Read Ыдыктыг Библия, 2011 Псалтирь 24 Bible Online

Псалтирь 24 - Ыдыктыг Библия, 2011 bible

Псалтирь 24

¹Дээрги-Чаяакчы, сеткил-сагыжымдан Сеңээ мөргүп тур мен;

²Бурганым, Сеңээ ынанып тур мен. Адым баксыравазын, дайзыннарым мени ажып тиилевезин;

³Сеңээ идегээр улустуң база ады баксыравазын, хей черге өскерлип турар улус харын бак атка кирзин.

⁴Дээрги-Чаяакчы, оруктарың меңээ айтып бер, эртер оруктарыңга мени өөрет.

⁵Сээң шыныңче мени эдертип, өөредип көр, мени камгалаар Бурганым болгай сен, хүннүң-не Сеңээ идегээр-дир мен.

⁶Дээрги-Чаяакчы, ээ хайыралың, энерелиң бода, олар кезээ мөңгеде бар болгай.

⁷Аныяк шаамның бачыттарын, кемниг херектерин сагынма, Дээрги-Чаяакчы, ачы-буянныың болгаш энерелдииң-биле мени бода!

⁸Дээрги-Чаяакчы ачылыг база чөптүг болгаш, бачыттыгларга орук айтыр;

⁹биче сеткилдиг улусту шын чурттаар кылдыр сургап, Бодунуң оруктарынга өөредир.

¹⁰Дээрги-Чаяакчының бүгү оруктары — Ооң чагыг-керээзи биле дүрүм-хоойлузун сагып чоруур улуска шынчы энерел ол-дур.

¹¹Дээрги-Чаяакчы, Бодуңнуң ат-алдарыңны бодааш, мээң бачыдымны өршээ — бачыдым аажок улуг болгай.

¹²Дээрги-Чаяакчыдан коргар кижиге Ол кандыг орукту шилип алырын айтып бээр.

¹³Шак ол кижиниң амыдыралы буян көрүп эртер, а үре-салгалы чер-чуртту салгап алыр.

¹⁴Дээрги-Чаяакчыдан коргар улуска Ол арга-сүмезин бээр, оларга Бодунуң чагыг-керээзин ажыдар.

¹⁵Мээң карактарым кезээде Дээрги-Чаяакчыже көрүп турар, Ол мээң буттарымны какпа-дузактан адырып турар болгай.

¹⁶Көрүжүңнү менче углап, менче ээ көрнүп көр, чааскаанзырап, базындырып чор мен.

¹⁷Чүрээмниң качыгдалы немежип тур, айыыл-халавымдан мени адырып көр;

¹⁸хинчектенип, харыксыраанымны көрүп көр, бүгү бачыттарымны өршээ.

¹⁹Дайзыннарымче көрүп көр — оларның көвүдээнин, мени көөр хөңнү чок улустуң каржы-дошкунун!

²⁰Амы-тынымны кадагалап, айыылдан адыр. Бак атка кирбес болуйн — хоргадалым Сенде болгай.

²¹Эки мөзүм биле чөптүүм мени кадагалазын — ынаныжым Сенде болгай.

²²Бурганым, шупту айыыл-халаптардан Израильди адырып хоста!