Read Ыдыктыг Библия, 2011 Псалтирь 45 Bible Online

Псалтирь 45 - Ыдыктыг Библия, 2011 bible

Псалтирь 45

¹Хөгжүм башкарыкчызынга. Корахтың оолдарыныы. Аламот деп аян-биле үдээр ыр. [1]

²Бурган — бистиң хоргадалывыс болгаш күчү-күжүвүс, айыыл-халаптар үезинде албан кээр дузавыс.

³Ынчангаш бис, чер-даа шимчээр болза азы даглар-даа далайларның ханызынче дүжүп бадар болза, кортпас бис.

⁴Далайлар-даа шимээргеп, чалгыыр болза; даглар-даа, суглар көдүрлүп турда, сирилээр болза, кортпас бис! Сэла

⁵Хемниң агымнары Бурганның хоорайын — Дээди Өрүкүнүң ыдыктыг оран-савазын хөгледип тур.

⁶Бурган Бодунуң хоорайының иштинде турар: хоорай ам тендиш дивес, Бурган аңаа даңгаар эртен дузалаар.

⁷Чоннар коргуп шимээргеп тур, күрүнелер тендиңейнип тур; Бурган алгырарга, чер кыры эстип каар.

⁸Аг-шериглиг Дээрги-Чаяакчы бистиң-биле кады-дыр, Израильдиң Бурганы — бистиң шивээвис-тир. Сэла

⁹Дээрги-Чаяакчының ажыл-херектерин көрүңерем — чер-делегейге кайы хире кайгамчык чүүлдерни кылган-дыр [35].

¹⁰Чер-делегейниң бүгү кыдыгларынга чаа-дайыннарны Ол соксадып: ча биле чыданы сый тыртып, дайынчы тергелерни от-биле өрттедип тур.

¹¹«Оожургап, соксаңар, Мени Бурган деп билип алыңар, Мен чоннар аразынга, чер-делегей кырынга кымдан арттыр мактадыр мен».

¹²Аг-шериглиг Дээрги-Чаяакчы бистиң-биле кады-дыр, Израильдиң Бурганы — бистиң шивээвис-тир. Сэла