Read Ыдыктыг Библия, 2011 Иеремия 12 Bible Online

Иеремия 12 - Ыдыктыг Библия, 2011 bible

Иеремия 12

¹Сээң-биле чаргы-чаалы кылыр болзумза, Сен чөптүг-шынныг болур сен, Дээрги-Чаяакчы! Ындыг-даа болза, Сээң-биле чөптүг чорук дугайында чугаалажып көрейн. Бузуттугларның оруу чүге чедимчелиг боорул, кара сагыштыглар чүге амырап чыргаарыл?

²Сен оларны тарып өстүрүп кагдың — олар дазылдангаш, улгадып өскеш, чимизин берип тур. Сээң адың оларның аксындан дүшпестээн-дир, а сеткил-чүрээнден ырак-тыр.

³Дээрги-Чаяакчы, Сен мени билир сен, көрүп турар сен, сеткил-чүрээмни шенеп көрген сен — ол Сээң-биле болду. А бузуттуг улусту, хойлар дег, дөгерери-биле сүрүп аппар, кырар хүнүн айтып каап көр.

⁴Чежеге чедир кырында чурттаан кижилерниң кем-буруузу дээш чер качыгдаарыл, хову-шөлде оът-сиген оңуп кадарыл? Аң-мең-даа, куштар-даа чиде берген, чүге дээрге ол кижилер: «Дээрги-Чаяакчы бистиң оруувусту көрбес-тир» — деп турар-дыр.

⁵«Чадаг кижилер-биле чарышкаш, шааң төне берген болза, аъттар-биле канчап быражыр сен? Оожум шөлээн черге айыыл чок чурттап турган болзуңза, Иорданның эриинге канчап шыдажыр сен? [22]

⁶Сээң ха-дуңмаң, төрел бөлүүң улузу безин сени садыпкан-дыр, олар сени истеп-сүрүп турар-дыр. Сеңээ эки сөс чугаалаарга безин, оларга бүзүреве.

⁷Мен Бодумнуң оран-савамны, Бодумнуң ээлээн черимни каапкан мен, сеткилимден ынак чонумну дайзыннар холунга хүлээдип берген мен.

⁸Мээң чонум шырыш иштинде арзылаң дег: ол Менче ырланып эгелээрге, ону көөр хөңнүм чок апарды.

⁹Мээң чонум шокар араатан куш дег, өске араатан куштар ону бүзээлеп, халдап келген. Барып, хову-шөлде бүгү аң-араатанны чыып эккелиңер! Чедип келгеш, Мээң чонумну дойлап сыырыпсыннар!

¹⁰Мөөң кадарчылар Мээң виноградым шөлүн үрегдеди, Мээң ээлээн черимни таптай басты. Мээң эргим черимни хоозурадып, ээнзиретти.

¹¹Ээлээн черимни ээн кургаг хову кылдыр хуулдурупту, ол ам Мээң мурнумда ээнзиреп калган ыглап тур, чер-чурт ээнзирээн-дир, ол дээш сагышсыраар кижи чок-тур.

¹²Ээн кургаг ховуда бүгү тас тейлерни кырлай базып, узуткакчылар чедип келди; Дээрги-Чаяакчының хылыжы черниң чурттакчыларын бир кыдыындан өске кыдыынга чедир кыргып-хыдып каапты, кым-даа амыр-тайбың көрбестеди.

¹³Улус кызыл-тас тарааш, тенниг үнүш ажаап алды, чилчиин үзүлдүр ажылдаарга-даа, ажык-дуза чок болду. Ындыг дүжүдүңерден ыядыңар, Дээрги-Чаяакчының чалбыыштыг килеңи ол-дур!»

¹⁴Дээрги-Чаяакчы: «Израиль чонумга хайырлааным ээлээн черже семеп халдаан бузуттуг-бак кожа чоннарны Мен боттарының чер-чуртундан тура тыртар мен, Иудеяның чонун база оларның аразындан тура тыртып аар мен.

¹⁵Ынчалза-даа оларны тура тыртканым соонда, Мен оларга өршээл көргүзүп, кайызын-даа бодунуң ээлээн черинче эгидер мен.

¹⁶Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ — деп даңгыраглаар болза, олар база Мээң чонумнуң кезии апаар.

¹⁷А Мени тооп дыңнавас чон турар болза, ону шуут узуткап, тура тыртып каар мен» — деп чугаалаан.