Read Ыдыктыг Библия, 2011 Псалтирь 65 Bible Online

Псалтирь 65 - Ыдыктыг Библия, 2011 bible

Псалтирь 65

¹Хөгжүм башкарыкчызынга. Мизмор-ыр. Бүгү чер-делегей, Дээрги-Чаяакчыны алгап ырла!

²Ооң адын алдаржыдып ырлаңар, Ону алгап-мактаңар!

³Бурганга мынча деп чугаалаңар: «Сээң ажыл-херектериңниң сүрээденчиин! Күчү-күжүң өндүр улуг боорга, дайзыннарың Сеңээ чашпаалаар апаар.

⁴Бүгү чер-делегей Сеңээ мөгейзин, Сени алгап ырлазын, Сээң адыңны алгап ырлазын!» Сэла

⁵Шупту чедип келиңер, Бурганның ажыл-херектериниң кижи төрелгетенге сүрээденчиин көрүңер.

⁶Дээрги-Чаяакчы далайны кургаг чер кылдыр хуулдурупту — Ооң улузу хемни кеже кылаштай берди, аңаа Ол дээш өөрүп-хөглеп турган бис.

⁷Ол Бодунуң күчү-күжү-биле кезээ мөңгеде чагырар. Аңаа удур тура халаан улус көдүрүлбезин дээш, Ол бүгү чоннарны хайгаарап көрүп турар. Сэла

⁸Өске чоннар, бистиң Бурганывысты алгап-йөрээңер, алдар-макталды Аңаа ыыткыр чугаалаңар.

⁹Ол бистиң амы-тынывысты кадагалаан, будувусту тендиш диртпээн.

¹⁰Бурган, бисти шенеп көрген сен, мөңгүннү арыглаар дээш эзилдирери дег, арыглап каан сен.

¹¹Сен бисти дузакка туттурдуң, оорга-мойнувуска аар-берге чүъктү чүктедип кагдың;

¹²бисти өске улуска бастырттың. Бис өрт биле үер өттүр эрттивис, а оон Сен бисти элбекшилче [49] үндүрүп эккелдиң.

¹³Сээң өргээңче өргүл белээн ап алгаш, кире бээр мен, Сеңээ даңгырактарымны күүседир мен.

¹⁴Айыыл-халапка алыскан турумда, ол аазаашкыннар мээң аксымдан үнген, оларны мээң дылым чугаалаан.

¹⁵Семис өргүлдерни Сеңээ эккеп, кошкарларны өрттедип өргүүр мен, оларның чыды Сеңээ чеде бээр; бугалар болгаш хуналарны эккеп өргүүр мен. Сэла

¹⁶Бургандан коргар бүгү улус, мени дыңнаңар — мени бодааш, Ооң чүнү кылганын чугаалап бээр мен.

¹⁷Мен Ону аксы-сөзүм-биле кыйгырып, аксы-дылым-биле Ону кымдан арттыр мактап турдум.

¹⁸Мээң чүрээмде бачыт артып калган болза, Дээрги-Чаяакчы мени дыңнавас ийик.

¹⁹Ынчалза-даа Бурган мээң мөргүлүмнүң сөстерин тооп көрүп, мени дыңнап каан.

²⁰Мээң мөргүлүмнү тоовайн барбаан, Бодунуң энерелин менден чайлатпаан Бурганга алдар!