Read Ыдыктыг Библия, 2011 Псалтирь 87 Bible Online

Псалтирь 87 - Ыдыктыг Библия, 2011 bible

Псалтирь 87

¹Мизмор-ыр. Корахтың оолдарыныы. [1] Хөгжүм башкарыкчызынга. Үрер хөгжүмге үдээр, ырлаарынга таарыштырган. Маскил-ыр. Зерах уктуг Еманныы.

²Дээрги-Чаяакчы — мени камгалап турар Бурган, Сээң мурнуңда хүндүс-даа, дүне-даа дуза дилеп кыйгырып тур мен.

³Сеңээ мээң мөргүлүм четсин, кыйгымче кулааңны ээктир!

⁴Айыыл-халап сеткилимниң эриин ажа берди, амы-тыным өлүглер оранынче кирер деп барды.

⁵Улус менче хөөрже кирип бар чыдар кижиже дег көрүп тур, күш-шыдал чок кижи дег болу бердим;

⁶мени өлүглер аразынга чорзун дээш салыпкан, чевегде чыдар өлүртүп каан улус дег мен — ындыг улусту Сен ам сагынмас-даа болу бердиң, оларже холуң сунмас-тыр сен.

⁷Сен мени алдыы оранче, дүмбей караңгы черже, ханы тамыже киириптиң.

⁸Сээң килеңиң мени хөме тавараан, бүгү чалгыгларың-биле мени бүргей ап, хинчектеп тур сен. Сэла

⁹Эш-өөрүмнү менден ырадып кааптың, мени оларның бужарзынар кижизи кылып кагдың, баш муңгаш байдалга таварышкаш, үнер арга тыппайн тур мен.

¹⁰Качыгдалдан карактарым аарып тур: хүннүң-не Сени кыйгырып, холдарымны Сенче сунуп тур мен, Дээрги-Чаяакчы.

¹¹Өлүг улуска кайгамчык чүүл кылып бээр деп сен бе? Өлүглер туруп келгеш, Сени алдаржыдар деп бе? Сэла

¹²Сээң энерелиңни чевегге, Сээң шынчыңны өлүм оранынга чугаалаар кижи турар деп бе?

¹³Сээң кайгамчык ажыл-херээңни дүмбей караңгыга, Сээң чөптүүңнү уттуушкун оранынга билип шыдаар улус турар деп бе?

¹⁴Дээрги-Чаяакчы, а мен Сени кыйгырып тур мен, эртен эрте мээң мөргүлүм Сеңээ дыңналып чеде бээр.

¹⁵Чүге менден ойталап тур сен, чүге менден хая көрнүп тур сен, Дээрги-Чаяакчы?

¹⁶Аныяамдан-на түрегдеп, өлүр чазып, Сээң чорудупкан коргунчуг байдалдарыңны шыдажып эртип, харыксырап чор мен.

¹⁷Сээң килеңиң мени таварып эрте берген, Сээң чорудупкан коргунчуг байдалдарың мени узуткап каапкан,

¹⁸олар мени хүннү бадыр суг ышкаш хөме ап, шупту каттыжып алгаш, бүзээлеп турар.

¹⁹Сен мээң эш-өөрүмнү, ынак улузумну ырадып кааптың, мени чоок кижилеримден чарып кагдың [77].