Read Ыдыктыг Библия, 2011 Псалтирь 38 Bible Online

Псалтирь 38 - Ыдыктыг Библия, 2011 bible

Псалтирь 38

¹Хөгжүм башкарыкчызынга. Идифунга. Мизмор-ыр. Давидтии. [1]

²«Оруктарымга оваарымчалыг болуйн: аксы-дылым-биле бачыт үүлгетпээйн, бузуттуг улус чанымга турда, дылым тыртып ап чорууйн» — деп чугааландым.

³Эки чүүл дугайында безин ыыттавастай бердим, ындыг турбуже, аарышкым дендей берди.

⁴Иштимде сеткил-чүрээм кыптыкты, угаан-бодалымда от өөскүдү. Чугаа-сөзүм ам-на үнүп келди:

⁵Дээрги-Чаяакчы, төнчүм кээрин айтып берем, өлүр өйүм, өйлеп-хемчээн назынымны билип алыйн — амыдырап артар үем кайы хирел?

⁶Бо-дур, меңээ сөөм хире чурттаар өйнү хемчээп бердиң, Сээң мурнуңга назы-харым чүү-даа эвес-тир. Шынап-ла, чурттап чоруур кандыг-даа кижи — хей-бус-тур! Сэла

⁷Шынап-ла, кижи амытанның көжүп чорууру хөлеге дег, хөлзеп чорууру хей-бус дег; эртине-байлакты чыып алыр, а кым ону олчалап аарын эки билбес.

⁸А ам кымга ынаныр мен, Дээргим? Идегелим — чүгле Сенде!

⁹Шупту кем-буруумдан мени адыр, сээдең кижиге, базындырзын дээш, хүлээдип бербе.

¹⁰Үнүм үнместеп, аксымны-даа ажытпайн чоруур-дур мен. Ол бүгүнү Сен ынчаар кылып кагдың.

¹¹Шаажылаан согугларың менден чайлат, күштүг холуң мени чидир согар четти.

¹²Сен кем-буруулуг кижини сойгалап, кезедир сен — ооң таалал алыр чүүлү, үзүтке чирткен дег, тоглай бээр. Кандыг-даа кижи — чүгле хей-бус-тур! Сэла

¹³Дээрги-Чаяакчы, мөргүлүмнү дыңна, дуза дилээн алгымче кичээнгейден сал, караам чажын көргеш, ыыттавайн барба — бүгү ада-өгбем дег, Сээң чериңге түр када турумчуп алган көшкүн кижи мен.

¹⁴Килеңиң менден чайладып көр — өске оранче чоруп, чок апаарым бетинде, сеткилим өөрүзүн.