Read Ыдыктыг Библия, 2011 Псалтирь 39 Bible Online

Псалтирь 39 - Ыдыктыг Библия, 2011 bible

Псалтирь 39

¹Хөгжүм башкарыкчызынга. Давидтии. Мизмор-ыр. [1]

²Дээрги-Чаяакчыга идегелим быжыг турду, Ол менче ээккеш, дуза дилээн кыйгымны дыңнап каан.

³Ол мени коргунчуг тамыдан, чиндиңнээштен ужулгаш, буттарымны быжыг үндезинге тургузуп, таваңгайымны быжыктырып каан;

⁴Ол мээң аксымга чаа ырны — Бурганывысты мактаан йөрээлди ырлаар арганы берген. Хөй улус мени көргеш, Дээрги-Чаяакчыдан коргуп, Аңаа идегеп эгелээр.

⁵Туразы улуг, мегеже чайгылар улусче [31] көрүнмес, Дээрги-Чаяакчыга ынаныр кижи амыр-чыргалдыг.

⁶Дээрги-Чаяакчы, Бурганым, кайгамчык чүүлдерни хөйү-биле кылган сен! Бисти бодап кээр деп чүвеңни! Сээң-биле эннежир кым-даа чок. Ол бүгүнү медээлеп чугаалаар мен, кайгамчык ажыл-херектериң санап четпес хөй-дүр.

⁷Өргүлдерим биле белектеримни күзеведиң, бүрүн өрттедир өргүлдерни-даа, бачыт дээш өргүлдерни-даа негеведиң, а кулактарымны ажыдып бердиң.

⁸Ынчан мынча деп чугааладым: «Бо-дур мен, кел чыдыр мен, ыдыктыг дүрүг-номда чүнү кылырымны бижээн болгай.

⁹Бурганым, тура-сорууңну күүседир күзелдиг мен, Сээң ыдыктыг хоойлуң — мээң чүрээмде».

¹⁰Сээң чөптүүңнү аажок хөй улус чыылган черге медээлеп турдум, аксым черле хагбас дээн мен. А Сен ону билир сен, Дээрги-Чаяакчы.

¹¹Сээң чөптүүңнү чүрээмге чажырып чорбаан мен, Сээң шынныың биле камгалалыңны чугаалап турган мен, Сээң шынчың биле энерелиңни хөй чон мурнунга чажырбаан мен.

¹²Дээрги-Чаяакчы, ачы-дузаң мени черле кагбазын; Сээң шынчың биле энерелиң мени кезээде кадагалазын.

¹³Санап четпес айыыл-халап мени бүргей берди, бузуттарым мени сүрүп келди, ынчангаш ам көрүп безин шыдавастадым — олар мээң бажымда дүктерден-даа хөй-дүр, эр соруум чидириптим.

¹⁴Дээрги-Чаяакчы, менче ээ көрүн, мени камгала; дүрген меңээ дузалап кел.

¹⁵Мени өлүрер чүткүлдүг бүгү улус бак атка кирип, ыядып човазын. Меңээ багай чүве күзээн улус дедир дезип, кочу-шоотка кирзин.

¹⁶Мени «Таптыын, ол боор!» деп турар улус бак атка киргеш, аймааразын.

¹⁷А Сенче чүткээн бүгү улус Сен дээш өөрүп-хөглезин; Сенден кээр камгалалга ынак улус: «Дээрги-Чаяакчы өндүр улуг!» — деп үргүлчү чугаалап чорзун.

¹⁸А мен чөгенчиг күжүр мен, Дээргим мен дээш сагыш човазын. Меңээ дузалап турар Камгалакчым — Сен-дир сен. Бурганым, саадавайн көр!