Read Ыдыктыг Библия, 2011 Притчи 9 Bible Online

Притчи 9 - Ыдыктыг Библия, 2011 bible

Притчи 9

¹Мерген угаан бажыңын туткаш, чеди адагашты тургузуп алган.

²Эът-чемин, чаагай амданныг арагазын белеткеп, столунга делгей салып алган.

³[3-4] Бодунуң чалчаларын хоорайның улуска көскү черлеринден: «Кенен улус, меңээ кире дүжүңер!» — деп кыйгырзын дээш айбылап чорудупкан. Угаан кирбээн улуска ол мынча деп турар:

⁵«Бээр келиңер, мээң аъш-чемимни чооглаңар, чаагай амданныг арагамны ижиңер!

⁶Кенен чоруктан адырлыңар, ынчан амы-тынныг артар силер, угаанның оруу-биле чоруур силер.

⁷Кочуургак кижини эдип-чазаар болзуңза, сени бак сөглеп кааптар, бузуттуг кижини чемелээр болзуңза, сени бакка бораар.

⁸Кочуургак кижини чемелеве, оон башка сени көөр хөңнү чок апаар; харын мерген угаанныг кижини чемеле — ол сеңээ ынак апаар.

⁹Мерген угаанныг кижини чагып-сурга — ол оон-даа мерген угаанныг апаар, чөптүг-шынныг кижини өөрет — ол оон-даа хөй билиглиг апаар.

¹⁰Дээрги-Чаяакчыдан коргары — мерген угаанның үнер дөзү ол-дур, ыдыктыг Бурганны билип аары — сарыыл ол-дур!

¹¹Мээң — Мерген угаанның — ачымда амыдыралың хуусаазы немежир, назының узаар.

¹²Мерген угаанныг болзуңза, бодуңга ажыктыг, а кочуургак болзуңза, бодуңнуң шоруң-дур».

¹³Мелегей чорук — бардам, шуугаазынныг, билир чүвези чок херээжен дег.

¹⁴Ол бажыңының эжииниң чанында сандайга, бүгү хоорайга көскү кылдыр олуруп алгаш,

¹⁵[15-16] чаны-биле эртип-дүшкен, бодунуң оруу-биле бар чыдар шупту улусту: «Кенен улус, меңээ кире дүжүңер!» — деп кыйгырып турар: Угаан кирбээн улуска ол мынча деп турар:

¹⁷«Оорлап алган сугну ижерге — амданныг, чажырып алган хлебти чиирге — таптыг!»

¹⁸А дыңнап турар улус ол херээжен оларны өлүг сүнезиннер аразынче кый деп турарын-даа, ооң аалчылары алдыы оранның ханызында барган дээрзин-даа билбес.