Read Ыдыктыг Библия, 2011 Псалтирь 68 Bible Online

Псалтирь 68 - Ыдыктыг Библия, 2011 bible

Псалтирь 68

¹Хөгжүм башкарыкчызынга. «Лилия чечээ» деп аялга үдээр. Давидтии. [1]

²Бурганым, мени камгала — суг аксы-думчуум долар четти.

³Ханы тулаага дүжүп өлдүм-не, тептиниптер хире чүү-даа чогул. Ханы сугже дүжүп кирдим-не, агым суг мени алгаш бадыпты.

⁴Дуза дилеп кыйгыргаш, туруптум — аксы-боскум кургай берди; Бурганымны манап чадааш, карактарым шылап кагды.

⁵Чылдагаан чок черге мени көөр хөңнү чок улус бажым дүгүнден-даа хөй. Мени хей черге чок кылыр дээн дайзыннарым күштели берди, үптеп-хунааваан-даа чүвемни эгидер ужурга таварыштым.

⁶Бурганым, угаан чогумну билир сен, бачыттарым Сеңээ ажык.

⁷Аг-шериглиг Дээрги-Бурган-Чаяакчы, Сеңээ ынанган улустуң ады мен дээш баксыравазын; Израильдиң Бурганы, Сенче чүткээн улус мен дээш бак атка кирбезин.

⁸А мен Сен дээш бак атка кирип чор мен; Сен дээш арнымны ыядыг шыва алды.

⁹Ха-дуңмам аразынга өске кижи болу бердим; хан төрел улузумга хары кижи болу бердим.

¹⁰Сээң өргээңге дендии күштүг ынакшылым сеткилимни оя чип чор, Сени бак көрген улустуң дорамчылалы мээң кырымга дүштү.

¹¹Ыглап-сыктап, шээрлээним дээш чемелел-ле дыңнаар-дыр мен.

¹²Качыгдал хевин кедип алгаш, кочу-шоотка кирер-дир мен.

¹³Хоорайның төп шөлүнде турар улустуң аксы-дылындан дүшпес-тир мен. Арагалап хөглээннер-даа аразында мени кочулап ырлажыр-дыр.

¹⁴А мен дөмей-ле Сеңээ мөргүүр мен, Дээрги-Чаяакчы. Ээ көрнүрүн күзээн үеңде, элбек энерелдииң көргүзүп, ынаныштыг камгалалың-биле меңээ харыылап көр, Бурганым.

¹⁵Малгаш-балардан мени ушта тырт — дүжүп өлбээйн. Мени көөр хөңнү чок улустан, ханы суглардан адырлып аайн.

¹⁶Шапкын агым мени алгаш батпазын, ханы ээрем мени киир тыртпазын, тамының аксынче кирип, ис чок чиде бербээйн.

¹⁷Дээрги-Чаяакчы, мени дыңна, энерелиң ачылыг-дыр, эгээртинмес ээ-хайыраң менче ээлдир.

¹⁸Чалчаң менден хая көрүнме — кызагдадып чоруур меңээ дүрген харыыла.

¹⁹Чоокшулап келгеш, мени камгала, дайзыннарымга чөрүштүр амы-тынымны адырып хоста.

²⁰Кайы хире дора көрдүргеним, ыятканым, бак атка киргеним Сеңээ эки билдингир: дайзыннарымның дөгерезин билир сен, Дээрги-Чаяакчы.

²¹Дора көрүүшкүн сузум базып, чилчиим үстү. Кээргээчел сеткил дилээш, куруг үндүм; аргалаптар кижи манааш, тыппайн бардым.

²²Дайзыннарым оо-хоранны аъш-чемимге холуп, суксаарымга, ажыг суксун берип турду.

²³Дайзыннарым найыр-дою боттарын дузактап алзын, кезедир какпа болу берзин.

²⁴Карактарының шоозу өжүп, согурарзын, ооргалары бүшкүйүп, кажан шагда суларазын.

²⁵Килеңиңни оларже тө чажывыдам — киткээн оду оларны хөме таварып, хуюктазын.

²⁶Аал-чурту-даа хоозуразын — оларның чадырларынга чурттаар улус артпазын!

²⁷Чүге дээрге олар Сээң кезеткен кижиңни истеп-сүрүп, Сээң балыглап каан кижиңни хилинчектээри дам барып тур.

²⁸Сен оларны кем-буруулуг херек бүрүзү дээш кезедип көр, Сээң агартыышкыныңны олар албазын.

²⁹Амыдыралдың номунда бижиттинген аттарын балатсын, чөптүг-шынныг улус-биле кады ынаар киир бижиттирбезин.

³⁰А мен түрегдеп, качыгдап чор мен, камгалалың мени кижи четпес бедикче көдүрзүн, Бурганым!

³¹Бурганымның адын ырымга алдаржыдайн, Ооң өндүр улуун мактаайн.

³²Мыйыс-дуюглуг буганы өргүүрүнге көөрде, шак ол макталым Дээрги-Чаяакчыга аажок тааржыр.

³³Ону көргеш, биче сеткилдиг улус өөрүп-байырлазын; Бурганче чүткээн улус, чүрээңер соп, дирлип үнзүн.

³⁴Дээрги-Чаяакчы ядыыларны дыңнап турар, Бодунуң хоругдаткан улузун тооп көөр.

³⁵Дээр-деңгер, чер, далай, ында чурттаан бүгү амытаннар Ону алгап-мактазын!

³⁶Бурган Сионну камгалаар, Иудеяның хоорай, суурларын катап тудар, улус ол черге чурттай берип, ээлеп алыр.

³⁷Бурганның чалчаларының салгалы ол черге кээп, турумчуур; Ооң адынга ынак улус орта чурттай бээр.