Read Ыдыктыг Библия, 2011 Притчи 23 Bible Online

Притчи 23 - Ыдыктыг Библия, 2011 bible

Притчи 23

¹Чагырыкчы-биле кады чемненип олуруп алзыңза, сээң мурнуңда кым олурарын таптыг бодап көр [29];

²чем чигеш, чазыйланыр чаңныг болзуңза, боостааңны бижек дуй чыдыпкан дег болзун.

³Ооң амданныг чеминге элзеттирбе — ол аъш-чемде оп-меге холаан болдур ийин.

⁴Байлакшылды хөлүн эрттир сүрбе, доктаар өйнү билип чор;

⁵байлакшылче чүгле көрүп четтигип чыдырыңда, ол арлы бээр: эзир куштуң чалгыннарын чыпшырып алгаш, дээрже ужа берген болур.

⁶Чазый кижи-биле кады чемненме, амданныг чеминге элзеттирбе;

⁷ооң сеткили сенчилиг деп бил. Ол: «Ижип-чип көр» — деп орза-даа, сагыжы сеңээ удур болур;

⁸ажырыпкан борбак чемиңни дедир кузар сен, буянныг сөстериңни хей-ле чарыгдаар сен.

⁹Мелегей кижиниң кулаанга чүнү-даа чугаалава, ол сээң угаанныг чугааңны шоодарынга-ла өй боор.

¹⁰Хувааглыг чер демдеглээн эрги шагның чагызын шимчетпе, өскүстерниң черинче шургуп кирбе;

¹¹оларда күчүлүг Камгалакчы бар болгай, чаргы-чаалыңарны Ол шиитпирлээр.

¹²Сургаалче чүрээңни угландыр, билигниң сөстеринче кулааңны ээктир.

¹³Аныяк оолду кеземче чок арттырба, шыкпыыштаар болзуңза, өлүп каар эвес:

¹⁴ону шыкпыыш-биле кезеткеш, өлүмден камгалап аар сен.

¹⁵Оглум! Бир эвес чүрээңде мерген угаан бар болза, чүрээмни өөрүшкү ээлээр,

¹⁶аас-сөзүң шынны чугаалаар болза, ишти-хөңнүм чүмү-биле өөрүп-байырлаар.

¹⁷Сээң чүрээң бачыттыг улуска адааргавазын, а Дээрги-Чаяакчыдан кезээде коргуп чорзун,

¹⁸чүге дээрге келир үе дүжүп кээр, идегелиң черле өжүп төнмес.

¹⁹Мени дыңна, оглум, мерген угаанныг бооп көр, чүрээңни шын орукче углап башкар.

²⁰Эзиртир арагалаар, идээледир эът сыырар улус аразынга турба,

²¹чүге дээрге арагачы-даа, чазый-даа кижи ядарай бээр, ээдередир уйгузу оларны элбер-самдар кылып каар.

²²Төрүдүп каан адаңны дыңна, иең кырый берзе-даа, ону тоовайн барба.

²³Алыс шынны чедип ал, мерген угаанны-даа, сургаалды-даа, угаан-сарыылды-даа төтчеглеве.

²⁴Чөптүг-шынныг кижиниң ачазы өөрүп-байырлаар, мерген угаанныг кижиниң адазы өөрүп ханмас.

²⁵Төрүп каан аваң амыразын, сээң ада-иең өөрүп-байырлазын!

²⁶Оглум! Чүрээңни менче угландыр, карактарың мээң оруктарымче шиглей көрзүн.

²⁷Самыын-садар херээжен-биле холбажыры — ханы хооргалче дүжери дег, өске кижи кадайы-биле харылзажыры — тар кудукче дүжери дег;

²⁸ындыг херээжен, кедегде орар дээрбечи дег, хөй-ле улусту бачыттыгларже хуулдурар.

²⁹«Ах!», «ох!» дээн, уёлап-човууртаан кижи кымыл? Алгыш-кырыш үндүрүп, хомудап турар кижи кымыл? Чылдагаан чок черге балыгланган кижи кымыл? Карактары кыза берген кижи кымыл?

³⁰Орайга дээр арагалап орар, арага-дары дилеп туруп бээр кижи ол-дур.

³¹Арагаже көрбе — өңүнүң кызып турарынче, дашкада кылаңайнып чайнаарынче, боостааже боду-ла ажарынче көрбе.

³²Чүге дээрге ол ооң соонда чылан дег шаптар, хоранныг чылан дег халдап кээр болгай.

³³Ынчан өске улус кадайларынче [30] көрүп туруп бээр сен, а угааныңга соора барган бодалдар кирер;

³⁴далай ортузунда чайганган хеме кырында чыдар кижи дег апаар сен.

³⁵«Улус мени эттээрге-даа, көңгүс тоовадым, хап-согарга-даа, медереп билбедим; а оттуп келгеш, катап-ла ижип эгелээр мен» — деп баар сен.