Read Ыдыктыг Библия, 2011 Псалтирь 61 Bible Online

Псалтирь 61 - Ыдыктыг Библия, 2011 bible

Псалтирь 61

¹Хөгжүм башкарыкчызынга. Идифунга. Мизмор-ыр. Давидтии. [1]

²Сеткилимни чүгле Бурган оожургадыр, камгалалым чүгле Оон кээр.

³Чүгле Ол — мээң чалым-хаям, камгалалым, быжыг шивээм — кажан-даа тендиш дивес мен.

⁴Чежеге дээр силер шупту улусче, өлүрер дээш, халдаар силер? Бустур четкен хана азы ийлени берген херим дег-дир мен.

⁵Дайзыннар мени бедик черден дүжүр октаар бодап, мегезинге сеткили ханып турар — аксы-сөзү-биле алгап-йөрээр, а ишти-хөңнүнде — каргаар. Сэла

⁶Сеткилим оожургалды чүгле Бургандан алзын, идегелим чүгле Оон кээр.

⁷Чүгле Ол — быжыг шивээм, камгалалым, чалым-хаям — черле тендиш дивес мен.

⁸Алдар-адым-даа, камгалалым-даа Бургандан кээр; Ол — меңээ күш хайырлаар хая, Ол — мээң хоргадалым!

⁹Улус-чон, кандыг-даа үеде Аңаа идегеңер, сеткил-чүрээңерни Аңаа ажыдып, мөргүңер — Бурган бистиң хоргадалывыс-тыр. Сэла

¹⁰Кижи төрелгетен — чүгле хей-бус-тур, бүгү улус — чүгле авыяас-меге-дир; олар шупту деңзи караан чая баспас, агаар-хейден чиик болур.

¹¹Үптээшкинге идегевеңер, оор-суук кылып, дээрбедээш, идээргевеңер; байый берзиңерзе, сеткилиңер байлакшылга алыспас болзун.

¹²Бурган меңээ бир чүве чугаалаарга, оон ийи түңнел үндүрүп алган мен: күчү-күш — Бурганда,

¹³энерел — Сенде, Дээрги; Сен кижини кылган ажыл-херээ дээш шаңнаар азы кезедир сен.