Read Ыдыктыг Библия, 2011 Псалтирь 85 Bible Online

Псалтирь 85 - Ыдыктыг Библия, 2011 bible

Псалтирь 85

¹Мөргүл. Давидтии. [1] Дээрги-Чаяакчы, кулааң менче ээктирип, харыылап көрем — чөгенчиг күжүр-дүр мен.

²Мени каракта — Сеңээ бердинген мен, Бурганым, Бодуңнуң чалчаңны камгала — Сеңээ ынаныр мен.

³Дээрги, менче ээ көрнүп көр — Сени хүннү бадыр кыйгырып тур мен.

⁴Бодуңнуң чалчаңның сеткил-хөңнүн өөртүп көр — Дээрги, сеткилим ханызындан Сеңээ мөргүп тур мен.

⁵Дээрги, Сени кыйгырган шупту улуска ачы-буянныг, ээ-хайыралыг база элбек энерелдиг сен.

⁶Мээң мөргүлүмнү дыңна, тейлээн үнүмче кичээнгейден сал, Дээрги-Чаяакчы.

⁷Айыыл-халапка алыскан хүнүмде Сени кыйгырдым — меңээ харыылаарыңны билир мен.

⁸Дээрги, бурганнар аразында Сен дег кым-даа чок, Сээңии дег ажыл-херектер база чок.

⁹Сээң чаяап кааның хамык чоннар чедип келгеш, мурнуңга мөгеер, адыңны алдаржыдар, Дээрги.

¹⁰Сен — өндүр улуг сен, кайгамчык чүүлдерни кылып турар сен, дың чаңгыс Бурган сен.

¹¹Дээрги-Чаяакчы, Сээң орууңну эдерер кылдыр мени өөредип каг, ынчан Сээң шының ёзугаар амыдыраар мен; бүгү-ле чүрээм-биле Сээң адыңга сөгүрүүйн [74].

¹²Дээрги Бурган, Сени бүгү чүлдү-чүрээмден алгап-мактаар мен, Сээң адыңны кезээ мөңгеде алдаржыдар мен;

¹³Сээң меңээ хайырлаан энерелиң өндүр улуг болгай: амы-тынымны өлүглер оранының тамызындан адырган сен.

¹⁴Бурганым, улуургак улус менче халдап келди, түрлүг улус амы-тынымны үзер деп тур — Сени тооп көрбес улус ол-дур.

¹⁵А Сен, Дээргим, килеңнээчел эвес, кээргээчел, ээ көрнүүчел, элбек энерелдиг база бүзүрелдиг Бурган сен.

¹⁶Көрүжүңнү менче углап, ээ көрнүп көр, Бодуңнуң чалчаң болур меңээ күжүң хайырла — чалча херээжениңниң оглу мени камгала.

¹⁷Меңээ бүгү чүве эки боорунуң бадыткал демдээн көргүс — мени көөр хөңнү чок улус ону көрзүн, бак атка кирзин. Дээрги-Чаяакчы, Сен меңээ дузалап, аргалалды хайырлаан болгай сен.