Read Ыдыктыг Библия, 2011 Псалтирь 50 Bible Online

Псалтирь 50 - Ыдыктыг Библия, 2011 bible

Псалтирь 50

¹Хөгжүм башкарыкчызынга. Мизмор-ыр. Давидтии. Давид Вирсавия-биле холбажыпкан соонда, Нафан медээчиниң Давидке кээп чораан үезинге хамааржыр. [1-2]

³Энерелдииң-биле мени өршээ, Бурганым, эгээртинмес ээ-хайыраң-биле кемниг херектерим балап каавыт.

⁴Кем-буруумдан мени шуут-ла чуп каавыт, бачыдымдан мени арыгла.

⁵Кемниг херектерим миннип тур мен, бачыттарым үргүлчү-ле бодалымдан үнмейн тур.

⁶Сеңээ, чүгле чаңгыс Сеңээ удур бачыт кылдым, Сээң бузуттуг деп көөр чүвеңни үүлгеттим. Буруудадып турган сөстериңни шынныг дээр мен, шииткелиңни үндүргеш-даа, шынныг боор сен.

⁷Боттанып келген үемден бээр бузуттуг мен, ием мени божуурда-ла, бачыттыг мен.

⁸Алыс шын ишти-хөңнүмнү бүргеп аарын күзеп тур сен, мерген угааныңны сеткилимге ажыдып тур сен.

⁹Иссоп-биле [42] мени бызай чажам — бачыдымдан арыгланыйн; мени чуп каг — хардан аккыр болу берейн.

¹⁰Сеңээ чылча бастырган мага-бодум өөрүүр кылдыр, өөрүшкү-хөг ыыдын дыңнаар аргадан бер.

¹¹Бачыттарымны тооп көрбе, бузуттарым дөгерезин балап каавыт.

¹²Бурганым, арыг чүректен чаяап бер, ишти-хөңнүмнү туруштуг кылдыр чаартып каг.

¹³Мени Бодуңдан ыңайлатпа, Ыдыктыг Сүлдеңни менден дедир алба.

¹⁴Сээң берген камгалалың дээш өөрүшкүмнү эгит, меңээ арыг чаагай сеткилди хайырла.

¹⁵Бачыттыгларны Сээң изиң истээринге өөредир мен — удурланыкчыларың Сенче эглип кээрлер.

¹⁶Өлүрүүшкүн дээш буруудан мени адыр, Камгалакчы Бурганым, агартыышкыныңны алгап ырлаар мен.

¹⁷Дээрги, аксымны ажыдып бер: дылым Сени алгап-мактазын.

¹⁸Өргүлүм Сеңээ таарымчалыг эвес болгай, оон башка ону Сеңээ салгай эртик мен — бүрүн өрттеткен өргүлдү күзевейн тур сен.

¹⁹Бурганга салган өргүлүм — багын миннип, муңгараан сеткилим — Сен-не ону тооп көөр боор сен, Бурганым.

²⁰Сионче ээ көрнүп, ачы-буяның хайырла, Дээрги-Чаяакчы, Иерусалимниң ханаларын база катап тудуп үндүр.

²¹Ынчан шынныг, бүрүн өрттеткен өргүлдер Сеңээ таарымчалыг апаар; ынчан Сеңээ өргүл салыр бедигээшче бугажыктарны улус эккеп салыр.