыжырадыр дагжап тур, чаңныктар чер-делегейниң ужу-кыдыында чедип тур.

⁴Ооң үнү чаңныктар соондан диңмиреп, өндүрү-биле чыжырт кыннып тур. Ол Бодунуң үнүн кошкатпас-тыр, бүгү улус ону дыңнап тур.

⁵Бурганның үнүнүң диңмирээри кайгамчык-тыр! Ооң ажыл-херектери өндүр улуг — бис билип шыдавас бис.

⁶Харга Ол: „Черже бада бер“ — дээр, күштүг чаъс-чайыкка база дужаал бээр.

⁷Ол кижи бүрүзүнүң ажыл-ижин соксадып каар, бүгү улус Ооң кылган үүле-херээн билип алзын.

⁸Ынчан аң-мең үңгүрлеринче кире бээр, ижээннеринче барып чыдып аар.

⁹Шуурган бодунуң чажыт ордузундан үнүп кээр, күштүг хаттар соокту эккээр [67];

¹⁰Бурганның тыныжы дошту тывылдырар, хостуг аккан суг доңа бээр.

¹¹Ол булуттарны суг-биле долдуруп, кызаңнааштарын булуттардан шывадаар.

¹²Булуттар Бурганның күзел-соруун боттандырып, ээргииштелип, көжүп-шимчеп турар, бүгү чер-делегейни эргилдир Ооң дужааган чүвезин күүседип турар;

¹³олар Бурганның чаяап каан черинче чедип кээп, бирде кеземчени, бирде энерелди эккеп турар.

¹⁴Иов, бо бүгүнү дыңнап, доктаап көр, Бурганның кайгамчык херектериниң дугайында бодан!

¹⁵Бурганның булуттарны канчаар башкарып турарын, Бодунуң булудун чаңнык-биле канчаар чырыдарын билир сен бе?

¹⁶Булуттарның турум салдап чоруурун билир сен бе? Ооң билии четче-долу, ажыл-херектери кайгамчык!

¹⁷Изиг хат черни даамчырадыптарга, бодунуң хевинден изиргенип турар анаа кижи-дир сен —

¹⁸шуткуп каан хүлер көрүнчүк дег кадыг-быжыг дээрлерни Бурганга дузалап, чада салган сен бе?

¹⁹Аңаа чүнү чугаалаарын биске өөредип каг, бүдүүлүк, караңгы-дыр бис, чаргывыс илередип шыдавас-тыр бис!

²⁰Бурган-биле чугаалажыр деп турарымны Аңаа дамчыдар бе? Кым бодунга өлүм күзээр боор?!

²¹Булуттарны хат тарадыр сывырыптарга, дээрге оларны өттүр чырып кээр хүнче кым удур көрүп шыдаарыл? [68]

²²Соңгу чүктен алдынналчак чайын чырып кээр, Бурганның коргунчуг өндүр чырыы ол-дур.

²³Күчүлүг Бурганче чедип шыдавас бис, Ооң күчү-күжү өндүр улуг, Ооң чөптүг шииткели долу, Ол кымны-даа дарлавас.

²⁴Ынчангаш улус Оон коргуп чорзун; Ол мерген угаанныг дирткеннерже сагыш салбас».