Read Ыдыктыг Библия, 2011 Псалтирь 37 Bible Online

Псалтирь 37 - Ыдыктыг Библия, 2011 bible

Псалтирь 37

¹Мизмор-ыр. Давидтии. Сагындырыг кылдыр күүседир. [1]

²Дээрги-Чаяакчы, килеңнээниңде, мени сойгалава, хорадааныңда, мени кезетпе.

³Сээң согуннарың менче кадалган, Сээң холуң меңээ аарышкындыр дегген болгай.

⁴Сээң килеңиңден мага-бодумда кадык чер артпаан, бачыттарым ужун ишти-хөңнүмде оожургал чок.

⁵Кем-буруум бажым ашкан, аар чүък дег, олар мени базып алган.

⁶Сээдеңимден балыгларым ирип-чыдып, ириңнелген.

⁷Бүшкүйүп, бүгү бодум халая бердим, хүннү бадыр хөлүе берген чоруп тур мен;

⁸ишти-хырным изип-кыпкан, мага-бодумда кадык чер чок.

⁹Харыксырап, кошкай бердим, ундаралым угдунмас-тыр, хөрек-чүрээм хилинчээнден алгы-кышкым кедереп тур.

¹⁰Дээрги, күзээн чүүлүм шуптузу Сеңээ билдингир-дир, уё-човуурум-даа Сеңээ чажыт эвес болгай.

¹¹Чүрээм согуу шапкыланган, күжүм мени каапкаш барган, карактарым оду өжүп калган.

¹²Айыылга таваржырымга, ынак өөрүм ырай берген — чоок улузум ырадыр туруп алган.

¹³Амы-тыным үзүксээннер какпа-дузаан меңээ салды; меңээ хора күзээн улус өлүм оштаан сөстер сөглеп, хүннү бадыр нүгүлдеп тур.

¹⁴А мен хөөкүй, дүлейлээн дег — дыңнавайн, үнүм чок дег — аксым ашпайн турар-дыр мен.

¹⁵Дыңнавастаан, харыылаптар аксы-сөзү чок кижи ышкаш болу бердим;

¹⁶идегелим чүгле Сенде, Дээрги-Чаяакчы, Сен-не меңээ харыылаар сен, Дээрги Бурганым!

¹⁷«Дайзыннарым мени көргеш, өөрбезин, будум тая бээр орта, мени куду көрбезин» — деп чугааладым.

¹⁸Тайып ужар чеде бердим, аарышкым үргүлчү-ле бодалымда.

¹⁹Кем-буруумну миннип, бачыдым дээш муңгарап тур мен.

²⁰А амы-тынымны үзүксээр улус күш кирип, сегереп тур, мени чылдагаан чокка көрбес улус өзүп-көвүдеп тур.

²¹Мээң буянымга бузут-биле харыылаар улус буянче чүткүлүм дээш меңээ өжээргеп тур.

²²Мени кагбайн көр, Дээрги-Чаяакчы, менден ыравайн көр, Бурганым.

²³Дүрген меңээ дузалап кел, Дээргим, Камгалакчым!