Read Ыдыктыг Библия, 2011 Псалтирь 74 Bible Online

Псалтирь 74 - Ыдыктыг Библия, 2011 bible

Псалтирь 74

¹Хөгжүм башкарыкчызынга. «Узуткава» деп аялга үдээр. [1] Мизмор-ыр. Асафтыы.

²Сени алдаржыдып тур бис, Бурганывыс, алдаржыдып-ла тур бис, Сээң адың көңгүс чоокта дыңналып тур, Сээң кайгамчык чүүлдериңни улус медээлеп тур.

³«Доктааткан үемде чөптүг шииткел кылыр мен.

⁴Чер болгаш ында амыдыраан бүгү улус сириңейнип тур: Мен черни тургузар адагаштарны быжыг кылып каар мен. Сэла

⁵Турамык улуска: „Адыыргаваңар“ — деп, бузуттуг улуска: „Күжүңерге менээргенмеңер“ — деп чугааладым».

⁶Күжүңерге аажок менээргенмеңер, улуг туралап чүве чугаалаваңар —

⁷кижиге депшилге чөөн чүктен-даа, барыын чүктен-даа, мурнуу чүктен-даа келбес,

⁸улусту Бурган шын шиидип турар: бир кижини куду бадырар, а өске кижини өрү көдүрер.

⁹Килеңниң дашказы Дээрги-Чаяакчының холунда — ынаар куткан эзиртир арага хайнып шуурап тур, Ол дашказындан улуска кудуп бээр, чер-делегейниң бүгү бузуттуг улузу араганы сөөлгү дамдызынга чедир ижер апаар.

¹⁰А мен Израильдиң Бурганын алгап ырлаар мен, кезээ мөңгеде Ооң дугайында медээлээр мен.

¹¹Бузуттугларның күчү-күжүн буурадыр мен, чөптүг-шынныг улустуң күчү-күжү бедидир көдүртүр.