Read Ыдыктыг Библия, 2011 Псалтирь 56 Bible Online

Псалтирь 56 - Ыдыктыг Библия, 2011 bible

Псалтирь 56

¹Хөгжүм башкарыкчызынга. «Узуткава» деп аялга үдээр. Давидтии. Миктам-ыр. Давидтиң Саулдан куйже дезе бергени үеге хамааржыр. [1]

²Менче ээ көрнүп көр, Бурганым, мени өршээп көр, сеткилим Сеңээ идегеп чор, айыыл-халап эрткижеге чедир, Сээң чалгыннарың адаанга хоргадаар мен.

³Дээди Өрүкү Бурганны кыйгырар мен, Ол мээң өжээним негеп бээр [44];

⁴Ол менче дээрлерден дуза бадырып, камгалаар, мени чылча базар дээн кижини чемелеп кончуур. Сэла Бурган меңээ шынчы чоруу биле энерелин бадырып бээр.

⁵Мен — арзылаңнар аразында мен, кижи эъди чиир араатаннар аразында чыдыр мен, оларның диштери чыдалар биле согуннар дег, а дылдары чидиг хылыш-ла.

⁶Бурганым, дээрлерден-даа бедидир көдүртүп, мактат, Сээң алдарың бүгү чер-делегей кырынга чайынналзын!

⁷Дайзыннарым буттарымга какпа салып каан, ырмам сыккан; мээң оруумга оңгар каскаш, боттары ынаар караш дээн. Сэла

⁸Бурганым, мээң чүрээм быжыг соруктуг, чүрээм быжыг соруктуг: Сени алгап ырлап, алдаржыдар мен.

⁹Сеткилим оттуп келзин! Чанзы биле чадаган, одунуңар! Эртенги хаяаны оттурайн!

¹⁰Дээрги, мен Сени чоннар аразынга мактаар мен, аймактар аразынга алгап ырлаар мен.

¹¹Сээң энерелиң дээрлерге чедип турар, Сээң шынчы чорууң булуттарга үзүп турар.

¹²Бурганым, дээрлерден-даа бедидир көдүртүп, мактат, Сээң алдарың бүгү чер-делегей кырынга чайынналзын!